Biha Kappa v3.p28

v3.p28

bhāsagāhā-5761-5768] paṃcamo uddeso
871 uvasamāhi ajjo ! tavaccaeṇaṃ sāhuṇo na paṭṭhaveṃti | evaṃ na bhaṇati-māsaguruṃ | evaṃ bhaṇio jai so bhaṇai-nūṇaṃ kālo na suddho parijiyaṃ vā suttaṃ, to no paṭṭhaveṃti | evaṃ bhaṇaṃtassa māsaguruṃ | tāhe paṭṭhaveṃti paḍhaṃti ya | kāle paḍikkaṃte bhikkhavelāe jāyāe tāhe bhaṇaṃti-ajjo ! uvasamāhi, sādhuṇo tahaccayeṇaṃ bhikkhaṃ na hiṃḍaṃti | evaṃ na bhaṇaṃti māsaguruṃ | aha so bhaṇai-nūṇaṃ abbhattaṭṭhiyāṇa vā velā | evaṃ bhaṇaṃtassa māsagurū | hiṃḍiumāgao bhāṇiyavvo-uvasamāhi ajjo| tubbhaccaeṇa na samuddisaṃti | tāhe so bhaṇai-nūṇaṃ āiṇṇaṃ māsaguruṃ | ratiṃ paḍikkamaṇavelāe tubbhaccaeṇaṃ ṇa paḍikkamai tti | tāhe so bhaṇai-nūṇaṃ niraiyāro | evaṃ gose uppaṇṇe ahikaraṇe cauhi velāhiṃ aṇuvasaṃte ekkahiṃ melie cattāri gurugā māsā bhavaṃti | aha paḍhamavelāe uvasamei suddho | aha bitīyavelāe ekkaṃ māsaguruṃ, taiyavelāe doṇṇi, cautthavelāe ceva uvasaṃtassa tiṇṇi māsagurugā|
annammi vi kālammi, paḍhaṃta hiṃḍaṃta maṃḍalī vāse| tinni va donni va māsā, hoti paḍikkaṃteṃ gurugā u||5765||
"annammi vi0" gāhā | jai biiyavelāe uppannaṃ ahika raṇaṃ hojjā, cautthavelāe aṇuvasaṃtassa tiṇṇi māsā | taiyavelāe uppaṇṇe aṇuvasaṃtassa doṇṇi māsā | evaṃ vibhāsā|
evaṃ divase divase, cāukkālaṃ tu sāraṇā tassa | jati vāreṇa sāretī, gurugo gurugo tatī vāre ||5766|| evaṃ tu agītatthe, gītatthe sārie gurū suddho|
jati taṃ gurū ṇa sāre, āvattī hoi doṇhaṃ pi ||5767||
"evaṃ divase0" ["evaṃ tu0"] gāhā | aṇuvasaṃto divase divase cauhi velāhiṃ sāreyavvo | ettha vi taheva pacchittaṃ vibhāsā | evaṃ jattiyā vārā āyario ṇa sārei tattiyā āyariyassa māsagurugā| kei āyariyā evaṃ icchaṃti-agītattheṇaṃ jaṃ kayaṃ ahigaraṇaṃ tattha asāraṇe āyariyassa pacchittaṃ | ahikaraṇaittassa ṇatthi puṃjaṇa' gītattheṇaṃ kayaṃ ahikaraṇaṃ tattha sāraṇe gurū mukko, iyaro laggai aṇuvasaṃto | aha ṇa sārei āyario do vi laggati |
gaccho ya donni māse, pakkhe pakkhe imaṃ parihaveti |
bhattadaṇa sajjhāyaṃ. vaṃdaṇa lāvaṃ tatoṃ pareṇaṃ ||5768|| "gaccho ya0" gāhā | dosu māsesu cattāri pakkhā | tattha paḍhamapakkhe egaṭṭhā bhuṃjaṃti deṃti
1. puṇa jaṃ iti bhāvyam ?