Biha Kappa v3.p129

v3.p129

[khittacittāipagayaṃ "jai puṇa0" gāhā | sā saṃjai jeṇa abhiogiyā tao nirujjhamāṇī gilāṇī hojjā | vasabhā uvālabhaṃti, taṃ tahā bheseṃti pitṝti ya jahā muyati | 'khamae madhura' tti asya vyākhyā
thūbhamaha saḍḍisamaṇī, bohiya haraṇaṃ tu ṇivasutā''tāve | majjheṇa ya akkaṃde, kayammi juddheṇa moeti ||6275||
"thūbhamaha." gāhā | esa māṇussao thūbho devanimmio | tassa mahimāe saḍḍīto niggayāo | samaṇīhiṃ samaṃ rāyaputto ya | tattha adūre āyāvei | tāo saḍḍīo samaṇīo ya bohiehiṃ akkhittāo, teṇaṃteṇaṃ āṇīyāo | tāhiṃ akkaṃdo kao | teṇaṃ moiyāo | eso māṇusso uvasaggo |
idāṇiṃ tiriogāmeṇā''raṇṇeṇa va, abhibhūtaṃ sajatiṃ tu tirigeṇaṃ |
thaddhaṃ pakaṃpiyaṃ vā, rakkejja arakkhaṇe gurugā ||6276|| "gāmeṇa0" gāhā | gāmellia tirikkhajoṇieṇaṃ |
[suttaṃ] sāhigaraṇaṃ niggathiṃ niggaṃthe giṇhamāṇe vā avalaṃbamāṇe vā nātikkamai ||6-15||
"sāhigaraṇaṃ0" suttaṃ | sambandhaḥ -
abhibhavamāṇo samaṇiṃ, pariggaho vā se vārite kalaho | kiṃ vā sati sattīe, hoi sapakkhe uvikkhāe ||6277||
"abhibhava0" gāhā | abhibhavamāṇo āgāro saṃjai jo vā tassa pariyaṇo so vā abhibhavai muṇago vā | tammi vārie kalaho hojjā | esa sambandho
uppaṇṇe ahigaraṇe, osamaṇaṃ duviha'tikkama dissa |
aṇusāsaṇa bhesa niraṃbhaṇā ya jo tīe paḍipakkho ||6278||
"uppaṇṇe0" gāhā | vīosaveyavvaṃ | kiṃ kāraṇaṃ ? duviho atikkamo jamhā dīsati- saṃjamātikkamo āyavirāhaṇā ya | aṇusāsaṇā gihatthassa, aṭuṃte bhīsaṇā ruṃbhaṇā, abhibhavaṃtāṇaṃ 'jo tīya paḍipakkho ' tti jehiṃ samaṃ ahigaraṇaṃ ||
1. thūlamaha ḍa i |