Nisiha v16.p331

v16.p331

paḍhame bhaṃge gahaṇaṃ, sesesu vi jattha sāvasesaṃ tu | annesu tu aggahaṇaṃ, alevasukkhesu vā gahaṇaṃ ||

cū- "annesu "tti - samesu bhaṃgesu | jadi deyaṃ davvaṃ sukkhaṃ alevakaḍaṃ, sukkhaṃ maṃḍagakummāsādī, to gijjhaṃ, pacchākammassa abhāvāt || bitiyapadaṃ

asive omoyarie, rāyaduṭṭe bhae va gelanne
addhāṇa rohae vā, jayaṇāgahaṇaṃ tu gīyatthe ||
mū. (762) je bhikkhū kaṭṭha kammāṇi vā cittakammāṇi vā potthakammāṇi vā daṃtakammāṇi vā maṇikammāṇi vā selakammāṇi vā gaṃdhimāṇi vā veḍhimāṇi vā pūrimāṇi vā saṃdhātimāṇi vā pattacchejjāṇi vā vihāṇi vā cakkhudaṃsaṇa paḍiyāṇa abhisaṃdhāreti abhisaṃdhāretaṃ vā sātijjati | [bhā. 4119] kaṭṭhakammāṇi ṭhāṇā jattiyamettāu āhiyā sutte | cakkhūpaḍiyāe tesu dosā te taṃ ca bitiyapadaṃ ||
cū. kaṭṭhakammaṃ koṭṭimādi pustakeṣu ca vastreṣu vā potthaṃ cittalevā prasiddhā pūyādiyā puṣpamālādiṣu gaṃṭhimaṃ jahā ānaṃdapure, puṣpphapūragādiveḍhimaṃ pratimā, pūrimaṃ sa ca kakṣukādimukuṭa saṃbaṃdhisu vā saṃghāḍimaṃ mahadākhyānakaṃ vā mahattā mahataṃ |
mū. (763) je bhikkhū vappāṇi vā phalihāṇi vā uppalāṇi vā pallalāṇi vā ujjharāṇi vā nijjharāṇi vā vāvīṇivā pokkharāṇi vā dīhiyāṇi vā sarāṇi vā sarapaṃtiyāṇi vā sarasapaṃtiyāṇi vā cakkhudaṃsaṇapaḍiyāe abhisaṃdhārei, abhisaṃdhāretaṃ vā sātijjati ||
[bhā. 4120] ppāī ṭhāṇā khalu, jattiyamettā ya āhiyā sutte | cakkhupaḍiyāi tāṇī, abhidhāreṃtassa āṇādī ||
cū- vappo kedāro, parihā khātiyā, nagarādisu pāgāro, rannoduvārādisu toraṇā, nagaraduvārādisu aggalā, tasseva pāsago rahasaṃṭhito pāsāto, pavvayasaṃṭhitaṃ uvaruvaribhūmiyāhiṃ vaṭṭamāṇaṃ kūḍāgāraṃ, kūḍevāgāraṃ kūḍāgāraṃ parvate kuṭṭitamityarthaḥ | nūma gihaṃ bhūmigharaṃ, rukkho cciya gihāgāro rukkhagihaṃ, rukkhe vā gharaṃ kaḍaṃ, parvataḥ prasiddhaḥ, maṃḍabo viyaḍaḥ, dhūmaḥ prasiddhaḥ, paḍimā gihaṃ cetiyaṃ, lohārakuṭṭhī āvesaṇaṃ, logasamavāyaṭhāṇaṃ āyataṇaṃ, devakulaṃ pasiddhaṃ, sadbhyaḥ sthānaṃ sabhā, gimhādisu udagappadāṇaṭhāṇaṃ pavā, jattha bhaṃḍaṃ acchati taṃ paṇiyagiha, jattha vikkāi sā sālā | ahavā sakuḍuṃ gihaṃ, akuḍḍā sālā, evaṃ jāṇasālāo vi, jāṇā sivigādi jattha mikkhittā, guhā prasiddhā, evaṃ dabbho pavvago vidabbhasāriccho, iṃgālā jattha ḍajjhaṃti, kaṭṭhā jattha phaṭṭaṃti, ghaḍijaṃti vā, savasayaṇaṃ susāṇaṃ, giriguhā kaṃdaraṃ, asivasamagaṭṭhāṇaṃ saṃti, selo pavvato, gosādi ṭhāṇaṃ uvaṭṭhāṇaṃ, bhavaṇāgāraṃ vaṇarāyamaṃḍiyaṃ bhavaṇaṃ, taṃ ceva vaṇavivajjiyaṃ gihaṃ, cakkhurindriyaprītyarthaḥ darśanapratijñayā gacchaṃti, tattha gacchaṃtassa saṃjamavirādhanā, diṭṭhe ya rāgadosādayo| ime dosā

-
kammapasatthapasatthe, rāgaṃ dosaṃ ca kārae kujjā |
sukayaṃ suajjiyaṃtiya, sudu vi vinioiyaṃ davvaṃ ||
cū- kārago sippī | tena suppasatthe kate rāgaṃ kareti, appasatthe dosaṃ | ahavā bhaṇati - devakulāti kayaṃ ettha anumatī | ahavā jeṇa kāravitaṃ taṃ bhaṇāti - suṭṭu ajjiyaṃ tena davvaṃ,