Biha Kappa v3.p34

v3.p34

paṃcamo uddeso uggatavottio | aṇatthammie āicce jassa saṃkappo so bhavati aṇatthammiyasaṃkappo | uggayagahaṇeṇa ādillo bhaṃgo sūio-uggayavuttī, uggayamuttī, uggayasaṃkappo | ee ādillā gahiyā | aṇatthammiyagahaṇeṇa aṇatthammiyavṛttī, aṇatthammiyamuttī, aṇatthammiyasaṃkappo ete tiṇṇi vi gahiyā | ādiraṃteṇa ya savve vi majjhe gahiyā | saṃthaḍamasaṃthaḍie anayoviśeṣaḥ |
saṃthaḍioṃ saṃthareṃto, saṃtayabhojī va hoi nāyavvo| pajjattaṃ alabhaṃto, asaṃthaḍī chinnabhatto ya ||5788|| "saṃthaḍa0" gāhā | kaṃṭhā| nissaṃkamaṇudito'ticchito va sūro tti geṇhatī jo u| udita dharete vi hu so, laggati avisuddhapariṇāmo ||5789|| emeva ya udiu tti va, dharai tti va soḍhamuvagataṃ jassa | sa vivajjae visuddho, visuddhapariṇāmasaṃjutto ||5790|| "ṇissaṃkaa( ma )ṇudiyo0" [“emeva ya0"] gāhādvayam |
samiciṃciṇimādīṇaṃ, pattā puṣphā ya ṇaliṇimādīṇaṃ | udaya'tthamaṇaṃ raviṇo, kahiṃti vigasaṃta-mauliṃtā ||5791|| "samiciṃciṇimā0" gāhā || abbhahimavāsamahiyāmahāgirirāhureṇurayachaṇṇo| mūḍhadisassa va buddhī, caṃde gehe va temirie ||5792||
"abbhahima0" gāhā | asaṇṇādipaḍigahettā bhuṃjejja, bhuṃjato pacchā jāṇejjā aṇuggao vā atthamio vā vatti | taṃ puṇa kahiṃ hojja ? māhamāse gose saṃkhaḍīo bhavaṃti | avaraṇhe tiriyaṃ ṇiyāsu abbhasaṃthaḍe pacchāṇāe, jaṃ muhe taṃ khelamajjhae jaṃ laṃbaṇe jaṃ paḍiggahae taṃ thaṃḍille vi vigiṃcamāṇo vā visohemāṇe vā ṇāikkamai va | jeṇa ya vayaṇā tāṇa bhuṃjai egamavi sitthaṃ tāhe cauguruyaṃ āvaai | etadevārtham -
savvassa chaḍḍuṇa vigiṃcaṇā u muha-hattha-pādachūḍhassa | phusaṇa dhuvaṇā visohaṇa, sa kiṃ va bahuso va ṇāṇattaṃ ||5793||
"savvassa chaḍḍaṇa0" gāhādvayaṃ kaṇṭhyam | ahavā je ekasmin chaḍḍei sā vigicaṇā | jaṃ puṇo sā visohaṇā ‘ṇo atikkamai' (sū0 5-6) asyārthaḥ -
1. atra dvitīyā gāthā kā iti na jñāyate |