Thanamga 2.3.7
Ṭhāṇaṃga 2.3.7
- Language
- Ardhamāgadhī Prakrit
2.3.7.1
jambuddīvē dīvē mandarassa pavvayassa ya uttara-dāhiṇē ṇaṁ dō vāsaharapavvayā paṇṇattā bahusamatullā avisēsamaṇāṇattā aṇṇamaṇṇaṁ ṇātivaṭṭanti āyāma-vikkhambhuccatōvvēha-saṇṭhāṇa-pariṇāhēṇaṁ taṁ jahā — cullahimavantē cēva sihariccēva, ēvaṁ mahāhimavantē cēva rūppiccēva, ēvaṁ-nisaḍhē cēva nīlavantē cēva, jambuddīvē dīvē mandarassa pavvayassa uttara-dāhiṇēṇaṁ hēmavata-hēraṇṇavatēsu vāsēsu dō vaṭṭavēyaḍḍhapavvatā paṇṇattā-bahusamatullā avisēsamaṇāṇattā jāva saddāvatī cēva viyaḍāvātī cēva, tattha ṇaṁ dō dēvā mahiḍḍhiyā jāva paliōvamaṭṭhitīyā parivasanti taṁ jahā sātī cēva pabhāsē cēva.
2.3.7.2
jambuddīvēdīvē mandarassa pavvayassa uttara-dāhiṇēṇaṁ harivāsa-rammaēsu vāsēsu dō vaṭṭavēyaḍḍha-pavvayā paṇṇattā- bahusamatullā jāva taṁ jahā — gandhāvātī cēva mālavantapariyāē cēva, tattha ṇaṁ dō dēvā mahiḍḍhiyā jāva paliōvamaṭṭhitīyā parivasanti taṁ jahā aruṇē cēva paümē cēva.
2.3.7.3
jambuddīvē dīvē mandarassa pavvayassa dāhiṇē ṇaṁ dēvakurāē kurāē puvvāvarē pāsē ettha ṇaṁ āsakkhandhagasarisā addhacanda-saṇṭhāṇa-saṇṭhiyā dō vakkhārapavvayā paṇṇattā bahusamatullā jāva taṁ jahā — sōmaṇasē cēva vijjuppabhē cēva.
2.3.7.4
jambuddīvē dīvē mandarassa pavvayassa uttarē ṇaṁ uttarakurāē kurāē puvvāvarē pāsē ettha ṇaṁ āsakkhandha-gasarisā addhacanda-saṇṭhāṇa-saṇṭhiyā dō vakkhārapavvayā paṇṇattā-bahusamatullā jāva taṁ jahā — gandhamāyaṇē cēva mālavantē cēva.
2.3.7.5
jambuddīvē dīvē mandarassa pavvayassa uttara-dāhiṇē ṇaṁ dō dīhavēyaḍḍhapavvayā paṇṇattā-bahusamatullā jāva taṁ jahā — bhārahē cēva dīhavēyaḍḍhē ēravatē cēva dīhavēyaḍḍhē, bhārahē ṇaṁ dīhavēyaḍḍhē dō guhāō paṇṇattāō-bahusamatullāō avisēsamaṇāṇattāō aṇṇamaṇṇaṁ ṇātivaṭṭanti āyāma-vikkhambhuccatta-saṇṭhāṇa-pariṇāhēṇaṁ taṁ jahā — timisaguhā cēva khaṇḍagappavāyaguhā cēva, tattha ṇaṁ dō dēvā mahiḍḍhiyā jāva paliōvamaṭṭhitīyā parivasanti taṁ jahā-kayamālaē cēva naṭṭamālaē cēva, ēravaē ṇaṁ dīhavēyaḍḍhē dō guhāō paṇṇattāō jāva taṁ jahā — kayamālaē cēva naṭṭamālaē cēva.
2.3.7.6
jambuddīvē dīvē mandarassa pavvayassa dāhiṇēṇaṁ cullahimavantē vāsaharapavvaē dō kūḍā paṇṇattā-bahusamatullā jāva vikkhambhuccatta-saṇṭhāṇapariṇāhēṇaṁ, taṁ jahā — cullahimavantakūḍē cēva vēsamaṇakūḍē cēva.
2.3.7.7
jambuddīvē dīvē mandarassa pavvayassa dāhiṇē ṇaṁ mahāhimavantē vāsaharapavvaē dō kūḍā paṇṇattā-bahusamatullā jāva taṁ jahā — mahāhimavantakūḍē cēva vēruliyakūḍē cēva, ēvaṁ- nisaḍhē vāsaharapavvaē dō kūḍā paṇṇattā-bahusamatullā jāva taṁ jahā — nisaḍhakūḍē cēva ruyagappabhē cēva.
2.3.7.8
jambuddīvē dīvē mandarassa pavvayassa uttarē ṇaṁ nīlavantē vāsaharapavvaē dō kūḍā paṇṇattā-bahusamatullā jāva taṁ jahā — nīlavantakūḍē cēva uvadaṁsaṇakūḍē cēva, ēvaṁ- ruppimi vāsaharapavvaē dō kūḍā paṇṇattā-bahusamatullā jāva taṁ jahā — ruppikūḍē cēva maṇikañcaṇakūḍē cēva, ēvaṁ-sihariṁmi vāsaharapavvatē dō kūḍā paṇṇattā-bahusamatullā jāva taṁ jahā — siharikūḍē cēva tigiñchakūḍē cēva.
Translations (2)
- Ṭhāṇaṃga: Hindi translation (Dīparatnasāgara, 2019) — Hindi
- Ṭhāṇaṃga: Gujarati translation (Dīparatnasāgara, 2020) — Gujarati
Commentaries (2)
- Sthānāṅgavṛtti — Abhayadeva Sūri, Sanskrit
- Ṭhāṇaṃga: ṭīkānusārī vivecana — Muni Dīparatnasāgara, Gujarati