Thanamga 3.3.20.1

3.3.20.1

tividhē micchattē paṇṇattē taṁ jahā — akiriyā aviṇaē annāṇē, akiriyā tividhā pannattā taṁ jahā — paōgakiriyā samudāṇakiriyā annāṇakiriyā, paōgakiriyā tividhā pannattā taṁ jahā — maṇapaōgakiriyā vaïpaōgakiriyā kāyapaōgōkiriyā, samudāṇakiriyā tividhā pannattā taṁ jahā — aṇantara-samudāṇakiriyā paramparasamudāṇakiriyā tadubhayasamudāṇakiriyā, annāṇakiriyā tividhā pannattā taṁ jahā — matiannāṇakiriyā sutaannāṇakiriyā vibhaṅgaannāṇakiriyā, aviṇaē tivihē paṇṇattē taṁ jahā — dēsaccāī nirālambaṇatā nānāpejjadōsē, annāṇē tividhē paṇṇatē taṁ jahā — dēsannāṇē savvannāṇē bhāvannāṇē.