Biha Kappa v3.p145

v3.p145

[ kappaṭṭhiipa yaṃ
"catuṭṭhāṇa0 gāhā |
cauhim̐ ṭhitā chahim̐ aṭhitā, paḍhamā bitiyā ṭhitā dasavihammi | vahamāṇā ṇivvisagā, jehi vahaṃ te u ṇivviṭṭhā ||6360||
" cauhim̐ ṭhitā0 " gāhā | paḍhamā sāmāyiyasaṃjayā sūtrakramaprāmāṇyāt | te cauhiṃ ṭhiyā, chahiṃ aṭhiyā | bitiyā chedovaṭṭhāvaṇiyā | te dasavihe kappe ṭṭhiā| je vahaṃti te ṇivvisamāṇagā | jehiṃ vūḍhaṃ te nivviṭṭhā | tattha cauhiṃ ṭhāṇehiṃ je ṭhiyā sāmāiyasaṃjatā te imesijjāyara piṃḍe yā, cāujjāme ya purisajeṭṭe ya |
kitikammassa ya karaṇe, cattāri avaṭṭhiyā kappā ||6361 ||
"sijjāyara0 " gāhā | evaṃ cauvvihaṃ kappaṃ ṇāiyaraṃti | sejjāyarapiṃḍaṃ pariharati | cāujjāmo dhammo purisajeṭṭho dhammo | kitikammaṃ ahārāyiṇiyāe kareṃti | imehiṃ aṇavaṭṭiyā |
ācelakuddesiya, sapaḍikkamaṇe ya rāyapiṃḍe ya |
māsaṃ pajjosavaṇā, chappeta'ṇavaṭṭhitā kappā ||6362||
“ācelakkuddesiya0” gāhā | te sacelā vā acelā vā | jai rāgo uppajjati to acelā, aha [na] uppajjai sacelā | evaṃ mahaddhaṇe appadhaṇe vā aha na uppajjai to sacelā | mahaddhaṇaṃ pi geṇhaṃti | uddesiyaṃ tassa kayaṃ na vaṭṭai annassa kayaṃ vaṭṭai | jai aiyāro atthi paḍikkamaṃti, niraiyāro na paḍikkamati | rāyapiṃḍe jai doso atthi to pariharaṃti, aha natthi to na pariharati | uḍubaddhe egakhette jai dosā natthi to puvvakoḍi pi acchaṃti | aha dosā atha to apuṇe viṇigacchaṃti | 'pajjosavaṇa' tti jai vāsāratte dosā atthi na viharaṃti | aha natthi vāsāratte vi viharaṃti | eso ceva dasavidho imesiṃ niyameṇaṃ avaṭṭhito bhavai |
dasaṭhāṇaṭhio kappo, purimassa ya pacchimassa ya jiṇassa | eso dhutarata kappo, dasaṭhāṇapatiṭṭhito hoti ||6363||
ācelakkuddesiya, sijjāyara rāyapiṃḍa kitikamme |
vata jeṭṭha paḍikkamaṇe, māsaṃ pajjosavaṇakappe ||6364||
" dasaṭhāṇa ṭhio kappo0 " [ "ācelakkuddesiya0 " ] gāhādvayam | tattha acela i dāraṃ | asya vyākhyā