Biha Kappa v3.p105

v3.p105

[ patthārapagayaṃ ]
[suttaṃ] cha kappassa patthārā paṇṇattā- taṃ jahā - pāṇāivāyassa vāyaṃ vayamāṇe, musāvāyassa vāyaṃ vayamāṇe, adiṇṇādāṇassa vāyaṃ vayamāṇe, aviraivāyaṃ vayamāṇe, apurisavāyaṃ vayamāṇe, dāsavāyaṃ vayamāṇe, iccete cha kappassa patthāre pattharittā sammaṃ appaḍipūremāṇe taṭṭhāṇa patte siyā ||6-2|| “cha kappassa patthārā0 " suttaṃ uccāreyavvaṃ | sambandhaḥ
tuhikaraṇā saṃkhā, tullahigāro va vādio doso | ahavā ayamadhigāro, sā āvattī ihaṃ dāṇaṃ ||6129|| “tullahigārā0” gāhā |
pattharo u viracaṇā, so jotisa chaṃda gaṇita cchitte | pacchitteṇa tu pagayaṃ, tassa tu bhedā bahuvikappā ||6130|| ughātamaṇugghāte, mīse ya pasaṃgi appasaṃgī ya | āvajjaṇadāṇāiṃ, paḍucca vatthaṃ dupakkhe vī ||6131||
“patthāro u0” [‘“ugghātamaṇugghāte0 " ] gāhādvayam | mīsagaṃ lahusagaṃ | tavakāleṇaṃ egatareṇaṃ dohiṃ vā gurugaṃ | evaṃ garuyaṃ pi | 'pasaṃge' tti uccāriyasarisaṃ, abhikkhasevaṇāe vā| dupakkho—saṃjayā'saṃjaio ya | 'sammaṃ appaḍipūremāṇe' asya vyākhyā
jārisaeṇa'bhisatto, sa cādhikārī ṇa tassa ṭhāṇassa | samma apūrayaṃto, paccaṃgiramappaṇo kuṇati || 6132|| "jārisa0 gāhā | eṣa sūtrārthaḥ | niryuktivistaraḥ |
cha cceva ya patthārā, pāṇavaha muse adattadāṇe ya | aviratiapurisavāte, dāsāvātaṃ ca vatamāṇe ||6133|| [ ni0 ]
" cha cceva ya0 " gāhā | tattha pāṇāivāe udāharaṇaṃ
daddura suṇae sappe, mūsaga pāṇātivādudāharaṇā | etesiṃ patthāraṃ vocchāmi ahāṇupuvvīe || 6134||