Viyahapannatti p94

p94

kativiheṇaṃ joge paṇṇatte ? pucchā | ettha vi jogasāmaṇṇaṃ kammakayaṅkaṃ bhedeṇa suhumā pajjattaya jahaṇṇappabahuttatullaṃ bhāvetavvaṃ | paṇṇarasavihaṃ taheva jahaṇṇukkosa vigappo ṭhavvo | kiriyāviseso ya asaṃkhejā virūvo tavvaṭṭīto appabahuvaṭṭī | savvatthovo kammagasarīrajahaṇṇajogo | sesaṃ kaṃṭhaṃ | paṃcavīsatime sate paḍhamo ||25|1 cha ||
kativihā...pu (cchā) | duvihiti | ṇiddeso saṃsayāvaṇodaṇattho | saṃkhejjādisaṃkhāe bhedeṇaṃ niddesaṃ kāūṇaṃ aṇaṃtayaṃ siddhegeṃdiesu teṇāṇaṃtā jīvā | ajīvadavvāṇaṃ pu (cchā ), duvi (hā ) rūvi arūvī | arūviṇo dasavihā| tiṇṇi ṇavagā | kāyaloyabhaviṇo cauvvihā khaṃdhā | je dupadesigādiṇo saṃghātā siṃ tesiṃ ceva desā je yuḍḍīe khaṃḍā kajjati | jāva egapadesūṇo vi khaṃdho tāva deso padeso | khaṃdhesu je laggā paramāṇukappā paramāṇavo je asaṃbaṃdhāgāmiṇo | eso vi aṇaṃto rāsī paḍibhedaṃ | ete ya jīvadavvāṇa paribhogattāe havvamāgacchaṃti | teṣāṃ cetanājñā svābhāvyāditareṣāṃ ca tadvaiparītyād bhogābhogatvaṃ te ya kahaṃ āgacchaṃti ? orāliyasarīrādiṇā kaṃṭhaṃ | tahā ṇeratiyādīṇaṃ teṇaṃ ceva poggalā | jassa jārisā jogādi suhadukkhā bhedeṇaṃ tavvā | āṇāpāṇuttasāmaṇṇadhammā ya jāṇejjā | ' se 'ti āmaṃtaṇaṃ bhagavataḥ | asaṃkhejjo logo paricchiṇṇāgāsadesattāto ghaṭāgāsamiva, ettha ya aṇaṃtāiṃ davvāiṃ atthi, puvvavaṇṇiyāṇi jahā davva vaṇṇiyāṇi jahā davvapucchāe aṇaṃtarāe, ego āgāsapadeso logāgāsakhettaparamāṇū tammi poggalā gharatthāṇī kati disiṃ pavisaṃti ? duvāre ṇavamaṇuyā so jadā majjhe chappi disīto duvāraṭhāṇāta saṃ uvarima hiṭṭima pataresu paṃcasu disisu tahā uvarimo heṭṭhimeto caturassāto toyataro tassa tiṇi disā hiṭṭhimā uvarimā vā, ti disiṃ paviṭṭhayaṃtayassa do disāto egā heṭṭhimā uvarimā vā | etesu paveso ṇiggamo vā | sarīriṃdiya kaṃṭhā | saṃkhā kaṃṭhā | urāliyasarīrajogattāe geṇhamāṇo tassa sarīrassa majjhaṭhitā vi geṇhati | tassa vā bāhirāṇaṃtaramajjhatāe aṭṭhitā vi āvārisettaṇaṃ geṇhati | davvādisu kaṃṭhaṃ | evaṃ veuvviyāhārāte | bāhirabbhaṃtaragahaṇāto ṭṭitā aṭṭhitā ya | logamajjhagahaṇāto ṇiyamā chaddisiṃ gayā kammae sajīvapadesāvagāhamettagahaṇāto, ṇa bāhirasīmā karisaṇāto ṭṭitāṇi ceva | ahavā viṭṭhitā jeṇa eyaṃti vā veyaṃti vā | je eyaṃti veyaṃ ( ) dvitā vā egammi vi āgāsapadese etesu ceva sesā vi deso bhāṇitavvo bhāsādisu | cha | || bitito.
saṃṭhāṇa pucchā | saṃsthānaṃ ākāśavastunaḥ pudgalalakṣaṇasya skandhasya pariṇāmaḥ vikalpaḥ | taṃ chavvihaṃ saṃṭhāṇaṃ | parimaṃḍala, vaṭṭa, taṃsa, caturaṃsa, āyatā, aṇitatthaṃ ca | paṃcamaṃ saṃsthānaṃ saṃsargajaṃ,