Biha Kappa v1.p19

v1.p19

bhūmikā
sādhuoṃ se rikta nahīṃ hotā| ratnākara-samudra se aneka prakāra ke ratna nikālane para bhī usako ratnarahita nahīṃ kiyā jā sakatā kyoṃki vaha ratnoṃ kā utpādaka hai| isī prakāra gaccha rūpī ratnākara bhī ratna sadṛśa jinakalpikoṃ ke vinirgata hone para ratnarahita nahīṃ ho jātā, kyoṃki vaha bāda meṃ bhī dūsare muniyoṃ ko ratnabhūta banātā rahatā hai|' vihāra kṣetra kī sīmā
bṛhatkalpa ke prathama uddeśaka kā aṃtima sūtra ārya aura anārya kṣetroṃ kī sīmā kā nirdhāraṇa karane vālā hai| mūlasūtra meṃ pūrva, paścima, uttara aura dakṣiṇa-cāroṃ diśāoṃ meṃ samanujñāta kṣetroṃ kā ullekha hai| pūrva diśā meṃ aṃga evaṃ magadha, dakṣiṇa diśā meṃ kauśāmbī, paścima diśā meṃ sthūṇā janapada aura uttara diśā meṃ kuṇālā janapada taka kī sīmā niścita karake sūtra meṃ nirdiṣṭa kiyā gayā hai ki āryakṣetra itanā hī hai, isalie isa sīmā se bāhara sādhu-sādhviyoṃ ke lie vihāra karanā vihita nahīṃ hai| sūtrakāra kā yaha vacana bhī sāpekṣa hai, kyoṃki sūtra kā antima aṃśa batātā hai ki isase āge bhī vihāra kiyā jā sakatā hai, para ādhāra eka hī hai-jñāna, darśana aura cāritra kā vikāsa| yadi vikāsa kī saṃbhāvanā ho to nirdhārita sīmā se āge bhī yātrā kī jā sakatī hai|
ukta sūtra ke mahattva ko abhivyakti dete hue bhāṣyakāra ne likhā hai-jo ācārya prastuta prathama uddeśaka kā aṃtima sūtra nahīṃ jānatā athavā sārā kalpa adhyayana nahīṃ jānatā, usake lie bhāṣyakāra ne nimnanirdiṣṭa udāharaṇa prastuta kiyā hai-catuḥśālā vāle ghara ke madhyabhāga meṃ athavā usake praveśa aura nirgamana ke sthāna para dīpaka jalākara rakha diyā jātā hai to vaha dīpaka sampūrṇa catuḥśālā ko prakāśita kara detā hai| upāśraya, śayyātarapiṇḍa aura vastra-rajoharaṇa
bahatkalpasūtra ke dvitīya uddeśaka meṃ sādhu-sādhviyoṃ ke pravāsa kī dṛṣṭi se upayukta aura anupayukta upāśraya kā vivecana kiyā gayā hai| prathama bāraha sūtroṃ meṃ upāśraya kā varṇana hai| bhāṣyakāra ne 3290 se 3517 taka kī gāthāoṃ meṃ upāśrayapada kī vyākhyā kī hai| prastuta uddeśaka meṃ dūsarā prasaṃga sāgārika-śayyātara kā hai| śayyātara kauna hotā hai? kaba hotā hai? usakā piṇḍa kitane prakāra kā hai? vaha aśayyātara kaba hotā hai? ādi aneka praśna upasthita kara bhāṣyakāra ne pūre vistāra ke sātha isa prakaraṇa ko prastuta kiyā hai| lagabhaga eka sau gāthāoṃ meṃ yaha prakaraṇa guṃphita hai| isī prakāra nirhata śayyātarapiṇḍa, āhṛta śayyātarapiṇḍa, aṃśikāpiṇḍa aura pūjyabhakta ke bāre meṃ vivecana hai| sādhu ke lie kalpanīya vastroṃ aura rajoharaṇoṃ kī saṃkṣipta carcā ke sātha dūsarā uddeśaka samāsa hotā hai| upāśraya, vastra ādi kā vidhāna
tṛtīya uddeśaka kā prāraṃbha upāśraya ke saṃbaṃdha meṃ viśeṣa nirdeśa ke sātha huā hai| binā kāraṇa sādhuoṃ ko sādhviyoṃ ke upāśraya meṃ tathā sādhviyoṃ ko sādhuoṃ ke upāśraya meṃ jāne kā niṣedha kiyā hai| akāraṇa upāśraya meṃ jāne se saṃbhāvita doṣoṃ kī sūcanā dī gaī hai| prastuta prasaṃga ke bāda sādhu-sādhviyoṃ ko vastra kaisā lenā? kaba lenā? kisa krama se lenā ādi vyavasthāoṃ ke bāre meṃ vivaraṇa diyā gayā hai| sādhu-sādhviyoṃ meṃ paraspara katikarma-abhyutthāna aura vandanā kī vidhi isī uddeśaka meṃ varṇita hai| isī prakāra gṛhāntara meṃ baiṭhanā, śayyā-saṃstāraka punaḥ gṛhastha ko sauṃpanā ādi aneka viṣayoṃ ko vividha dṛṣṭiyoṃ se viśleṣita kiyā gayā hai| sūtrakāra kī saṃkṣipta sūcanāoṃ ko bhāṣyakāra ne jisa rūpa meṃ prastuti dī hai, usase usa yuga ke sādhu-sādhviyoṃ kī caryā tathā sāmānya paramparāoṃ kā bhī pūrā bodha ho sakatā hai| anāryadaśa bane vihārakṣetra
bhāṣya meṃ varṇita rājāoṃ ke kathānaka bhāratīya itihāsa kī dṛṣṭi se mahattvapūrṇa jānakārī dene vāle haiṃ| udāharaṇa ke rūpa meṃ samrāṭ samprati kā prasaṃga yahāṃ prastuta hai-bhāṣya ke anusāra rājā samprati suvihita muniyoṃ kā śrāvaka ho gayā| rājā ne eka bāra sabhī prātyantika-anārya deśa ke rājāoṃ ko bulāyā aura unako vistāra se dharma-viṣayaka bāta batāī|