Nisiha 7.37.1

7.37.1

jē bhikkhū māuggāmassa mēhuṇa-vaḍiyāē annamannassa kāyaṁsi gaṇḍaṁ vā piḍayaṁ vā araïyaṁ vā asiyaṁ vā bhagandalaṁ vā annayarēṇaṁ tikkhēṇaṁ satthajāēṇaṁ acchindittā vā vicchindittā vā pūyaṁ vā sōṇiyaṁ vā nīharettā vā visōhettā vā sīōdaga-viyaḍēṇa vā usiṇōdaga-viyaḍēṇa vā ucchōlettā vā padhōettā vā annayarēṇaṁ ālēvaṇa-jāēṇaṁ ālimpettā vā vilimpettā vā tellēṇa vā ghaēṇa vā vasāē vā navanīēṇa vā abbhaṅgettā vā makkhettā vā annayarēṇaṁ dhūvaṇa-jāēṇaṁ dhūvejja vā padhōvejja vā dhūventaṁ vā padhūventaṁ vā sātijjati.