Biha Kappa v3.p68

v3.p68

bhāsagāhā-5942-5952] paṃcamo uddeso
911 "tivihā0"["majjhakkosā0""paliyaṃka0"] gāhā | tattha jā sā ṇivaṇṇassa sā tivihā-ukkosaukkosā, ukkosamajjhimā, ukkosajahaṇṇā | eyāo jahāsaṃkhaṃ omatthiyā pāselliyā uttāṇiyā | jā vi sā ṇisaṇṇassa sā tividhā
majjhimukkosā, majjhimamajjhimā, majjhimajahaṇṇā | godohiyā ukkuḍyā paliyaṃkā yathāsaṅkhyam | jā sā uṭṭhiyassa sā tivihā-jahaṇṇukkosā jahaṇṇamajjhimā jahaṇṇajahaṇṇā ya| hatthisoḍiyā, egapādiyā, [samapādiyā] yathāsaṅkhyam | kahaṃ puṇa saṃpaṭṭhiyassa ukkosā bhavati? ucyate
savvaṃvio patāvo, patāviyā ghammarassiṇā bhūmī| ṇa ya kamai tattha vāo, vissāmo ṇeva gattāṇaṃ ||5949|| eyāsi ṇavaṇhaṃ pī, aṇuṇāyā saṃjaīṇa aṃtillā | sesā nāṇuṇṇāyā, aṭṭha tu ātāvaṇā tāsiṃ ||5950||
"savvaṃgio0"["eyāsi0"] gāhā | ettha ṇiggaṃthīṇaṃ samatalapāiyāe āyāvaṇāe āyāvei | kerisae puṇa ṭhāṇe āyāvei ? ucyate
pālīhiṃ jattha dīsai, jattha ya sairaṃ visaṃti na juvāṇā |
uggahamādisu sajjā, āyāvayate tahiṃ ajjā ||5951||
"pālīhiṃ0" gāhā | paḍissayapālīhiṃ jattha dīsai, sairaṃ nāma sacchaṃda | kiṃ kāraṇaṃ ? uggahaṇaṃtagamādīsa ātāveti | ucyate
mucchāem̐ nivaḍitāe, vāteṇa samuddhate va saṃvaraṇe | gotaramajayaṇadosā, je vuttā te u pāvijjā ||5952|| "mucchāem̐0" gāhā| [suttaṃ] no kappai niggaṃthīe ṭhāṇāyayāe huṃtae ||5-20|| no kappai niggaṃthīe paḍimaṭṭhāiyāe huṃtae ||5-21|| evaṃ nesajjiyāe||5-22|| ukkuḍugāsaṇiyāe ||5-23|| vīrāsaṇiyāe ||5-24|| daṃḍāsaṇiyāe ||5-25|| lagaṃḍasāiyāe ||5-26||