Biha Kappa v3.p70

v3.p70

paṃcamo uddeso daṃḍa iva ujjūṇi vajjai | lagaṃḍasāiyā jahā-sagaḍagaṃḍaṃ vaṃkaṃ tathā ṇibajjhati | ete savve abhiggahā paḍisiddhā, savvattha caugurugaṃ |
tavo so u aṇuṇṇāo, jeṇa sesaṃ na luppati |
akāmiyaṃ pi pellijjā, vārio teṇa'bhiggaho ||5957|| "tavo so u0" gāhā | aṇṇeṇa pagāreṇaṃ tāo nijjareṃti |
je ya daṃsādao pāṇā, je ya saṃsappagā bhuvi | ciṭṭhassaggaṭṭhiyā tā vi, sahati jaha saṃjayā ||5958||
"je ya daṃsā0" gāhā | duvidho kāussaggo-ceṭṭhākāussaggo abhibhavakāussaggo ya| uddhaṭṭhāṇaṭṭhiyaṃ daṃḍāyatādīhiṃ vā ṭhiyaṃ koi udiṇṇakammo akāmiyaṃ paḍisevejjā, teṇa vāriyā abhiggahā | codago bhaṇati-jai sā na sāijjai bhujjamāṇī 'appeṇa bahumesejja, eyaṃ paṃḍiyalakkhaṇaṃ' ti kāuṃ ki jeṇa bahutarakammaṇijjarā bhavati taṃ kiṃ vārijjai? atra ucyate
vasijjā baṃbhaceraṃsī, bhujjamāṇī tu kādi tu | tahā vi taṃ na pūyaṃti, therā ayasabhīruṇo ||5959|| "vasijjā0" gāhā | jāhi na sāijjaitamiti vākyaśeṣaḥ | kiṃ cānyattivvābhiggahasaṃjuttā, thāṇamoṇā''saṇe ratā| jahā sujjhaṃti jayao, egā'ṇegavihāriṇo ||5960|| "egāgī0"1 gāhā | egāgiṇo vā viharaṃti aṇegā vā | evaṃ niggaṃthio |
lajjaṃ baṃbhaṃ ca titthaṃ ca, rakkhaṃtīo tavoratā | gacche ceva visujjhaṃtī, tahā aṇasaṇādihiṃ ||5961||
"lajjaṃ0" gāhā | gacche ceva vasaṃtīo aṇasaṇādīhiṃ sujjhaṃti, na tivvehiṃ abhiggahehiṃ | kiṃ cānyat
jo vi daḍḍidhaṇo hujjā, ithiciṃdho tu kevalī | vasate so vi gacchammī, kimu tthīvedasiṃdhaṇā ||5962||
"jo vi0" gāhā | iṃdhaṇaṃ mohaṇijjaṃ kammaṃ yadapyuktaṃ-jai ṇa sāijjai kammaṃ nijjarei | ko doso? sā paṇa yadṛcchāe na sāijjai kahaṃ? ucyate
1. tivvābhiggaha0 ḍa i muca |