Biha Kappa v3.p36

v3.p36

bhāsagāhā-5794-5805] paṃcamo uddeso
879 ādillāhiṃ tahiṃ asuddhā | aṃtime suddhā | aṇuggayamaṇasaṃkappe, aṇuggayagavesī, uggayagāhī, uggayabhoyī 3| aṇuggayamaṇasaṃkappe uggayagavesī, uggayagāhī, uggayabhoyī 4 | eyā avisuddhaṇaṃ bhāveṇa cattāri latā gayā |
idāṇiṃ suddheṇaṃ bhāveṇaṃ cattāri layāo, so āicco uggao vā aṇuggao vā niyamā uggayaṃ maṇṇai|
uggatamaṇasaṃkappe, aṇudita gavesī ya gahaṇa bhogī ya| emeva ya bitiyalayā, suddhā ādimmi aṃte ya ||5800|| tatiya latāem̐ gavesī, hoi asuddho u sesagā suddhā |
savvavisuddhā u bhave, cautthalatiyā udiyacitte ||5801||
"uggayamaṇasaṃkappe0" ["tatiya latāem̐."] gāhādvayam | uggayamaṇasaṃkappe, aṇuggayagavesī, aṇuggayagāhī aṇuggayabhoyī 1 | bitiyalayāe ādimmi aṃte suddho, majjhe dosu asuddhā 2 | taiyalatā aṇuggayagavesī, sesā tiṇṇi suddhā | cauttho cauhiṃ vi suddho, eyāo cattāri vi suddhāo | jeṇa saṃkappo suddho |
atthaṃgayasaṃkappe, paḍhama dhareṃtesi gahaṇa bhogī ya | dosaṃtesu asuddhā, bitiyā majje bhave suddhā ||5802|| tatiyā gavasaṇāe, hoti visuddhā u tīsu avisuddhā | cattāri vi hoṃti padā, cautthalatiyāem̐ atthamite ||5803|| aṇatthagayasaṃkappe, paḍhamā esī ya gahaṇa bhogī ya| maṇa esi gahaṇa suddhā, bitiyā aṃtammi avisuddhā ||5804|| maṇa esaṇāe suddhā, tatiyā gaha-bhoyaṇesu avisuddhā |
saṃkappe navari suddhā, tisu vi asuddhā u aṃtimayā ||5805||
"atthaṃgayasaṃkappe0" ["tatiyā gavesaṇāe0" "aṇatthagayasaṃkappe0" "maṇa esaṇāe0" ] gāhāo | cattāri suddhāo, cattāri asuddhāo | tattha jāo asuddhāo tāsiṃ imo vibhāgo | so atthamiyaṃ aṇatthaṇi vā sūriyaṃ niyamā atthamiaṃ maṇṇai | atthamiasaṃkappo aṇatthaṇiagavesī, aṇāthamiyāgāhī aṇatthamiyabhoī | biyā ādie aṃte ya asuddho majjhimāsu dosu suddho | taiyā gavesaṇāe suddhā sesesu tisu asuddhā | cautthalatā cauttha vi asuddhā |