Nirvanakalika p76

p76

|| atha bhūparīkṣā || __ atha prāsādaṃ cikīrṣuḥ prāgeva suparīkṣitāṃ bhuvaṃ gṛhṇīyāt | tatra bhūmiḥ śuklā ājyagandhā madhurā brāhmaṇasya | raktā raktāntagandhā kaṣāyā kṣatriyasya | pītā tiktāntagandhā vaiśyasya | vigandhā kaṭukā kṛṣṇā madhyagandhā śudrasya | śeṣā catūrūpā'pi khātavāridīpaguṇādinā parīkṣaṇīyā | tatra hastamātraṃ khātaṃ tatratyamṛdā yasyāḥ pūryate sā madhyamā | yā uddharati mṛttikā sā śreṣṭhā | yatrā'paripūrṇā mṛttikā sā'dhamā | udakena ca khātamāpūritaṃ padaśatagamanāgamanaparyantaṃ yatra sampūrṇa dṛśyate sā jyāyasī | aṅgulonaṃ madhyamā|bahubhiraṅgulairūnaṃ nikṛṭeti | āmakumbhasya vā upari ghṛtapūrṇāmaśarāve caturdikṣu sitaraktapītakṛṣṇavarticatuṣṭayaṃ prajvālayet | (prajvalitaṃ hṛdayādimantrasampūjitamāralehāntaṃ) yadi paśyettadā sarvavarṇānāṃ bhūḥ praśasteti jānīyāt | atha | nirvāṇā yāvantyastāvatāṃ sā na praśasteti | evaṃ parīkṣya tasyāṃ yathoktaṃ maṇḍapaṃ kuṇḍasahitaṃ kārayitvā dvārapālapūjādimantratarpaṇāntaṃ karma kṛtvā mūlamantreṇa sahasraṃ hutvā kumbhapañcakaṃ saptadhānyānāmupari sthitaṃ puṇyodakapūrṇa praśastauṣadhīratnagarbha cūnāśvatthādipallavabījapūrādiphalopaśobhitaṃ vastrayugāvṛtaṃ saksūtrakaṇṭhaṃ śāsanena sāṅgena bhagavatā samadhiṣṭhitaṃ sampūjya lagnakāle prāsādasya madhyasthāne kumbhajalaṃ prakṣipya pūrvadakṣiṇapaścimo
1 ghṛtapūrṇaśarāve iti ga. pāṭhaḥ | 2 dhanuścihnāntarvartī bhāgaḥ ka. kha. yornāsti | 3 bījapūgādi iti ga. pāṭhaḥ |