Biha Kappa v3.p135

v3.p135

[ khittacittāipagayaṃ
"emeva0 " gāhā | evamavadhāraṇe, kimavadhāritavvaṃ ? jahā āvaṇṇe mokkhaṇajayaṇā bhaṇiyā | evaṃ aṇattassa vi kātavvā | aṭṭhāyamāṇe tavatulaṇāe nāṇattaṃ | so bhaṇṇai - sāhuṇo tavodhaṇā ahiraṇṇasovanniyā to amhaṃ hatthāo dhammaṃ geṇhāhi |
978
joṇāteṃ kato dhammo, taṃ deu ṇa ettiyaṃ samaṃ tulai | hāṇī jāvegāhaṃ, tāvatiyaṃ vijjathaṃbhaṇatā || 6308 || 'jo ṇāte kato0 gāhā | eyāe kao dhammo taṃ esā dei | tāhe so bhaṇejjajattiyāṇi saṃvaccharāṇi eyāe kao dhammo taṃ savvaṃ mama deu | tāhe bhaṇṇai - ettiyaṃ demo | tāhe so bhaṇejja egeṇaṃ saṃvacchareṇa uṇayaṃ detu | evaṃ vibhāsā | ekka divasio jo eyāe kāo dhammo taṃ deu | tāhe bhaṇiyavvaṃ - abbhattiyaṃ ṇa demo jāvaiya tava gahiyaṃ muhuttādīhi jo kao dhammo teṇa samaṃ tulijjau | saṃjamatulayituṃ gehahāhi | tulijjamāṇe sā tulā vijjādīhiṃ thaṃbhijjai | evaṃ aṇicchaṃte vavahāre imaṃ bhaṇṇai
11
vatthāṇā''bharaṇāṇi ya, savvaṃ chaḍḍeu egavattheṇaṃ | potammi vivaṇṇammi, vāṇitadhamme havati suddho ||6309 ||
"vatthāṇā''bharaṇāṇi0 " gāhā | jahā vāṇiyā riṇaṃ kāuṃ vahaṇeṇaṃ samuddamogāḍhā | tattha poe vivaṇṇe, egavatthāo uttiṇṇā | taṃ riṇaṃ na davāvijjaṃti vāṇiyadhammeṇaṃ | evaṃ amhe vi gharāo akiṃcaṇā ṇikkhaṃtā kiṃ demo ? | aṇatte tti gayaṃ | idāṇiṃ bohiyatteṇe tti dāraṃ | asya vyākhyā-bodhiyā teṇehiṃ hite ṭhavaṇādi gavesaṇā | jāva bodhiyā aṇāriyāmecchā teṇā āyariya jaṇavaya te vi jātā sarīrateṇā | etehiṃ hie gavesittā tāhe aṇusaṭṭādīhiṃ alabbhamāṇe aṭṭhajāyavibhāsā taheva jahā puvvaṃ | jamhā ete dosā tamhā—
tamhā aparāyatte, dikkhejja aṇārie ya vajjejjā | addhāṇa aṇābhogā, videsa asivādisū do vī||6310||
11
" tamhā0 gāhā | aṇāriyā desā vajjejjā bitiyapade addhāṇa paḍivaṇṇassa uvaggahaṃ kāhiṃtimo, teṇa parāyatte vi dikkhejjā | aṇābhogeṇa vā pavvāvejjā | videsatthā vā dikkhejjā| asivādīhiṃ vā kāraṇehiṃ parāyatte dikkhejjā | uvaggahaṇimittaṃ aṇārie vā dese viharijja jayaṇāe etaṃ do vi |
|| khittacittāipagayaṃ samattaṃ ||
1. ṇa ityadhikaṃ muca |