Vyavaharasutra 7
Vyavahārasūtra 7
- Language
- Prakrit
Contents
- 7.1 — 2 parts
7.1
datti-saṃkhyā-vidhānam
sūtra 43
saṃkhādattiyassa bhikkhussa paḍiggahadhārissa
gāhāvaikulaṃ piṃḍavāyapaḍiyāe aṇupaviṭṭhassa
jāvaiyaṃ jāvaiyaṃ kei anto paḍiggahaṃsi uvaittu daladajjā
tāvaiyāo dattīo vattavvaṃ siyā
tattha se kei chabbaeṇa 1 vā, dūsaeṇa vā, vālaeṇa vā
anto paḍiggahaṃsi uvittā dalaejjā
savvā vi ṇaṃ sā egā dattī vattavvaṃ siyā
tattha se bahave bhuṃjamāṇā savve te sayaṃ sayaṃ piṇḍaṃ
sāhaṇṇiya anto paḍiggahaṃsi uvittā dalaejjā,
savvā vi ṇaṃ sā egā datti vattavvaṃ siyā
sūtra 44
saṃkhādattiyassa1 ṇaṃ bhikkhussa pāṇipaḍiggahiyassa
gāhāvaikulaṃ piṇḍavāyapaḍiyāe aṇupaviṭṭhassa
jāvaiyaṃ kei anto pāṇiṃsi paḍiggahaṃsi uvaittu dalaejjā,
tāvaiyāo dattīo vattavvaṃ siyā
tattha se kei chavvaeṇa vā dūsaeṇa vā cālaeṇa vā
anto pāṇiṃsi uvittā dalaejjā
savvā vi ṇaṃ sā egā dattī vattavvaṃ siyā
tattha se vahave bhuṃjamāṇā savve te sayaṃ sayaṃ piṇḍaṃ sāhaṇṇiya
anto pāṇiṃsi paḍiggahaṃsi uvittā dalaejjā
savvā vi ṇaṃ sā egā dattī vattavvaṃ siyā
upahṛtāhāra-bheda vidhānam—
sūtra 45
tivihe uvahaḍe paṇṇatte, taṃjahā—
1 suddhovahaḍe, 2 phaliovahaḍe, 3 saṃsaṭṭhovahaḍe
avagraha-bheda vidhānam—
sūtra 46
tivihe oggahie paṇṇatte, taṃjahā—
1 jaṃ ca ogiṇhai, 2 jaṃ ca sāhaḍḍai, 3 jaṃ ca āsagaṃsi pakkhivai
ege evamāhaṃsu
duvihe oggahie paṇṇatte, taṃjahā—
1 jaṃ ca ogiṇhai,
2 jaṃ ca āsaṃgaṃti pakkhivai
ti vemi
navamo uddesao samatto
dasamo uddesao
daśama uddeśaka
sūtra 1
do paḍimāo paṇṇattāo
taṃjahā- 1 javamajjhā ya caṃdapaḍimā
2 vairamajjhā ya caṃdapaḍimā
javamajjhaṃ ṇaṃ caṃdapaḍimaṃ paḍivannassa aṇagārassa niccaṃ māsaṃ vosaṭṭhakāe
ciyattadehe je kei parīsahovasaggā samuppajjaṃti
divvā vā maṇussagā vā tirikkhajoṇiyā vā
aṇulomā vā paḍilomā vā,
tattha aṇulomā tāva vaṃdejjā vā, namaṃsijjā vā, sakkārejjā vā
sammāṇejjā vā
kallāṇaṃ maṃgalaṃ devayaṃ ceiyaṃ pajjuvāsejjā,
paḍilomā tāva aṇṇayareṇaṃ daṃḍeṇa vā aṭṭhiṇā vā jotteṇa vā vetteṇa vā kaseṇa
vā kāṃe āuṭṭejjā,
te savve uppanne sammaṃ sahai khamai titikkhai ahiyāsei
7.1.p1.1
yavamadhya-candra-pratimā vidhānam
sūtra 2
javamajjhaṃ ṇaṃ caṃdapaḍimaṃ paḍivannassa aṇagārassa
sukkapakkhassa pāḍivae kappai egā dattī bhoyaṇassa
paḍigāhettae, egā pāṇassa
savvehiṃ duppaya cauppayāiehiṃ āhārakaṃkhīhi sattehi paḍiṇiyatte hiṃ
annāyauṃchaṃ, suddhovahaḍaṃ,
nijjūhiktā bahave samaṇa-māhaṇa-atihi-kivaṇa vaṇīmagā
kappai se egassa bhuṃjamāṇassa paḍiggāhettae
no doṇhaṃ, no tiṇhaṃ, no cauṇhaṃ. no paṃcaṇhaṃ,
no gubbiṇīe, no bālavacchāe, no dāragaṃ pejjamāṇīe,
no kappai aṃto eluyassa do vi pāe sāhaṭṭu dalamāṇīe,
no bāhiṃ eluyassa do vi pāe sāhaṭṭu dalamāṇīe
aha puṇa evaṃ jāṇejjā—egaṃ pāyaṃ aṃto kiccā
egaṃ pāyaṃ bāhiṃ kiccā eluyaṃ vikkhambhaittā
eyāe esaṇāe esamāṇe labbhejjā āhārejjā,
eyāe esaṇāe esamāṇe ṇo labbhejjā, ṇo āhārejjā
biijjāe se kappai doṇṇi dattīo bhoyaṇassa paḍiggāhettae,
doṇṇi pāṇassa
taiyāe se kappai tiṇṇi dattīo bhoyaṇassa paḍigāhettae, tiṇṇi pāṇassa
cautthīe se kappai caudattīo bhoyaṇassa paḍigāhettae, cau pāṇassa
paṃcamīe se kappai paṃcadattīo bhoyaṇassa paḍigāhettae paṃca pāṇassa
chaṭṭhīe se kappai cha dattīo bhoyaṇassa paḍigāhettae cha pāṇassa
sattamīe se kappai satta dattīo bhoyaṇassa paḍigāhettae, satta pāṇassa
aṭṭhamīe se kappai aṭṭha dattīo bhoyaṇassa paḍigāhettae aṭṭha pāṇassa
navamīe se kappai nava dattīo bhoyaṇassa paḍigāhettae nava pāṇassa
dasamīe se kappai dasa dattīo bhoyaṇassa paḍigāhettae, dasa pāṇassa
egārasamīe se kappai egārasa dattīo bhoyaṇassa paḍigāhettae, egārasa
pāṇassa
7.1.p1.2
bārasamīe se kappai bārasa dattīo bhoyaṇassa paḍigāhettae, bārasa
pāṇassa
terasamīe se kappai terasa dattīo bhoyaṇassa paḍigāhettae, terasa pāṇassa
cauddasamīe se kappai coddasa dattīo bhoyaṇassa paḍigāhettae, coddasa
pāṇassa
pannarasamīe se kappai pannarasa dattīo bhoyaṇassa paḍigāhettae pannarasa
pāṇassa
bahulapakkhassa se pāḍivae kappati coddasa dattīo bhoyaṇassa paḍigāhettae,
cauddasa pāṇassa
savvehiṃ duppaya-jāva ṇo āhārejjā
vitiyāe, kappai terasa dattīo bhoyaṇassa paḍigāhettae,
terasa pāṇassa jāva-ṇo āhārejjā
tatiyāe kappai bārasa dattīo bhoyaṇassa paḍigāhettae,
bārasa pāṇassa jāva ṇo āhārejjā
cautthīe kappai ekkārasa dattīo bhoyaṇassa jāva ṇo āhārejjā
paṃcamīe kappai dasa dattīo bhoyaṇassa jāva ṇo āhārejjā
chaṭṭhīe kappai nava dattīo bhoyaṇassa jāva ṇo āhārejjā
sattamīe kappai aṭṭha dattīo bhoyaṇassa jāva ṇo āhārejjā
aṭṭhamīe kappai satta dattīo bhoyaṇassa jāva ṇo āhārejjā
navamīe kappai cha dattīo bhoyaṇassa jāva ṇo āhārejjā
dasamīe kappai paṃca dattīo bhoyaṇassa jāva ṇo āhārejjā
ekkārasīe kappai cau dattīo bhoyaṇassa jāva ṇo āhārejjā
bārasīe kappai ti dattīo bhoyaṇassa jāva ṇo āhārejjā
terasīe kappai do dattīo bhoyaṇassa jāva ṇo āhārejjā
caudasīe kappai egā dattī bhoyaṇassa jāva ṇo āhārejjā
āmāghāsāe se ya abhattaṭṭhe bhavai
evaṃ khalu esā javamajjhacaṃdapaḍimā ahāsuttaṃ, ahākappaṃ,
jāva aṇupāliyā bhavai
vajramadhya candra pratimā vidhānama
sūtra 3
vairamajjhaṃ ṇaṃ caṃdapaḍimaṃ paḍivannassa aṇagārassa māsaṃ vosaṭṭhakāe
7.1.p1.3
ciyattadehe je kei parisahovasaggā samuppajjaṃti, taṃ jahā—
divvā vā, māṇussagā vā, tirikkhajoṇiyā vā—
aṇulomā vā paḍilomā vā
tattha aṇulomā vā tāva vaṃdejjā vā namaṃsejjā vā
sakkārejjā vā sammāṇejjā vā,
kallāṇaṃ maṃglaṃ devayaṃ ceiyaṃ pajjuvāsejjā
tattha paḍilomā vā asayareṇaṃ daṃḍeṇa vā, aṭhṭhīe vā muṭṭhīe vā
jotteṇa vā, vetteṇa vā, kaseṇa vā
kāe āuṭṭejjā,
te savve uppanne sammaṃ sahejjā khamejjā,
taikkhejjā, ahiyāsejjā
sūtra 4
vairamajjaṃ ṇaṃ caṃdapaḍimaṃ paḍivannassa aṇagārassa
bahulapakkhassa pāḍivae kappai pannarasa dattoo bhoyaṇassa paḍigāhettae,
pannarasa pāṇagassa;
savvehi duppaya-cauppayāiehi āhārakaṃkhīhi jāva ṇo āhārejjā
bitiyāe se kappai cauddasa dattīo bhoyaṇassa cauddasa pāṇagassa
paḍigāhettae jāva ṇo āhārejjā
taiyāe kappai terasa dattīo bhoyaṇassa jāva ṇo āhārejjā
cautthīe kappai bārasa dattīo bhoyaṇassa jāva ṇo āhārejjā
paṃcamīe kappai egārasa dattīo bhoyaṇassa jāva ṇo āhārejjā
chaṭṭhīe kappai dasa dattīo bhoyaṇassa jāva ṇo āhārejjā
sattamīe kappai nava dattīo bhoyaṇassa jāva ṇo āhārejjā
aṭṭhamīe kappai aṭṭha dattīo bhoyaṇassa jāva ṇo āhārejjā
navamīe kappai satta dattīo bhoyaṇassa jāva ṇo āhārejjā
dasamīe kappai cha dattīo bhoyaṇassa jāva ṇo āhārejjā
egārasīe kappai paṃca dattīo bhoyaṇassa jāva ṇo āhārejjā
bārasīe kappai cau dattīo bhoyaṇassa jāva ṇo āhārejjā
terasīe kappai tinni dattīo bhoyaṇassa jāva ṇo āhārejjā
caudasīe kappai do dattīo bhoyaṇassa jāva ṇo āhārejjā
āmāvāsāe kappai egā dattī bhoyaṇassa paḍigāhettae jāva ṇo
āhārejjā
7.1.p1.4
sukkayapakkhassa pāḍivae se kappai do dattīo bhoyaṇassa jāva ṇo
āhārejjā
bitiyāe se kappai tinni dattīo bhoyaṇassa jāva ṇo āhārejjā
taiyāe se kappai cau dattīo bhoyaṇassa jāva ṇo āhārejjā
cautthīe se kappai paṃca dattīo bhoyaṇassa jāva ṇo āhārejjā
paṃcamīe se kappai cha dattīo bhoyaṇassa jāva ṇo āhārejjā
chaṭṭhīe se kappai satta dattīo bhoyaṇassa jāva ṇo āhārejjā
sattamīe se kappai aṭṭha dattīo bhoyaṇassa jāva ṇo āhārejjā
aṭṭhamīe se kappai nava dattīo bhoyaṇassa jāva ṇo āhārejjā
navamīe se kappai dasa dattīo bhoyaṇassa jāva ṇo āhārejjā
dasamīe se kappai egārasa dattīo bhoyaṇassa jāva ṇo āhārejjā
egārasīe se kappai bārasa dattīo bhoyaṇassa jāva ṇo āhārejjā
bārasīe se kappai terasa dattīo bhoyaṇassa jāva ṇo āhārejjā
terasīe se kappai cauddasa dattīo bhoyaṇassa jāva ṇo āhārejjā
cauddasīe se kappai pannarasa dattīo bhoyaṇassa jāva ṇo āhārejjā
puṇṇimāe abhattaṭṭhe bhavai
evaṃ khalu esā vairamajjhā caṃdapaḍimā ahāsuttaṃ ahākappaṃ
jāva aṇupāliyā bhavai
paṃcavidha-vyavahāra nirūpaṇam
sūtra 5
paṃcavihe vyavahāre paṇṇatte, taṃ jahā1 āgame, 2 sue, 3 āṇā, 4 dhāraṇā, 5 jīe
[jahā se tattha āgame siyā, āgameṇaṃ vavahāraṃ paṭṭhavejjā
no se tattha āgame siyā, jahā se tattha sue siyāsueṇaṃ vavahāraṃ paṭṭhavejjā
no se tattha sue siyā jahā se tattha āṇā siyā,
āṇāe vavahāraṃ paṭṭhavejjā
no se tattha āṇā siyā, jahā se tattha dhāraṇā siyā,
dhāraṇāe vavahāraṃ paṭṭhavejjā
no se tattha dhāraṇā siyā, jahā se tattha jīe siyā,
jīeṇaṃ vavahāraṃ paṭṭhavejjā
7.1.p1.5
eehiṃ paṃcahiṃ vavahārehiṃ vavahāraṃ paṭṭhavejjā | taṃ jahāāgameṇaṃ, sueṇaṃ, āṇāe, dhāraṇāe, jīeṇaṃ
jahā jahā āgame, sue, āṇā, dhāraṇā, jīe
tahā tahā vavahāraṃ paṭṭhavejjā
se kimāhu bhaṃte ! ?
āgamabaliyā samaṇā niggaṃthā
icceyaṃ paṃcavihaṃ vavahāraṃ jayā jayā, jahiṃ jahiṃ,
tahā tahā tahiṃ tahiṃ
aṇissiovassiyaṃ vavahāraṃ vavahāremāṇe samaṇe ṇiggaṃthe āṇāe ārāhae
bhavai |]1
vyavahāra prakṛtaṃ samāptam
7.1.p2
vyavahāra sūtra samāpta