Nisiha v16.p201
Niśīthaviśeṣacūrṇi v16.p201
- Language
- Māhārāṣṭrī Prakrit
v16.p201
cū- appāhaṇaṃ sadeso, purāṇassa saṃdisaṃti | ādiggahaṇeṇaṃ gihītānuvvayasāvagassa vā sammadiṭṭiṇo saṃdisaṃti - pādaṃ sattheṇa āṇayaha | tehiṃ vā ānitā jadi savve gīyatthā to geṇhaṃti | itare agīyatthā tesu jayaṇaṃ kareṃti, puvvaṃ paḍisehittā chinne bhāve tihaṃ ya jayaṃtā jatā attaṭṭhiyā tadā gehaṃti ||
[bhā. 3298 ] eseva gamo niyamā, āhāre sesate ya uvakaraṇe | puvve avare ya pade, sapaccavāetare lahugā ||
- jo pāde vihī bhaṇito eseva vidhī āhāre, sesovagaraṇe ya daṭṭhavvo | sapaccavāte, itare puṇa nipañcavāte savvattha caulahugā ||
mū. (663) je bhikkhū dhammassa avaṇṇaṃ vadati, vadataṃ vā sātijñjati ||
cū- “dhṛñ dhāraṇe", dhārayatīti dharmaḥ, na vaṇṇo avaṇṇo nāma ayaso akīrtirityarthaḥ | "vadavyaktāyāṃ vāci" |
[bhā. 3299] duvihī ya hoi dhammo, suyadhammo khalu carittadhammo ya | suyadhammo sajjhāo, carittadhammo samaṇadhammo ||
[bhā. 3300 ] suyadhammo khalu duviho, sutte atthe ya hoi nāyavvo | duviho ya caraṇadhammo, ya agāramanagāriyaṃ ceva ||
cū- paṃcavidho sajjhāto suyadhammo | so puṇa duviho - sutte atthe ya | carittadhammo duviho - agāradhammo anagāradhammo ya | ekkekko duviho - mūluttaraguṇesu ||
[bhā. 3301] duviho tassa avaṇṇo, dese savve ya hoti nāyavvo | suttanivāto dese, taṃ sevaṃtammi āṇādī ||
cū- dese savve vā suyassa avaṇṇaṃ vadati | evaṃ caritte vi duviho avaṇṇo | suttassa dese caulahugā, atthassa dese caugurugā | savvasuyassa avaṇṇe bhikkhuṇo mūlaṃ | abhiseyassa aṇavaṭṭho | guruṇo carimaṃ | eyaṃ dāna pacchittaṃ | āvajjaṇāe tiṇha vi savve sutte atthe vā pāraṃciyaṃ | gihīṇaṃ mūlaguṇesu jati deśe avaṇaṃ vadati to caugurugaṃ savvahiṃ mūlaṃ | gihīṇaṃ uttaraguṇesu jati dese avaṇṇaṃ vadati to caulahugā | gihīṇaṃ savvuttaraguṇesu caugurugā |
sāhūṇaṃ mūlaguṇesu uttaraguṇesu ya jati dese avaṇṇaṃ vadati to caugurugā, dosu vi savvesu mūlaṃ | ettha atyassa dese gihīṇa ya, mūlaguṇadese sāhūṇa ya, uttaraguṇadese suttaṇivā bhavati | evaṃ avaṇṇavayaṇaṃ sevaṃtassa āṇādiyā dosā bhavaṃti ||
[bhā. 3302 ] mūlaguṇa- uttaraguṇe, dese savve ya caraṇadhammo u |
sāmādiyamādī u, suyadhammo jāva puvvagataṃ || sāmāiyamāīe, ekkārasamāu jāva aṃgāto | aha deso ettha lahugā, sutte atthammi gurugādī ||
1
cū- pūvvaddhaṃ gatārthatvāt kaṃṭhaṃ | suyassa sāmādiyādi- jāva-ekkārasaaṃgā-tāva- deso, eyaṃ caiva saha puvvagaeṇa savvasuyaṃ ||
[bhā. 3304] savvammi tu sayanāṇe, bhūyā vāte ya bhikkhuṇo mūlaṃ |
Linked texts (1)
- Nisīha — Viśākhagaṇi, Ardhamāgadhī Prakrit