Biha Kappa v3.p47

v3.p47

tattatthamite gaṃdhe, galaga paḍigate tahā aṇābhoe | ete ṇa hoṃti doṇi vi, muhaṇiggata ṇātumogilaṇā || 5848 ||
" tatta'tthamite0 " dāragāhā | 'tatte' tti asya vyākhyā
bhaṇai jai ūṇamevaṃ, tattakavalle ya biṃduṇāsaṇatā | biio na saṃtharevaṃ, taṃ bhuṃjasu sūreṃ jaṃ jijje ||5849||
vyākhyā
niggaṃdhī uggālo, tatie gaṃdho u eti ṇa usitthaṃ | avijāṇaṃta cautthe, pavisati galagaṃ tu jo pappa || 5850 ||
"bhaṇai0” [“niggaṃdho0 " ] gāhā | jahā tatte ayokavalle udagabiṃdū pakkhitto ṇāsei | ego bhai - evaṃ āhāretavvaṃ | 'atthamite' tti, biiyo bhaṇati - eyaṃ ṇa saṃtharaṃi to āhāreyavvaṃ | jaṃ dharaṃte sūre jijjai | ‘gaṃdhe' tti - asya vyākhyā - " ṇogaṃdho0 " puvvaddhaṃ | gaṃdhe do āesā, ego bhai-jahā aṇṇagaṃdho na bhavati | aṇṇo bhaṇati - hou gaṃdho jahā sitthaṃ na ei | cauttho bhaṇai–“aviyāṇaṃtassa" pacchaddhaṃ kaṇṭhyam | ete ṇa [ hoti ] doṇṇi vi' tti asya
paḍhamabitie diyā vī, uggālo ṇatthi kiṃ puṇa nisāe | gaṃdhe ya paḍigate yā, te puṇa do vī aṇāesā ||5851|| paḍupanna'ṇāgate vā, saṃjamajogāṇa jeṇa parihāṇī | ṇa vi jāyati taṃ jāṇasu, sāhussa pamāṇamāhāre ||5852||
[ uggālapagayaṃ
evaṃ pamāṇajuttaṃ, atiregaṃ vā vi bhuṃjamāṇassa | vāyādī khobheṇa va, ejjāhi kahaṃ ci uggālo ||5853||
“paḍhama0” [“paḍupanna'ṇāgate0 " "evaṃ pamāṇajuttaṃ 0 " ] gāhā | paḍhamabiiyā na bhavantyeva | taiyacautthā aṇādesā | 'muhaṇiggayāṇao uilati ? tti asya vyākhyājo puṇa sabhoyaṇaṃ taṃ, davaṃ va ṇāūṇa niggataṃ gilati | tahiyaṃ suttanivāo, tatthā''esā ime hoṃti || 5854||
"jo puṇa0 " gāhā | taṃ puṇa pamāṇajuttaṃ paḍupaṇṇamaṇāgae kāle āvāsagajogāṇaṃ parihāṇī na bhavai jeṇa tāvaiyaṃ āhāretavvaṃ | evaṃ āhārite jo uggālo ei taṃ jo muhaniggayaṃ ābhottā paccoilai tattha suttanivāto | taṃ puṇa acchaṃ vā sasitthaṃ vā ei |
1. muhaṇiggataṇātumogilaṇā iti muca |