Biha Kappa v3.p51

v3.p51

[āhāravihipagayaṃ "suttammi0" gāhā | jaṃ etaṃ suttaṃ uccārettā padachedaṃ kātuṃ suttattho vutto, evaṃ suttammi kaḍḍiyammi teṇa puṇa sāhuṇā jayaṇāe ghettavvaṃ | kā puṇa jayaṇā ? puvvaṃ ceva gihatthahatthagao piṃḍo, jai suddho gheppai paḍio vipaḍio vi paḍiggahe daṭṭhavvo | jai na pekkhai māsalahū, āṇādi | saṃjame te pāṇādī uṇhae paḍiyā uvehā viṇāsijjaṃti | āyāe macchigādīhiṃ vaggulī vāhīe maraṇaṃ | tamhā daṭṭavvo |
ahigāroṃ asaṃsatte, saṃkappādī tu desa saṃsatte | saṃsajjimaṃ tu tahiyaṃ, odaṇasattūdadhidavāī ||5866|| saṃkappe payabhiṃdaṇa, paṃthe patte taheva āvaṇṇe|
cattāri chacca lahu guru, saṭṭāṇaṃ ceva āvaṇṇe ||5867||
"ahigāro0" ["saṃkappe0"] gāhā | 'ahikāro' tti, jammi dese saṃsijjai taṃ desaṃ na ceva gaṃtavvaṃ, asaṃsatte aṇṇa-pāṇadese vihariyavvaṃ | aha puṇa saṃsattadese gamaṇāe saṃkappaṃ kareti :: 4 (caturlaghu), padabhede :: | 4 (caturguru), paṃthe ::: (ṣaḍlaghu), patte :.: | 6 (ṣaḍguru), āvaṇṇe saṭṭhāṇapacchittaṃ |
asivādiehiṃ tu tahiṃ paviṭhṭhā, saṃsajjimāiṃ parivajjayaṃti | bhūiṭṭhasaṃsajjimadavvalaṃbhe, geṇhaṃtuvāeṇa imeṇa juttā ||5868||
"asivādi0" gāhā | aha puṇa asivādīhiṃ gatā hojjā | bhūyiṣṭhaṃ nāma prāyaśaḥ | tāhe imā jataṇā
gamaṇā''gamaṇe gahaṇe, patte paḍie ya hoti paḍilehā|
agahiya diṭṭha vivajjaṇa, aha giṇhai jaṃ tamāvajje ||5869||
"gamaṇā0" gāhā | dāyago bhikkhavāe gacchai | tattha kīḍiyaṃ maṃḍukkaliyāhiṃ bhūmī saṃsattiyā hojjā| 'āgamaṇe' tti eṃte eyaṃ mā virāejjā pāṇajāie| prāpte dāyake dāyagahatthagayaṃ paḍiyaṃ pātre paḍileheti, agahiyassa jai saṃsattaṃ ṇa geṇhai, aha giṇhai, jehiṃ saṃsattaṃ tamāvajjati, aha pūṇa evaṃ na paḍileheṃti to āṇādidosā|
pāṇādi saṃjamammi, ātā mayamacchi kaṃṭaga visaṃ vā | mūiṃgamacchivicchugagovāliyamāiyā ubhae ||5870||