Biha Kappa v3.p125

v3.p125

[khittacittāipagayaṃ saccaṃ bhaṇa godāvari !, puvvasamuddeṇa sāviyā saṃtī | sātāhaṇakulasarisaṃ, jati te kūle kulaṃ atthi ||6246|| uttarato himavaṃto, dāhiṇato sālivāhaṇo rāyā | samabhārabharakkaṃtā, teṇa na palhatthae puhavī ||6247|| eyāṇi ya annāṇi ya, palaviyavaṃ so aṇicchiyavvāiṃ | kusaleṇa amacceṇaṃ, kharageṇaṃ so uvāeṇaṃ ||6248|| viddavitaṃ keṇaṃ ti va, tubbhehiṃ pāyatālaṇā kharae |
kattha tti mārio so, duṭṭa tti ya darisite bhogā ||6249||
"iti esa0" ["lābhamaeṇa" "mahurā''ṇattī0" "sutajamma0" "saccaṃ bhaṇa" "uttarato hima0" "eyāṇi ya0" "viddavitaṃ keṇaṃ0"] gāhāsiddhaṃ | savvaṃ viddavitaṃ kuṭuṃ | khaṃbhā ya vināsitā | esa loio | louttario imo
mahajjhayaṇa bhatta khīre, kaṃbalaga paḍiggahe ya phalae ya | pāsāe kappaṭṭī, vātaṃ kāūṇa vā dittā ||6250|| divaseṇa porisīe, tumae paḍhitaṃ imāem̐ addheṇaṃ |
etīऍ ṇatthi gavvo, dummehatarī' ko tujhaṃ ||6251||
"mahajjhayaṇaṃ0" ["divaseṇa porisīe0"] gāhā | egā porisīe ṭhaviaṃ bhattaṃ, ukkosayaṃ | tammi khette dullabhaṃ taṃ koie laddhaṃ khīraṃ vā ukkosayaṃ dullabhaṃ tammi khette, uvahimmi kaṃbalarayaṇaṃ, paḍiggahaṃ ya ukkosayaṃ, caṃpakapaṭṭaphalayaṃ pāsāyaṃ ukkosayaṃ, kayamittaṃ labhittā, īssaradhūyaṃ vā rūvavati, akkhuyajoṇi sissaṇiyaṃ labhittā vāde vā parappavāti dujjayaṃ ṇijjiṇittā dittā hojjā | evaṃ dittāe imā jayaṇā |
taddavvassa duguṃchaṇa, diṭuṃto bhāvaṇā asariseṇaṃ | kāūṇa hoti dittā, vādakaraṇe tattha jā omā ||6252|| dullabhadavve dese, paḍisehitagaṃ aladdhapuvvaṃ vā | āhārovahi vasahī, akkhatajoṇī va dhūyā vi ||6253|| pagayammi paṇṇavettā, vijjāti visodhi kammamādī vā | khuḍḍīya bahuvihe āṇiyammi obhāvaṇā pauṇā ||6254||