Biha Kappa v3.p14

v3.p14

|| paṃcamo uddeo ||
[ baṃbhāvāyapagayaṃ ]
[suttaṃ] deve ya itthirūvaṃ viuvvittā niggaṃthaṃ paḍigāhijjā, taṃ ca niggaṃthe sātijjejjā, mehuṇapaḍisevaṇappatte āvajjati cāummāsiyaṃ parihāraṭṭhāṇaṃ aṇugghāiyaṃ ||5-1||
"deve ya itthirūvaṃ viuvvittā niggaṃthaṃ0 " suttaṃ uccāretavvaṃ | sambandhaḥ
pāeṇa hoṃti vijaṇā, gujjhagasaṃseviyā ya taṇapuṃjā | hojja miha saṃpayogo, tesu ya aha paṃcame jogo ||5682|| avi ya tiriovasaggā, tatthudiyā āyaveyaṇijjā ya | imigāu hoṃti divvā, te paḍilomā ime iyare ||5683 || ahavā āyāvāo, cautthacarimammi pavayaṇe ceva | imao baṃbhāvāo, tassa u bhaṃgammi kiṃ sesaṃ ||5684||
"pāeṇa0 " [ " avi ya0 " " "ahavā āyā0 " ] gāhātrayam | vigayāu jaṇeṇa vijaṇāu tiriyā aṃtimasutte vālādīhiṃ ātasaṃvetaṇīyā uvasaggā paṭṭivāteṇa gheppai | ahavā'yaṃ
sambandhaḥ |
sarisāhikāriyaṃ vā, imaṃ cautthassa paḍhamasutteṇaṃ | annahigārammi vipatthutammi annaṃ pi icchaṃti ||5685 || "sarisāhikāriyaṃ vā0 " gāhā | kaṇṭhyā | ko dṛṣṭāntaḥ ?
jaha jāirūvadhātuṃ, khaṇamāṇoṃ labhijja uttamaṃ vayaraṃ | taṃgiṇhati na ya dosaṃ, vayaṃti tahiyaṃ imaṃ pevaṃ ||5686 ||