Viyahapannatti p110

p110

bhagavatīcūrṇiḥ chedovaṭṭhāvaṇiyaparihāritā tesiṃ ceva majjhimāṇaṃ sāmāiyamāvakahitaṃ, suhumādhākhātā sāmaṇṇā | ettha ya parihārā chedasuhamaṃtaritā sāmāyiyasaṃjatassa | chedovaṭṭhā-vaṇito sāmāiyasaṃjamapaḍivattī | jahā usabhāvaccijjā | ajitasāmissa parihārito gacchaṃ vā puṇo eti | sesaṃ kaṃṭhaṃ|
saṇṇāto cattāri ṇosaṇṇā ṇāṇasaṇṇā' suhumādhakhātā ṇiyamā ṇāṇovayutte | tappahāṇovayogato bhavaggahaṇā doṇha jahaṇṇiyāe aṭṭhaparihārādīṇa ja0 e0 u0 ti āgarisā | ekkekkassa egabhavaggahaṇitā ṇāṇā bhavaggahaṇiyā ya ciṃtijaṃti | pariṇāmo sāmāiyajogo tahā joggo taṃ paḍucca jahaṇṇādilaṃbho bhāṇitavvo | evaṃ savvesiṃ jahaṇṇo chevīsapuhattaṃ jāva sattāvīsāto chedamarhati | pario ti, muha0 do vārā vaḍati caḍottarāe cattāri | ahakkhāto uvasāmato do vārā egabhavaggahaṇe jahaṇṇe khavago ekkaṃ vā ṇāṇabhedāṇi doṇṇi tāva āū tesiṃ bhavaggahaṇā| ekkaṃ ekkabhave aṇṇamati ekkaṃ ekkabhave | ettha ya jassa jadi bhavā tesuṃ jo ukkassāgarisā bhaṇitā te meletavvā bhavvehiṃ | kāle tti | pa0 jahaṇṇeṇa egasamayaṃ taṃ ṭhāṇapattamaraṇapaḍucca savvesiṃ egasamato sā0 cche0 aha0 ukkasseṇa aṭṭhasātiregavāso pavvajāriho | tehiṃ puvakoḍī ūṇa | cha| parihāriyassa te cceva sātirekā aṭṭhā, tahā diṭṭivādo egūṇavīsa paritāgassa diṭṭivādo variso | eteṇa ūṇā ṛsabhakāle puvakoḍī suhumaṃto muttameva | ahuṇā bahutteṇa sāmāiyasaṃjamā mahāvidehe vi savvaṭuṃ | evaṃ ahakkhāyā kevaliṇo paḍucca chedassa ussappiṇīe tatiyaṃ samae ādititthakarassa titthaṃ aḍḍātijāṇivāsasayāṇi bitiya titthagarasāmātitāvakaḍḍie lahati | ukkasseṇa ṛsabhasāmititthaṃ ajitasāmi milati | etesu chedāvaṭṭhāvaṇito jahaṇṇukkasso labbhati | bahutteṇaṃ paṇṇāsaṃ sāgarovamā koḍīsatasahassā parihārito aṃtillatosappiṇiādilla usappiṇi titthagaratitthesu | ego titthagaramūlaṃ, vitito tassa mūle do vi vāsasatiyā egūṇatīsā vāsehiṃ ūṇagāṇi do vāsasatāṇi kajaṃti sataṃ vā tattālaṃ | egaṃ jahaṇṇaṃ, ukkoseṇa usabhakāle docceva purisajugāṇi, etehiṃ ceva varisehiṃ puvvakoḍito ūṇāto parihāriyassa cchedovaṭṭhāvaṇiyāṇaṃ puhatteṇaṃ | dussamadussamāto egā dussamā ussappiṇī eto cevahim̐ ukkasa sahassāusu su 4 su 3 su 2 ussappiṇi ossappiṇīsu aṭṭhārasa parihā jahaṇṇeṇaṃ du. du. du. du. du. du. savve vi culasītī||
etthata taheva titthagarapāyamūle do purisajugā ukkoseṇa taheva usabhassa, usabhassa ya chammāsā aṃtarālaṃ khettaphusaṇāto bhāvo ya kaṃṭho | parimāṇe appabahuttaṃ puhattatullatae viseso jahā puvvavaṇṇito jahā ūṇāhitatteṇa taheva daṭṭavyo | aṃtillappa-bahuṃ | kaṃṭhaṃ | sāmāiyā saṃjatāṇaṃ | cha|