Biha Kappa v1.p33.2

v1.p33.2

maiṃ viśvāsa karatā hūṃ ki pāṭhaka anuvādaka kī iyattā kā anubhava kara, yathārtha ko jānane kā prayāsa kareṃge| kṛtajñatā-jñāpana kṛtajñatā-jñāpana kā kṣetra bahuta vistṛta hai| jo koī manasā, vācā, karmaṇā kārya meṃ sahayogī banatā hai, kārya kā anumodana karatā hai, usakā kārya ke prati ahobhāva usa kārya kī atha/iti kā saṃvāhaka hotā hai| gaṇādhipati tulasī ne mujhe vi. saṃ. 2005 meṃ dīkṣita kiyā aura muni nathamalajī ke pāsa saṃyama-sādhanā ke gura sīkhane ke lie rakhā| ve mere jīvana ke saṃrakṣaka, vibodhaka aura saṃvardhaka rahe| avyakta vyakti ko vyakta banāne kī unakī apūrva vidhi hai| vaha prāraṃbha meṃ kucha aṭapaṭī-sī lagatī hai, paraṃtu usakā paryavasāna lābhadāyī aura sundara hotā hai| yaha āpātavirasa aura pariṇāma-bhadravālī vidhi hai| ācāryaśrī mahāprajñajī ne isa vidhi se mere jaise avyakta muni ko vyakta banāne kā saphala prayāsa kiyā hai| maiṃne kucha varṣoṃ pūrva vyavahārabhāṣya kā anuvāda kara śrīcaraṇoṃ meṃ bheṃṭa kiyā| vaha sārā kārya yātrā meṃ saṃpanna huā|