Biha Kappa v3.p133

v3.p133

[khittacittāipagayaṃ "sehovaṭṭha0" pacchaddhaṃ | seho uvaṭṭhitao tassa ya cittaṃ bahuvidhaṃ aṭṭhajāyaṃ taṃ ṭhavitayaṃ jai hojja | teṇa va tti piyareṇa ca se pavvayaṃteṇa kiṃci ṭhaviyaṃ hojjā | anneṇa vā sāhuṇā sehovaṭṭiyassa jaṃ davvaṃ āsi hatthe taṃ ṭhaviyaṃ hojja | khaṇeṇa aṭṭhajāeṇaṃ kajjaṃ hojja | vā vavahāreṇaṃ kaḍḍijjati |
nīyallagāṇa tassa va, bhesaṇa tā rāule sataṃ vā vi |
avirikkā mo amhe, kahaṃ va lajjā ṇa tujhaṃ ti ||6295||
"nīyallagāṇa0" gāhā | tīse kappaṭṭhie niyallayāmaṃ bhīsaṇādī avibhattaritthā vayaṃti to bhāgaṃ deha, 'sayaṃ vā vi' tti appaṇā vā bheseti-sāvaṃ demi, jai na deha |
nīyallaehi teṇa va, saddhiṃ vavahāra kātu modaṇatā |
jaṃ aṃcitaṃ va liṃgaṃ, teṇa gavesittu modei ||6296||
"nīyallaehi0" gāhā | liṃgaṃ jattha tti alabbhamāṇe jaṃ jattha acciaṃ liṃgaṃ teṇa uppāeṃti | dūrābhoga (gā0 6291) pacchaddhaṃ | asya vyākhyā
puṭṭhā va apuṭṭhā vā, cutasāmiṇihiṃ kahiṃti ohādī | ghettūṇa jāvadaṭuṃ, puṇaravi sārakkhaṇā jataṇā ||6297|| soūṇa aṭṭhajāyaṃ, aṭuṃ paḍijaggatī u āyario | saṃghāḍagaṃ ca detī, paḍijaggati ṇaṃ gilāṇaṃ pi ||6298|| kāuṃ ṇisīhiyaṃ aṭṭhajātamāvedaṇaṃ gurūhatthe | dāūṇa paḍikkamate, mā pehaṃtā miyā pāse ||6299||
"puṭṭhā va0" ["soūṇa aṭṭhajāyaṃ0" "kāuṃ ṇisīhiyaṃ0"] gāhā | pucchiyā vā apucchiyā vā dūre grahaṇaṃ, tāṇi ucchaṇṇasāmiyāṇi ṇidhī vā kayāi dūre hojja | tattha paṃthe jayaṇā puvvuttā ohanijjuttīe addhāṇavihī jo bhaṇio taṃ ettha vi kāyavvaṃ | sesaṃ paccohāḍijjati, esā jayaṇā | ahavā imā jayaṇā-taṃ ghettuṃ jattha aṇṇaghare pāhuṇayā vaccaṃti tattha nisīhiyāe pavisittā aṭṭajāyaṃ āyariyassa paṇāmijjati |
saṇṇī va sāvato vā, kevatito dijja aṭṭhajāyassa | puvvuppaṇṇa ṇihāṇe, kāraṇajāte gahaṇa suddho ||6300||
1. khaṇeṇaṃ...hojja nāsti ḍa | 2. avibhaktarikthā aviraktā malavṛ |