Biha Kappa v3.p65

v3.p65

[baṃbharakkhāpagayaṃ geṇhai :: 4 (caturlaghu), gāmāṇugāmaṃ dūijjati :: | 4 (caturguru) | evaṃ tā avisesiyaṃ | idāṇiṃ visesiyaṃ bhaṇṇai
māsādī jā gurugā, therīkhuḍḍīvimajjhataruṇīṇaṃ | tavakālavisiṭṭhā vā, causuṃ pi cauṇha māsāī ||5931||
"māsādī0" gāhā | therī egāṇiyā bhikkhaṭṭhāe jāi māsalahū 0 bahiyā, viyārabhūmi vā jāi 0 (māsalaghu), kāladuve vi vasahiṃ geṇhai 0 (māsalaghu), gāmāṇugāmaṃ dūijjati 0 (māsalaghu) | eesu ṭhāṇesu cattāri māsalahugā, tavakālavisesiyā | khuḍḍiyāe evaṃ ceva | navari māsagurugā | majjhimāe causu vi ṭhāṇesu caulahugā, tavakālavisesiyā | taruṇīe causu vi ṭhāṇesu caugurugā tavakālavisesiyā |
acchaṃtī vegāgī, kiṃ ṇhu hu dose ṇa itthigā pāve |
āmosagataruṇehiṃ, kiṃ puṇa paṃthammi saṃkā ya ||5932|| "acchaṃtī0" gāhā | 'saṃkā ya' tti avassamesā dussīlā jeṇa egāgiṇī bhamai | egāṇiyāem̐ dosā, sāṇe taruṇe taheva paḍiṇīe | bhikkha'visohi mahavvata, tamhā sabitijjiyāgamaṇaṃ ||5933|| asivādi mīsasatthe, itthī purise ya pūtite liṃge| esā u paṃtha jayaṇā, bhāviya vasahī ya bhikkhā ya ||5934||
"egāṇiyāe0"["asivādi0"] gāhā | biiyapadeṇaṃ asivādīsu kāraṇesu egāgī hojjā | tatthimā jayaṇā-itthī-parisamīseṇa sattheṇa samaṃ vaccai | tattha parivvāiyādī jaṃ pūiyaṃ liṃgaṃ taṃ karei | jāṇi sādhubhāviyāṇi kulāṇi tesu vasahiṃ geṇhai | bhikkhaṃ pi tesu ceva aḍai |
[suttaṃ] no kappai niggaṃthīe aceliyāe huṃtae ||5-16|| "no kappai niggaṃthīe aceliyāe hoae0" suttāo sambandha:
vutto aceladhammo, iti kāi acelagattaṇaṃ vavase | jiṇakappo va'jjāṇaṃ, nivārio hoi evaṃ tu ||5935|| ajiyammi sāhasammī, itthī ṇa cae aceliyā houṃ | sāhasamannaṃ pi kare, teṇeva aippasaṃgeṇa ||5936||