Biha Kappa v3.p62

v3.p62

[baṃbharakkhāpagayaṃ]
[suttaṃ] niggaṃthīe rāto vā viyāle vā uccāraṃ vā pāsavaṇaṃ vā vigiṃcamāṇīe vā visohemāṇīe vā annayare pasujātīe vā pakkhijātīe vā
annayaraṃ iṃdiyajāyaṃ parāmasejjā, taṃ ca niggaṃthī sāijjejjā, hatthakammapaḍisevaṇappattā āvajjai māsiyaṃ aṇugdhāiyaṃ ||5-13||
"niggaṃthīe ya rāo" vā suttaṃ uccāreyavvaṃ | sambandhaḥpaḍhamillugatatiyāṇaṃ, carito attho vatāṇa rakkhaṭṭhā | mehuṇarakkhaṭṭhā puṇa, iṃdiya soe ya do suttā ||5919||
"paḍhamilluga0" gāhā | paḍhamaṃ prāṇātipātavrataṃ | tatiyaṃ adiṇṇādāṇavrataveramaṇaṃ | heṭṭhillesu dosu suttesu bhaṇiyaṃ |
idāṇi mehuṇavratarakkhaṇaṭuṃ doṇṇi suttā | iṃdiyasuttaṃ soyasuttaṃ ca | esa sambandhaḥ
niggaṃthī puvvavanniyā | suttauccārapāsamaṇāī ahikiyāī ṇa kevalaṃ uccārapāsavaṇaṃ vigiṃcamāṇīe sajjhāyaṃ vā kareṃtīe sannisaṇṇāe vā tuaṭṭāe vā annatarīesu | jāī pakkhijāī vā pasujāī[vā] |
vānara chagalā hariṇā, suṇagādīyā ya pasugaṇā hoti |
varahiṇa cāsā haṃsā, kukkuḍagasugādiṇo pakkhī ||5920||
"vānara0" gāhā | kaṇṭhyā | annayaraṃ iṃdiyajāyaṃ, paṃcaṇhaṃ iṃdiyāṇaṃ parāmusejjā, jīhāe ekkeṇa vā taṃ jai sātijjai suho (?) imehiṃ pasupakkhijāiehi chivaṃtehiṃ lomaharisamubbhedo bhavati | maṇeṇa vā evaṃ sātijjai mā0 (māsaguru) tti | esa suttattho | adhuṇā niyuktivistara:
jahiyaṃ tu aṇāyayaṇā, pāsavaṇuccāra tahim̐ paḍikuṭuṃ|
lahugo ya hoi māso, āṇādi satī kulaghare vā ||5921|| [ni0]
"jahiyaṃ tu0" gāhā | jattha pasupakkhijāiyāṇaṃ saṃbhavo taṃ aṇāyatanaṃ, tattha ṭṭhāyamāṇīṇaṃ uccārādi vā vigiṃcamāṇīṇaṃ māsalahū, āṇādiṇo ya dosā | 'saī kulaghare ya' tti asya vyākhyā
bhuttābhuttavibhāsā, tassevī kāti kulaghare āsi | baṃdhava tappakkhī vā, daṭṭaṇa layaṃti lajjāe ||5922||