Viyahapannatti p98

p98

87 jāe ṭhitī vaṭṭati tassa catu bhāgahāre savve siya | ega samayādiṭhiti kātuṃ asaṃkhejattaṃ puhatteṇa vi egegatteṇa tti jāva bhaṇitaṃ | cattāri vi kālayo, puṇo egegammi ego ego samayādiṇā catujogī vi | evaṃ jāvāṇaṃtato kālato gataṃ | bhāvato ekkeko uhiyavihāṇehi maggijati | parimaṃḍale kālāvaṇṇapajjavehiṃ catujogī vi tahā savvaparimaṃḍalāṇa kālā vaṇṇapajavā | kālāvaṇṇapajavā cauhā vi | evaṃ nīlādiṇo oghavihāṇeṇa tahā phāsā | se suhumapariṇatā tesiṃ uvarimā cattāri | je pātarā tesiṃ savve magitavvā jahā parimaṃḍale | evaṃ savve pi saṃṭhāṇā vaṇṇa, gaṃdha, rasa, rūva, phāsehiṃ paṃca duga paṃcaṭṭha vigappehiṃ oghavihāṇavikappiyā bhaṇitavvā ||cha|
seḍhīu ṇaṃ bhaṃte ! iti | śriyaṃta iti śreṇyaḥ | jīvapudgaladravyairyatisthānapradeśādivilpate śreṇyaḥ ākāśasyaiva yadyapi dharmādharmayoḥ saṃti, tathāpi tat prāyovṛtyadhikārādākāśaśreṇya eva gṛhyante | tathāhi yo yo logālogassa abhinnāto ceva gheppaṃti, teṇāṇaṃtāpāīṇapāḍīṇāto vi uhitā amajātāto teṇāṇaṃtāto, tahā sesāvi uhitā logāgāso ettha samaṃtato logo parichinno teṇa asaṃkhāto | ettha vi uhiyāo logamajjhatthāyo | evaṃ uḍḍādhaudīṇadāhiṇaṃtādīṇapaḍīṇāto cattāri vi, asaṃkhāto ohitāto ceva padesehiṃ | ke0dā0ra0ta0 saṭṭitehiṃ, jo dāyāsiṃ chijjamāṇāṇaṃ khettaparamāṇū so ya deso | te ya egāe vi aṇaṃtā uhitāe kimuta aṇaṃtāsu logāgāsaseṇippadesapuvvaddhassa logassa paviṭṭhaṇikkhayadaṃtagassa jāto daṃtaesu seḍhīyāto so egapadesāto (dupadesādiyāto vi) teṇa saṃkhejā te padesā labbhaṃti | sesā saṃkhejjā aṇaṃtayaṃ ṇatthi | tiriyāsuṃ dosu vi saṃkhejjāsaṃkhejayaṃ | uḍḍādhāyatāsu asaṃkhejjayameva, jato tāsiṃ udvitāṇaṃ ahologaṃte uḍḍalogate vā paḍighāto alogaseṇitohiyapadesapucchāe tiṇṇi vi | tiricchitāto ṇiyamā logaṃ phusittā aṇaṃtāto uḍḍamahāyatāsu rataṇappabhakhuḍḍāgayatarasaṃvaṭṭamūle saṃkhejjāto tahā tappadesavaḍḍīe, jāvā saṃkhejāto ego yā du aṇaṃtarāṇiuḍḍādhāiyāto aṇaṃtāto | etāsu tiṇṇi vi sāditāto sapajjavasitāto cauhā | pu0, uhiyāsu logālogavikappo patthi | teṇāṇādīyā apajjavasiyāto uḍḍādisu causu vi sāmaṇṇaṃ | logāgāse uḍḍhādisu catusu vi sādisapajjavasāṇattamatthi | ādi-aṃtadarisaṇāto aloga pu0, ohiyāsu catubhaṃgo vi pādīṇa padiṇāsu tiṇṇi saṃbhavaṃti | sādīapajjavasitāto rayaṇakhuḍḍāgapatarāto aloyaaṇaṃtahāviyāto tiriyaṃ etāto ceva vivakkhāe āṇādīyatteṇa sapajjavasāṇa ṇiddiṭṭhāto logaṃ pati jāto | heṭṭhovari asaṃbaddhāto logeṇa tā aṇādī-apajjavasitāto ṇo sādī sapajjavasitāto udīṇadāhiṇāto vi | evaṃ uḍḍhādhāyatāsu cattāri vi | khuḍḍāgapatarayāhirasamīvaāraddhāto jāva do ya rujūto