Biha Kappa v3.p60

v3.p60

bhāsagāhā-5905-5914] paṃcamo uddeso
903 duhato thovaṃ ekkekkaeṇa aṃtammi dohi vī bahugaṃ | bhāvugamabhāvugaṃ pi ya, phāsādivisesitaṃ jāṇe ||5910||
"duhato0" gāhā | theve thevaṃ paḍiyaṃ 1 theve bahuyaṃ paḍiyaṃ 2 bahue thevaṃ paḍiyaṃ 3 bahue bahugaṃ paḍiyaṃ eka (4) | jaṃ taṃ davvaṃ paḍai, jattha vā paḍai, taṃ bhāvugaṃ vā abhāvugaṃ vā | bhāvukaṃ nāma phāsa-rasa-vaṇṇa-gaṃdhehiṃ ukkaḍattaṇeṇaṃ vā taṃ phāsādīhiṃ pariṇāmei | tavvivarītamabhāvugaṃ | je te cattāri bhāgā kayā thovādi eesa ceva causa bhaṃgesa ekkekkae cattāri bhaṃgā bhavaṃti | usiṇe usiṇaṃ paḍiyaṃ 1, usiṇe sīyaṃ paḍiyaṃ 2, sīte usiṇaṃ paḍitaṃ 3, sīte sītaṃ paḍitaṃ 4 |
carime vigiṃciyavvaṃ, dosu tu majjhilla paḍiem̐ bhayaṇā u| khippaṃ viviṃciyavvaṃ, māyavimukkeṇa samaṇeṇaṃ ||5911||
"carime0" gāhā | carime nāma jaṃ sītaṃ sīye paḍiyaṃ, taṃ puṇa thove vā puvvagahie thovaṃ paḍiyaṃ, bahue vā puvvagahie bahuyaṃ paḍiyaṃ | evaṃ khippaṃ vigiṃciyavvaṃ | 2 'dosu vi u majjhilla paḍiya bhayaṇa' tti | jaṃ usiṇe sīyaṃ paḍiyaṃ, jaṃ sīe usiṇaṃ paḍiyaṃ etesu imā bhayaṇā
thovaṃ bahummi paḍiyaṃ, usiṇe sītodagaṃ ṇa ujjhaṃtī | haṃdi hu jāva vigiṃcati, bhāvejjati tāva taṃ teṇaṃ ||5912||
"thovaṃ bahummi0" gāhā | jai bahue davve puvvagahie thovaṃ paḍiyaṃ | kiṃ puṇa taṃ ? ucyate-usiṇe sīyodakaṃ paḍiyaṃ taṃ na vikiṃcijjai jāva vikiṃcijjai tāva pariṇayaṃ bhavati | paribhujati tti bhaṇiyaṃ hoi |
jaṃ puṇa duhato usiṇaṃ, samamatiregaṃ va takkhaṇā ceva | majjhillabhaṃgaesuṃ, ciraṃ pi ciṭṭhe bahuṃ chūḍhaṃ ||5913||
"jaṃ puṇa0" gāhā | duhao nāma puvvagahiyaṃ pi usiṇaṃ jaṃ pi paḍiyaṃ taṃ pi usiṇaṃ, taṃ pariṇāmato tallaṃ airegaṃ vā | egataraṃ tasminneva kṣaṇe na sacittabhāvo vyapagacchatīti vākyaśeṣaḥ | tāhe sigdhaṃ ceva vigiṃcijjai | aha thaṃḍillaṃ sigghaṃ ṇārāiyaṃ hojjā tāva taṃ pariṇataṃ na vikiṃcijjai pari jaṃi | jaṃ puṇa māiṭṭhāṇeṇaṃ acchiyavvaṃ acchau viddhatthaṃ, paribhuṃjissāmiṃ na kappai | esā u bhayaṇā | majjhillabhaṃgaesu tti | usīṇe vā sīyaṃ paḍiyaṃ, pariṇāmalakkhaṇagāhā imā
vaṇṇarasagaṃdhaphāsā, jaha davve jammi ukkaḍā hoti | taha taha ciraṃ na ciṭṭhai, asubhesu subhesu kāleṇaṃ ||5914||