Biha Kappa v3.p161

v3.p161

[kappaṭṭiipagayaṃ tatto aṇūṇae kappe, uvasaṃpajjati jo tahiṃ |
uvasaṃpajjamāṇaṃ tu, tappamāṇaṃ gaṇaṃ kare ||6468||
"tatto aṇū0" silogo | kayāi ṇa ceva uvaddavehiṃ koi mao hojja | tāhe je uvasaṃpajjaṇaṭṭhāe eṃti, jai te ṇava puṇṇā, tāhe vīsuṃbhagaṇo bhavati | aha apuṇṇā to paḍikkhāvijaṃti jāva aṇṇe eṃti | tehiṃ pūrittā vīsuṃ gaṇo bhavati |
pamāṇaṃ kappaṭṭhito tattha, vavahāraṃ vavaharittae |
aṇuparihāriyāṇaṃ pi, pamāṇaṃ hoti se viū ||6469||
“pamāṇaṃ kappa0" silogo | tesiṃ parihāriyāṇaṃ pacchittaṃ dāuṃ kappaṭṭioppamāṇaṃ | eyaṃ vavahāraṃ vavaharittae ete vi āvajaṃti | evaṃ aṇuparihāriyāṇaṃ pi kappaṭṭioppamāṇaṃ vavahāraṃ vavaharittae|
āloyaṇa kappaṭṭite, tavamujjāṇovamaṃ parivahaṃte | aṇuparihāriem̐ govālae, va ṇicca ujjuttamāutte ||6470||
"āloyaṇa" gāhā | tesiṃ parihāriyāṇaṃ aṇuparihāriyāṇaṃ āloyaṇaṃ vaṃdaṇagapaccakkhāṇaṃ kappaṭṭhie bhavai | 'tavamujjāṇovamaṃ' ti | jahā kovi ujjāṇaṃ gao, egaṃta suhapasutto sacchaṃdasuhaṃ viharamāṇo acchai | evaṃ te parihāriyā egaṃtara ti pasattā tavaṃ pariharaṃti kurvantītyarthaḥ | aṇuparihāriyā ceva niccamujjuttamāuttā jahā govālago gāvīṇa maggeṇaṃ ujjutto āutto va hiṃḍai| evaṃ patteyaṃ patteyaṃ aṇuparihāriyā vi ujjuttamāuttā hiṃḍaṃti |
paḍipucchaṃ vāyaṇaṃ ceva, mottūṇaṃ ṇatthi saṃkahā |
ālāvo attaṇiddeso, parihārissa kāraṇe ||6471||
"paḍipaccha0" silogo | parihāriyaālāvo ātmanirdeśe | uṭrejjati ṇisīejjā, evamādi 'kāraṇe' tti eyaṃ ceva kāraṇaṃ | jaṃ na sakkaṃ to evaṃ bhaṇati |
bārasa dasaṭṭha dasa aṭṭha cha cca adveva cha cca cauro ya | ukkosamajjhimajahaṇṇagā u vāsā sisira gimhe ||6472||
"bārasa0" gāhā | vāsāratte hemaṃte gimhe etammi tivihe kāle etesiṃ ukkosaṃ majjhimaṃ jahaṇṇaṃ ca tavaṃ bhaṇṇati | varisāratte ukkosaṃ bārasamaṃ, hemaṃte ukkosaṃ dasamaṃ, gimhe ukkosaṃ aṭṭhamaṃ | majjhimaṃ varisāratte dasamaṃ, hemaṃte aṭṭhamaṃ, gimhe chaṭuṃ | jahaṇṇaṃ varisāratte aṭṭhamaṃ, hemaṃte chaṭuṃ, gimhe cautthaṃ |