Biha Kappa v3.p148

v3.p148

chaṭṭho uddeso vakkhāṇiyaṃ (gā0 5342) | idānīṃ sejjāyarapiṃḍo
titthaṃkarapaḍikuṭṭho, āṇā aṇṇāta uggoṃ ṇa sujjhe | avimutti alāghavatā, dullabha sejjā viucchedo ||6378|| duvihe gelaṇṇammi, nimaṃtaṇe davvadullabhe asive | omodariya paose, bhae ya gahaṇaṃ aṇuṇṇātaṃ ||6379|| tikkhutto sakkhette, cauddisiṃ joyaṇammi kaḍajogī |
davvassa ya dullabhatā, sāgāriṇisevaṇā tāhe ||6380||
"titthaṃkara0" [ "duvihe gela0" "tikthutto0"] gāhādva(tra ?)yam | jahā biio uddesae (gā0 3532) |
idāṇiṃ rāyapiṃḍo
kerisao tti vā rāyā ?, bhedā piṃḍassa ? ke va se dosā ? | kerisagammi va kajje, kappati ? kāe va jayaṇāe ? ||6381|| muie muddhabhisitte, mutito jo hoi joṇisuddho u | abhisitto va parehi, sataṃ va bharaho jahā rāyā ||6382|| paḍhamaga bhaṃge vajjo, hotu va mā vā vi je tahiṃ dosā | sesesu hota'piṃḍo, jahim̐ dosā te vi vajjaṃti ||6383|| asaṇāīā cauro, vatthe pāde ya kaṃbale ceva | pāuṃchaṇae ya tahā, aṭṭhavidho rāyapiṃḍo u ||6384||
"kerisao tti0" ["muie muddha0" "paḍhamaga bhaṃge." "asaṇāīā0"] gāhā| cattāri bhettadā mudiyo muddhābhisitto 1, muio nāma jassa māyāpitaraṃ rāyavaṃsiyaṃ | muddhābhisitto nāma jassa baddhamauḍeṇaṃ raṇṇā abhiseo kao | mudio no muddhābhisitto 2 no muio muddhābhisitto 3 no muio ṇo muddhābhisitto 4 | ettha paḍhamabhaṃgo vajjeyavvo | sesabhaṃgesu bhayaṇā | jo paṃcahiṃ sahito rajjaṃ bhuṃjai seṇāvai-purohiya-seṭṭhi-satthavāha-amaccehiṃ tassa piṃḍo vajjo| aṇṇassa vi jattha dosā uppajjaṃti, tassa piṃḍo vajjeyavvo | bhedā piṃḍassa asaṇaṃ pāṇaṃ khāimaṃ sāimaṃ vatthaṃ paḍiggahaṃ kaṃbalaṃ pāyapuṃchaṇaṃ | esa aṭṭaviho rāyapiṃḍo|
idāṇi dosā