Viyahapannatti v5.p157

v5.p157

mū. (140) kahi ṇaṃ bhaṃte! camarassa asuriṃdassa asurakumāranno sabhā suhammā pannattā ?, goyamā ! jaṃbūddīve dīve maṃdarassa pavvayassa dāhiṇeṇaṃ tiriyamasaṃkhejje dīvasamudde vīīvaittā aruṇavarassa dīvassa bāhirillāo veiyaṃtāo aruṇodayaṃ samuddaṃ bāyālīsaṃ joyaṇasahassāiṃ ogāhittā ettha ṇaṃ camarassa asuriṃdarasa asurakumāraranno tigicchiyakūḍe nāmaṃuppāyapavvae pannatte, sattarasaekkavīse joyaṇasae uḍḍuṃ uccatteṇaṃ cattāri joyaṇasae kosaṃca uvveheṇaṃ gotthubhassa āvāsapavvayassa pamāṇeṇaṃ neyavvaṃ navaraṃ uvarillaṃ pamāṇaṃ majjhe bhāṇiyavvaṃ |
154
[ mūle dasabāvīse joyaṇasae vikkhaṃbheṇaṃ majjhe cattāri cauvīse joyaṇasate vikkhaṃbheṇaṃ uvariṃ sattatevīse joyaṇasate vikkhaṃbheṇaṃ mūle tinnijoyaṇasahassāiṃ donni ya battīsuttare joyaṇasate kiṃcivisesūṇe parikkheveṇaṃ majjhe egaṃ joyaṇasahassaṃ tinni ya igayāle joyaṇasate kiṃcivisesūṇe parikkheveṇaṃ uvari donni ya joyaṇasahassāiṃ donni ya chalasīte joyaṇasate kiṃcivisesāhie parikkheveṇaṃ |]
jāva mūle vitthaḍa majjhe saṃkhitte uppiṃ visāle majjhe varavairaviggahie mahāmauṃdasaṃṭhāṇasaṃṭhie savvarayaṇāmae acche jāva paḍirūve, se ṇaṃ egāe paumavaraveiyāe egeṇaṃ vanasaṃḍeṇa ya savvao samaṃtā saṃparikkhitte, paumavaraveiyāe vanasaṃḍassa ya vannao, tassa ṇaṃ tigicchikūḍassa uppāyapavvayassa uppiṃ bahusamaramaṇijje bhūmibhāge pannatte |
- vaṇṇao tassa ṇaṃ bahusamaramaṇijjassa bhūmimāgassa bahumajjhadesabhāge ettha ṇaṃ mahaṃ ege pāsāyavaḍiṃsae pannatte aḍḍāijjāī joyaṇasayāi uḍḍuṃ uccatteṇaṃ paṇavīsaṃ joyaṇasayāiṃ vikkhaṃbheṇaṃ, pāsāyavaṇṇao ulloyabhūmivannao aṭṭha joyaṇāiṃ maṇipeḍhiyā camarassa sīhāsaṇaṃ saparivāraṃ bhāṇiyavvaṃ, tassa ṇaṃ tigicchikūḍassa dāhiṇeṇaṃ chakkoḍisae paṇapannaṃ ca koḍīo paṇatīsaṃ ca sayasahassāiṃ pannāsaṃ ca sahassāiṃ aruṇode samudde tiriyaṃ vīivaittā ahe rayaṇappabhāe puḍhavīe cattālīsaṃ joyaṇasahassāiṃ ogāhittā ettha ṇaṃ camarassaasuriṃdarasa asurakumāraranno camaracaṃcā nāmaṃ rāyahāṇī paṃ0 |
egaṃjoyaṇasayasahassaṃ āyāmavikkhaṃbheṇaṃ jaṃbūddīvappamāṇaṃ, pāgāro divaḍḍuṃ joyaṇasayaṃ uḍḍuṃ uccatteṇaṃ mūle pannāsaṃ joyaṇāiṃ vikkhaṃbheṇaṃ uvariṃ addhaterasajoyaṇā kavisīsagā addha-joyaṇaāyāmaṃ kosaṃ vikkhaṃbheṇaṃ deṇaṃ addhajoyaṇaṃ uḍḍuṃ uccatteṇaṃ egamegāe bāhāe paṃca 2 dārasayā aḍḍāijāiṃ joyaṇasayāiṃ 250 uḍḍuṃ uccatteṇaṃ 125 addhaṃ vikkhaṃbheṇaṃ uvariyaleṇaṃ solasajoyaṇasahassāiṃ āyāmavikkhaṃbheṇaṃ pannāsaṃ joyaṇasahassāiṃ paṃca ya sattānauyajoyaṇasae kiṃcivisesūṇe parikkheveṇaṃ savvappamāṇaṃ vemāṇiyappamāṇassa addhaṃ neyavvaṃ, sabhā suhammā, uttarapucchime ṇaṃ jiṇagharaṃ | tato uvavāyasabhā harao abhiseya0 alaṃkāro jahā vijayassa saṃkappo abhiseyavibhūsaṇā ya vavasāo accaṇiya suhamāya siddhāyaṇa gamovi ya ṇaṃ camara parivāra iḍaḍhattaṃ |
7
vṛ. 'asuriṃdasma' tti asurendrasya sa ceśvaratāmātreṇāpi syādityāha asurarājasya, vaśavarttyasuranikāyasyetyarthaḥ, 'uppāyapavvae' tti tiryaglokagamanāya yatrāgatyotpatati sa utpātaparvata iti | ' gotthubhasse' tyādi, tatra gostubho lavaṇasamudramadye pūrvasyāṃ diśi nāgarājāvāsaparvastasya cādimadhyānteṣu viṣkambhapramāṇamidam