Viyahapannatti p81

p81

bhagavatīcūrṇiḥ paḍitā, catutthe do aṃtāto paṃcame ādī paḍati | chaṭe ādī aṃtā ya | sattame āillāto do tisu ṭhāṇesu paṃ(ca)ṇhaṃ do paḍaṃti | tattha bahuttaṃ kaṭṭa saṃjogā dasa egogo satta bhaṃgo | ettha sattari 70 catuvaṇṇatte egegaṃ pāḍeṃtehiṃ paṃca bhaṃgā 5 | egammi saṃjogā paṃca saṃjogā bhaṃgā paṃcavīsaṃ 25 | paṃca padesā paṃcavaṇṇatte paṃcasu paṃca ṭṭhāṇāṇi ruddhāṇi | ego bhaṃgo savvo paṃca padesarāsī | satamega cattālaṃ 141 rasesu evaṃ ceva | chappadese pucchāegatte 5, duvaṇṇatte 40 tivaṇṇatte saṃpuṇṇo | tiya bhaṃgo tisu hāṇesu do do kaṭṭa dasa saṃjogā aṭṭa saṃgitā teṇāsītiṃ 80 | catuvaṇṇapariṇāme causu hāṇesu do do paḍaṃti teṇekkārasa bhaṃgā | eka saṃjoge saṃjogā paṃca catuṣkagā bhaṃgā 55 | paṃcavaṇṇapariṇame savvamakaṃta ego atiritto so kameṇa pāḍeti | saṃjogo eko bhaṃgā cha 6 | savvattha padesabhaṃgā rāsī chāsītaṃ sataṃ 186 | evaṃ rase vi gaṃdha-phāsā jā jahā catupadesassa, satta padesie pucchā | egatte 5, duvaṇṇatte 40, tivaṇṇatte asīti80 | catu vaṇṇatte catusu hāṇesu egā ṇa paḍati, tiṇṇi paḍaṃti | teṇa paṇṇarasabhaṃgā | saṃjogā paṃca | paṃcarāsīyaṃ paṃcasattari 75, paṃcavaṇṇatte egehiṃ saṃjogā dohiṃ dohiṃ paḍatīhiṃ solasa bhaṃgā16 | ettha savvagaṃ do satāṇi solasuttarāṇi 216 | evaṃ rasāvi | gaṃdha-phāsā puvvā iva aṭṭhapadesesu egavaṇṇe ya duvaṇṇe 40 tivaṇṇe asīti 80, catuvaṇṇe-ega catukkage bhaṃgā savve paḍaṃti | paṃca catukka saṃjogā, etthaṃ asīti bhaṃgā 80, paṃcavaṇṇasavvavaṇṇaṭhāṇā ṇirubhitthaṇaṃ tiṇṇi rūvāṇi samahiyāṇi tesu tiṇṇi paḍaṃti | chavvīsaṃ bhaṃgā ego saṃjogo | 1|2|6||cha|| savvagaṃ do satāṇi ekkattīsāṇi 231, ṇava padese egatte paṃca 5 , duya saṃjoge 40 , tige 80, catukke vi asī 80, paṃca saṃjogo tattha ṇiruṃbhittā cattāri rūvāṇi samuccaraṃti | tesu cattāri paḍaṃti | teṇekko pacchimāṇa paḍati | savve bhaṃgā ekkatīsaṃ 31, etassa savvabhaṃgaggaṃ do satāṇi chattīsāṇi 236, dasapadese egatte 5, du40 , ti 80 catuṣka 80, paṃcae vi 32 paṃca vi paḍaṃti desa bhāvāṇi | jao savvagaṃ do satāṇi sattatīsāṇi 237, evaṃ jahā dasapadese vaṇṇa-gaṃdha-rasaphāsā bhaṇitā | tahā saṃkhejapadesie vi asaṃkhejapade(se) vi asaṃkhejadesie vi tahā jāva suhumapariṇāmapariṇato aṇaṃtapadesito khaṃdho | tā eto te ceva bhāṇitavvā | tahā aṇaṃtapadesito khaṃdho | bādarapariṇāmapajattī bhavati | tassa vaṇṇa-gaṃdha-rasehiṃ puvvillehiṃ aviseso atirittā phāsā bhavaṃti | te ya bhaṇṇaṃti | ādīe ceva teṇa kakkhaḍo mauto vā phāso paḍivajjitavvo | tathā guruto lahuto vā phāso paḍivajjitavyo | tathā garuto lahuto vā phāso sīta-usiṇa-ṇiddhā ya pubvabhaṇitā, jati catuphāse paḍhamajahaṇṇasaṃkhāu vaṇassati ettha ya kakkhaḍa-garuta-sītā ṇiddhā aṃgulīsu vuḍḍīe uḍḍā ṭhavijaṃti | je puṇaṃ etesiṃ vivakkhāe paḍitāsu dahravvā | evaṃ catusu savivakkhāsu saṃpuṇṇo khaṃdho catuṣphāsapariṇato solasabhaṃgā labbhaṃti |