Nisiha v16.p50
Niśīthaviśeṣacūrṇi v16.p50
- Language
- Māhārāṣṭrī Prakrit
v16.p50
puvve avare ya pade, duvihe uvahimma vi taheva || cū-duviho uvahī - ohīo uvaggahito | tattha vi eseva gamo vattavyo|
mū. (585) je bhikkhū ranno khattiyāṇaṃ mudiyāṇaṃ muddhāsittāṇaṃ duvāriyaṃ bhattaṃ vā pasubhattaṃ vā bhayaga-bhattaṃ vā bala-bhattaṃ vā kayaga-bhattaṃ vā haya-bhattaṃ vā raya-bhattaṃ vā kaṃtāra-bhattaṃ vā dubbhikkhabhattaṃ vā damaga-bhattaṃ vā gilāṇa-bhattaṃ vā vadaliyā-bhattaṃ vā pāhuṇa-bhattaṃ vā paḍiggāhei, paḍiggāheṃtaṃ vā sātijati|| [bhā.2526] ranno duvāramādī, bhattā vuttāya jattiyā sutte |
gahaṇāgahaṇe tattha, dosā u ime pasajjati || [bhā.2527] dovāriyapuvvuttā, balaṃ payādī pasu hayagayādī |
sevaga-bhoigamādī, kaya'kayavittī nava purāṇā vā || [bhā.2528] kaṃtāra-niggatāṇaṃ, dubhikkhe damaga varisavaddaliyā|
pāhuṇaga atihiyāe, siyā ya āroggasālitaraṃ|| cū-dovāriyā dārapālā | balaṃ cauvvihaṃ-pāukkabalaṃ āsabalaṃ hatthibalaṃ rahabalaṃ | etesiṃ kayavittīṇa vā akayavittīṇa vā ṇāvālaggāṇa vājaṃ rāyakulāto peṭṭagādi bhattaṃ niggacchati| kaṃtārāte aḍaviniggayāṇaṃ bhukkhattāṇaṃ jaṃdubhikkhe rāyā deti taṃdubhikhabhattaṃ, damagā raṃkā tesiṃ bhattaṃ damagabhattaṃ, sattāhavaddale paḍate bhattaṃ kareti rāyā apuvvāṇaṃ vā avidhīṇa bhattaṃ kareti rāyā| ahavā - ranno ko ti pāhuṇago āgato tassa bhattaṃ ādesabhattaṃ, āroggasālāe vā “itarami" tiviṇāvi āroggasālāe jaṃ gilāṇassa dijjati taṃ gilāṇa-bhattaṃ || [bhā.2529] bhaddo tannissāe, paṃto gheppaṃta daguṇaṃ bhaṇati|
aṃto ghare na icchaha, iha gahaṃ duṭṭadhamma tti || [bhā.2530] bhattovahivoccheyaṃ, nimvisiya caritta-jīvabhedaṃ vā|
egamanegapadose, kujā patthāramādīṇi|| [bhā.2531] tesuagiṇhatesū, tīse parisāe evamuppajje |
ko jāṇati kiṃ ete, sāhū ghettuṃna icchaṃti|| [bhā.2532] duvihe gelaṇṇammī, nimaṃtaṇā davvadullabhe asive |
omoyariyapadose, bhae va gahaṇaṃ anunnātaṃ || mū. (586) je bhikkhū ranno khattiyāṇaṃ mudiyāṇaṃ muddhābhisittāṇaṃ imāiṃ chaddosāyayaṇāī ajāṇiya apucchiya agavesiya paraṃ caurāya-paṃcarāyāo gāhāvati kulaṃ piṃḍavāyapaḍiyāe nikkhamati vā pavisati vā nikkhamaṃtaṃ vā pavisaṃtaṃ vā sātijjati, taṃjahā-koṭṭhāgāra-sālāṇi vā bhaṃḍāgārasālāṇi vā pāṇa-sālāṇi vā khīra-sālāṇi vā gaṃja-sālāṇai vā mahānasa-sālāṇi vā||
cū-“ime"tti pratyakṣībhāve, ṣaḍiti saṃkhyā, dosāṇaṃ āyayaṇaṃ ṭhāṇaṃ nilae tti, avijñāya bhikṣāyai praviśati, caturātrāt parataḥ, ādeśena vā paṃcarātrāt parataḥ kā, saparikhevāto aṃto pavisati, aṃtāto vā bāhiriyaṃ niggacchati, dhaṇṇabhāyaṇaṃ koṭṭhāgāro, “bhāṃḍāgāro" - hiraṇṇa
Linked texts (1)
- Nisīha — Viśākhagaṇi, Ardhamāgadhī Prakrit