Biha Kappa v3.p86

v3.p86

[ vavahārapagayaṃ ]
[suttaṃ] parihārakappaṭṭhie bhikkhū bahiyā therāṇaṃ veyāvaḍiyāe gacchejjā, se ya āhacca aikkamijjā, taṃ ca therā jāṇijjā appaṇo āgameṇaṃ annesiṃ vā aṃtie succā, tato pacchā tassa ahālahusae nāma vavahāre paṭṭaveyavve siyā ||5-41||
"parihārakappaṭṭhie0" suttaṃ uccāreyavvaṃ | sambandhaḥ
nikkāraṇapaḍisevī, ajayaṇakārī va kāraṇe sāhū |
aduvā ciattakicce, parihāraṃ pāuṇe jogo ||6033||
“nikkāraṇe0” gāhā | 'ciyattakicce' ārogībhūto vi tadeva paḍibhoeṇaṃ upajīvai | eṣa sambandhaḥ |
parihārio ya gacche, āsaṇṇe gaccha vāiṇā kajjaṃ |
āgamaṇaṃ tahim̐ gamaṇaṃ, kāraṇa paḍisevaṇā vā || 6034 ||
“parihāra0” gāhā | parihārakappo puvvatto tammi ṭṭhio parihārakappaṭṭhio | so ya gaccho pahiyā therāṇaṃ veyāvaḍiyāe 'gacche' tti gacchejja | the āyariyā kiccaṃ = veyāvaḍiyaṃ āsaṇe aṇṇagaṇe vādiṇā kajjaṃ | so ya vādaladdhisaṃpaṇṇo | aṇṇagacchāto saṃghāḍao āgao 'vādīe tu' tti teṇa ṇa ṇikkhitto parihāro vahaṃto gato | teṇa ya vādinimittaṃ imehiṃ kāraṇehiṃ imāṇi paḍiseviyāṇi hojjā
=
pāyā va daṃtā va siyā u dhoyā, vābuddhihetuṃ va paṇīyabhattaṃ | taṃ vātigaṃ vā maisattaheuṃ, sabhā jayaṭṭhā sicayaṃ va sukkaṃ ||6035|| therā puṇa jāṇaṃtī, āgamao ahava aṇṇao succā | parisāe majjhammi, paṭṭavaṇā hoi pacchitte ||6036|| navadasacaudasaohīmaṇanāṇī kevalī ya āgamiuṃ | so ceva'ṇṇo u bhave, tadaṇucaro vā vi uvago vā ||6037||
tesiṃ paccayaheḍaṃ, je pesaviyā suyaṃ va taṃ jehiṃ | bhayau sesagāṇa ya, imā u ārovaṇārayaṇā ||6038 ||