Biha Kappa v1.p9

v1.p9

āśīrvacana
chedasūtroṃ kī śrṛṃkhalā meṃ eka sūtra hai-kalpa| viṣayavastu aura ākāra ke kāraṇa usakā nāma ho gayā bṛhadkalpa| mūla prākṛta, bhāṣya prākṛta bhāṣā meṃ aura ṭīkā saṃskṛta meṃ| apekṣā thī isakā hindī meṃ anavāda ho| isakī parti mani dalaharājajī ne kī| apekṣā aṃgrejī anuvāda kī bhī hai| usakī pūrti para bhī vicāra kiyā jāegā| svāsthya kī anukūlatā kī sthiti meṃ muni dulaharājajī isa kārya kā dāyitva nibhā sakate haiṃ|
'bṛhadkalpabhāṣya' eka viśāla graṃtha hai| yaha 6490 gāthāoṃ meṃ nibaddha hai| viṣayavastu kī dṛṣṭi se ākara graṃtha hai| isa ākara graṃtha ke prathama aura carama binduoṃ ko milākara eka rekhā kā nirmāṇa karanma eka śramasādhya kārya hai| ___muni dulaharājajī śramikavṛtti ke muni haiṃ| ve muni banakara mere pāsa āe| taba se lekara aba taka satata unakī śramaniṣṭhā ko akhaṃḍarūpa meṃ dekha rahā hūṃ| yaha saubhāgya kī bāta hai ki unhoṃne śrama kī sādhanā meṃ kabhī thakāna kā anubhava nahīṃ kiyā| ācārya tulasī ne āgamasaṃpādana ke bhagīratha kārya ko hātha meṃ liyā aura usake saṃcālana kā dāyitva mujhe diyā| usa dāyitva kī anubhūti meṃ muni dulaharājajī ananya sahayogī bane rahe| āgama-saṃpādana ke kārya meṃ ve pahale dina se saṃlagna rahe aura āja bhī isa kārya meṃ saṃlagna haiṃ| unakī śramaniṣṭhā aura saṃlagnatā ne hī unheṃ āgama-manīṣī ke alaṃkaraṇa se alaṃkṛta kiyā hai|
isa saṃpādana kārya se pūrva ve vyavahārabhāṣya kā anuvāda aura saṃpādana bhī kara cuke haiṃ| vaha bhāṣya bhī sār̤he cāra hajāra se adhika gāthāoṃ kā viśāla graṃtha hai| yadi mana kī viśālatā ho to sāgara kī viśālatā ko bhī māpā jā sakatā hai| merī dṛṣṭi meṃ ye bhāṣyagraṃtha sāgara kī upamā se upamita kie jā sakate haiṃ| inako nāpane kā prayatna niṣṭhā, sāhasa aura dattacittatā kā kārya hai| muni dulaharājajī isa kasauṭī meṃ saphala hue haiṃ| unakā vartamāna āgama kā vartamāna hai| unakā bhaviṣya bhī āgama kā bhaviṣya banā rahe|
ācārya mahāprajña
dhanaterasa, vi. saṃ. 2064 udayapura (rāja.)