Nisiha v16.p321

v16.p321

niśītha-chedasūtram -2-12/758 saṃviggavesadhārī visaṃbhaṇaveso ceva hatasaṃko | ahavā - tattha nisano na saṃkijati jo keṇai doseṇa so hatasaṃko|| [bhā.4052] ahavā osahaheuṃ, saṃkhaḍi saṃghāḍae vā vāsāsu|
vāghāyammi u ratthā, jayaṇāe kappatī ṭhātuṃ || cū-“ahava"tti-avavādakāraṇabhedapradarśane | osadhahetuṃdātāraṃ ghare asahīṇaṃ paḍicchati, saṃkhaḍīe vā velaṃ paḍikkhaṃti, bhariyaṃ bhāyaṇaṃ jāva muṃcittuṃ ete tāva saṃghāḍao paḍicchati vāse vā paḍate acchati, vadhuvarādiuvvahaṇeṇa vā racchāe vāghāto, jahā puvvuttā dosā na bhavaṃti tahā jayaṇāe acchiuṃkappati|| [bhā.4053] eehiṃ kāraṇehiṃ, aṇunnaveūṇa virahite dese |
acchaṃta'vavāteṇaṃ, avavādavavātato ceva|| cū-bīesupaṃḍagāivirahite dese gihivatiṃ sāmiṃaṇunnaveuṃacchaṃta'vavāeṇa ubbhāṭhiyā| atavāde puṇa anno avavāo avavāyāvavādo bhannati, tena avavādāvavādeṇa nisīdaṃtītyarthaḥ |
mū. (759) je bhikkhū gihiteicchaṃ karei, kareṃtaṃ vā sātijjati|| cū-imo suttaphāso[bhā.4054] je bhikkhū tegicchaṃ, kujā gihi ahava annatitthīṇaṃ |
___ suhumatigicchā māso, sesatigicchāe lahu āṇā|| cū-tigicchā nāma rogapratikāraḥ, vamana-virecana-abhyaṃgapānādibhitaṃ jo gihīṇa adhavāannatitthiyāṇaṃ kareti tassa suhumatigicchāe māsalahuṃ, bāyarāe caulahum̐, āṇādiyā yadosā| suhumatigicchā nāma nāhaṃ vejo aṭṭhāpadaṃ deti | ahavā - bhaṇāti mama eriso rogo amugeṇa pannatto || bādaratigicchā catuppayā[bhā.4055] virae ya avirae vā, viratāvirate yativihategicchaṃ|
jaṃgam̐jati joggaṃ, taṭṭhāṇapasaṃghaṇaṃ kuṇatī || cū-pāsatthādiyā virayā, avirao saḍḍo, micchādiṭṭhī vā avirato, gahīyāṇuvvato viratāvirato, tivihatigicchā aṭṭhāpadaṃ deti, appaṇo vā kiritaṃ kaheṃti, catuppādaṃ vā tegicchaṃ karei| gilāṇo ānijaṃto nijaṃto jaṃ virādheti tannipphannaṃ pāvati | kiriyākaraṇakāle vā jaṃ kaṃdamūlā divaheti, pacchābhoyaṇakaraṇe vā | ahavā-sa rogavimukko kisikaṇādi kajaṃ jaṃjogaṃ kareti sa tena tigicchiṇā tammi jogaṭṭhāṇe saṃdhito bhavati | ahavā-sa rogī jaṃjogakarī puvvaṃ āsī se rogakāle avvāvārotammiacchati rogavimukkopuṇataṭṭhāṇasaṃghaṇaṃkareti, vyāghrāyaspiṃḍavat, sāmarthyād bahusatvoparodhī bhavati, ityato cikitsā na karaṇīyā|| bitiyapade karejjā vā[bhā.4056] asive omoyarie, rāyaduḍhe bhae va gelanne |
addhāṇarohae vā, jayaṇāe kappatī kātuṃ|| cū-gacche asivādikāraṇasamuppannapaoyaṇā jayaṇāe karitā suddhā || imā jayaṇā[bhā.4057] pāsatthamādiyāṇaṃ, puvvaṃ dese tato avirate ya |
suhumāti vijjamaṃte, purisitthi acittasaccitte||