Nisiha v16.p89
Niśīthaviśeṣacūrṇi v16.p89
- Language
- Māhārāṣṭrī Prakrit
v16.p89
niśītha-chedasūtram -2- 10/618 tassa ceva te deti | aha vatthavvāyariyassa asatī sāhūṇa tāhe savve te ghettuṃpaḍicchāyariyassa egaṃ saṃghāḍagaṃ kappāgaṃ deti | so ki apāḍicchāyario vatthavvāyariyassa aṇāpucchāe te sisse na vāvāreti pesaṇādisu||
mū. (619) je bhikkhū disaṃ vipparināmei, vipparināmeṃtaṃ vā sātijati|| cū-imā suttassa sutteṇa saha saṃbaṃdhagāhā[bhā.2758] sayameva ya avahāro, hoti disāe na me gurū so tu|
aha bhaṇitā vipparināmaṇā u annesimā hoti | cū- sayamiti svayaṃ atikrāntasūtre vipparināmaṇā ātmagatā abhihitā, imā puṇa vakkhamāṇasutte anne annassa disāvipparināmaṇaṃ kareti || [bhā.2759] rāgeṇa vadoseṇa va, vipparināmaṃ kareti je bhikkhū |
duvihaṃ tiviha disāe, so pāvati āṇamādīṇi || - cū-disaṃ vipparināmeti sa rāgeṇa vā doseṇa vā | rāgeṇa tammi sehe ajjhovavāto gāḍhaṃ tāhe tena rāgeṇavipparināmeuṃ appaṇoaṃteṇa kaḍeti|doseṇa paduṭṭhomā tassa sīsobhavautti vipparināmeti | āyariyovajjhāyā duvihā disā sāhūṇaṃ | āyariyovajjhāyā pavattiṇī ya tivihā saṃjatīṇa disā, eyā disā vipparināmeṃtassa āṇādiyā dosā ||
so puṇa imehiṃ vipparināmeti[bhā.2760] ḍaharo akulīṇo tti ya, dummeho damaga maṃdabuddhi tti |
avi ya'ppalābhaladdī, sīso paribhavati āyariyaṃ | cū-“ḍaharo"tti asya vyākhyā[bhā.2761] ḍaharo esa tava gurū, tumaṃca thero na jujjate jogo|
avipakkabuddhi eso, vae karejjā va jaṃ kiṃ ci || cū-koti sehopariṇayavaotaruṇāyariyassasamīve pavvatitukāmoannena bhaṇṇati-“ḍaharo esa tava guru tumaṃca pariṇayavao, nesaāyariya-sīsasaṃjogo jujjati, kahaṃ putta-nattua-samāṇassa sīso bhavissati? kahaṃ vā vinayaṃ kāhisi? kiṃ ca te sayaṇādijaṇo bhaṇīhiti' tti | ahavā bhaṇāti - so ḍaharo avipakkabuddhi, avipakkabuddhittaṇeṇa ya akajaṃ pi kajaṃ vadati avipakkabuddhittaṇāto jaṃ kiṃ ci dosaṃ karejja | evaṃ vipparināmeti | ahavā - so vipparināmaṃto sabbhūtaṃ vā kiṃci dosaṃ vade, asabbhūtaṃ vā kiṃca dosaṃ vaeja || [bhā.2762] emeva seseesuvi, taṃ niṃdato sayaṃ paraṃ vā vi |
saṃteṇa asaṃteṇa va, pasaṃsae taṃ kulādīhiṃ || cū-sesā kulādiyā padā, tehiṃ kulādiehiṃ padehiṃ ta jiṃdati | jassa uvaṭṭhito so puṇa sao parao vā saṃtehiṃ vā asaṃtehiṃ kulādiehiṃ jassa paduṭṭho sayaṃ paraṃ va taṃ niṃdati | tassa sehassa jamuddisati tammi saṃtehiṃ vā saṃtehiṃ vā sayaṃ parāyagaṃvā saṃsati | imo kulīṇo, so akulīṇo| imo mehāvī, so dummeho | imo īsara-nikkhaṃto, so damago | ahavā-imo vatthapattādiehiṃ īsaro, so damago | īmo buddhisaṃpaṇmo, so abuddhimaṃ | api cāso alpalābhaldhī, imo saladdhimaṃ | imehiṃ
Linked texts (1)
- Nisīha — Viśākhagaṇi, Ardhamāgadhī Prakrit