Viyahapannatti p105

p105

bhagavatīcūrṇiḥ etthappa-bahuttaṃ puvvavaṇṇitaṃ kaṃṭhaṃ | dhammādhammāgāsāṇaṃ ruyagamajjhāvagāhiṇo aṭṭhapadesā majjhaṃ jīvapadesāvagāho ṇetavyo | ettha ya saṃdiṭṭhamevappa-bahuttaṃ kālā do poggalagataṃ | paṃcavīsatime cauttho samatto ||25|4||cha||
___ samaya-āvaliyā-āṇāpāṇu-thova-lava-hutta-divasa-ahoratta-pakkha-māsa-uḍu-ayaṇasaṃvacchara-juga-vāsa-satavāsa-sahassa-(dasasa)hassa-puvvaṃgapuvva jāva sīsapahelitā-palitovama-sāgarovamaussappiṇi-poggala-pariyaṭṭa-tītaddha-aṇāgataddhaṃ | savvaddhāto ṭhāvetūṇaṃ maggijaṃti | samatādiehiṃ ettha egā āvalitā | kiṃ saṃkhejjā samatā asaṃkhejā samatā aṇaṃtā samatā ? pucchā | asaṃkhejjā samatā ādi aṃtā paḍiaṃtā | evaṃ jāva ussappiṇī poggalapariyaṭṭo ṇiyamā aṇaṃtasāmātiyo tahā tītaddhāṇāgataddha savvaddhāto vi, egavayaṇeṇaṃ aṇaṃtāto niyamā | evaṃ puhatteṇa maggijaṃti | āvalitāto kiṃ saṃkhejā asaṃkhejjā aṇaṃtā samatā ? tattha saṃkhejayaṃ ṇatthi asaṃkhejagaṃ vā, ahavā jāto poggalapariyaṭṭādi abhaṃtarato tato aṇaṃtāto | evaṃ siya asaṃkhejāto siya aṇaṃtāto | evaṃ jāva poggalapariyaṭṭo | poggala pariyaṭṭe ṇiyamā aṇaṃtāto tahācarimesu | evaṃ āvalitāto āṇāpāṇuādiesu egatta-puhatteṇa pucchijaṃti ṇihissaṃti | taṃ jaṃ jattha saṃkhejjāsaṃkhejāṇaṃta gataṃ | kaṃṭhaṃ | egatta-puhatteṇa tavvamaṇaṃtarāṇaṃtaraṃtuttarādisu jāva aṇāgataddhā kiṃ saṃkhejāto tītaddhāto tti ? | tattha buddhīe udāharaṇaṃ-tītaddhā do samatā, aṇāgataddhā vi do, vaṭṭamāṇā samato so ya aṇāgataddhāe gaṇijjati | teṇa tītaddhāto aṇāgataddhā samayāhito tītaddhā samayūṇā jātā | tahā savvaddhāe saha tītaddhā | tattha savvaddhā gahaṇeṇa tītāṇāgataddhā ohitā gahitā | buddhīe tītaddhā uvarittāṇaṃ maggijati | tattha sātirega duguṇā kathaṃ jātā ? vaṭṭamāṇo samato avaṇīto tattha tītaddhāṇāgataddhāto do vi melitāto duguṇāo jātāto vaṭṭamāṇarūvamahitaṃ | ahuṇāṇāgatasavvaddhāto maggijaṃti | kaṃṭhā suttā | savvaddhāṇaṃ aṇāgataddhāto jo so vaṭṭamāṇo samato teṇa rūveṇa ūṇā duguṇā teṇa thovva savvaduguṇarūvā | sesaṃ kaṃṭhaṃ | ||cha|
paṇṇavaṇa-veda-rāge-kappa-caritta-paḍisevaṇā-ṇāṇe, titthe liṃga sarīre khette kāle gati saṃjama nikāse ||1|| joguvatoga kasāe lessā pariṇāma baṃdha vede ya | kammodīraṇa uvasaṃpajahaṇa saṇṇā ya āhāre ||2||