Vyavaharasutra (Vyavahārasūtra)

व्यवहारसूत्र

one of the six canonical texts of Jaina philosophy, in 10 Uddeśakas.

Language: Prakrit
Date: 300 BCE – 800 CE
Author: Amolaka Ṛṣi
Extent: 234 passages, 8,048 words
Text: partly digitised
Source: archiveorg · Chaidsuttani Vavhar Suttam; ed. Muni Kanhaiyalal Kamal; Agam Anuyog Prakashan; Agam Anuyog Prakashan; 1980 · Scan of a printed edition hosted by the Internet Archive (archive.org); the ancient text is in the public…

2 — 28 parts
3 — 29 parts
4 — 27 parts
5 — 5 parts
6 — 6 parts
7 — 1 part

Text

2.2

sūtra 2
je bhikkhū do-māsiyaṃ parihāraṭṭhāṇaṃ paḍisevittā āloejjā,
apaliuṃciya āloemāṇassa domāsiyaṃ,
paliuṃciya āloemāṇassa temāsiyaṃ

2.3

sūtra 3
je bhikkhū te māsiyaṃ parihāraṭṭhāṇaṃ paḍisevittā āloejjā,
apaliuṃciya āloemāṇassa temāsiyaṃ,
paliuṃciya āloemāṇassa cāummāsiyaṃ

2.4

sūtra 4
je bhikkhū cāummāsiyaṃ parihāraṭṭhāṇaṃ paḍisevittā āloejjā,
apaliuṃciya āloemāṇassa cāummāsiyaṃ,
paliuṃciya āloemāṇassa paṃcamāsiyaṃ

2.5

sūtra 5
je bhikkhū paṃcamāsiyaṃ parihāraṭṭhāṇaṃ paḍisevittā āloejjā,
apaliuṃciya āloemāṇassa paṃcamāsiyaṃ,
paliuṃciya āloemāṇassa chammāsiyaṃ
teṇa paraṃ paliuṃciya vā apaliuṃciya vā ceva chammāsā

2.6

sūtra 6
je bhikkhū bahuso vi māsirya parihāraṭṭhāṇaṃ paḍisevittā āloejjā,
apaliuṃciya āloemāṇassa māsiyaṃ,
paliuṃciya āloemāṇassa domāsiyaṃ

2.7

sūtra 7
je bhikkhū bahuso vi do-māsiyaṃ parihāraṭṭhāṇaṃ paḍisevittā āloejjā,
apaliuṃciya āloemāṇassa do māsiyaṃ,
paliuṃciya āloemāṇassa te māsiyaṃ

2.8

sūtra 8
je bhikkhū bahuso vi te-māsiyaṃ parihāraṭṭhāṇaṃ paḍisevittā āloejjā,
apaliuṃciya āloemāṇassa temāsiyaṃ,
paliuṃciya āloemāṇassa cāummāsiyaṃ

2.6-2

sūtra 6
je bhikkhū bahuso vi cāummāsiyaṃ parihāraṭṭhāṇaṃ paḍisevittā āloejjā,
apaliuṃciya āloemāṇassa cāummāsiyaṃ,
paliuṃciya āloemāṇassa paṃcamāsiyaṃ

sūtra 10
je bhikkhū bahuso vi paṃcamāsiyaṃ parihāraṭṭhāṇaṃ paḍisevittā āloejjā,
apaliuṃciya āloemāṇassa paṃcamāsiyaṃ,
paliuṃciya āloemāṇassa chammāsiyaṃ
teṇa paraṃ paliuṃcie vā apaliuṃcie vā te ceva chammāsā

2.11

sūtra 11
je bhikkhū māsiyaṃ vā, do māsiyaṃ vā, te māsiyaṃ vā, cāummāsiyaṃ vā,
paṃcamāsiyaṃ vā
eesiṃ parihāraṭṭhāṇāṇaṃ aṇṇayaraṃ parihāraṭṭhāṇaṃ paḍisevittā āloejjā,
apaliuṃciya āloemāṇassa māsiyaṃ vā, domāsiyaṃ vā, temāsiyaṃ vā,
cāummāsiyaṃ vā, paṃcamāsiyaṃ vā
paliuṃciya āloemāṇassa domāsiyaṃ vā, temāsiyaṃ vā, cāummāsiyaṃ
vā, paṃcamāsiyaṃ vā, chammāsiyaṃ vā
teṇa paraṃ paliuṃcie vā apaliuṃcie vā te ceva chammāsā

2.12

sūtra 12
je bhikkhū bahuso vi māsiyaṃ vā, bahuso vi domāsiyaṃ vā, bahuso vi
te māsiyaṃ vā, bahuso vi cāummāsiyaṃ vā, bahuso vi paṃcamāsiyaṃ vā
eesiṃ parihāra-ṭṭhāṇāṇaṃ annayaraṃ parihāra-ṭṭhāṇaṃ paḍisevittā āloejjā,
apaliuṃciya āloemāṇassa māsiyaṃ vā, do māsiyaṃ vā, te māsiyaṃ vā,
cāummāsiyaṃ vā, paṃcamāsiyaṃ vā
paliuṃciya āloemāṇassa do māsiyaṃ vā, te māsiyaṃ vā, cāummāsiyaṃ vā
paṃcamāsiyaṃ vā, chammāsiyaṃ vā
teṇa paraṃ paliuṃcie vā apaliuṃcie vā te ceva chammāsā

2.13

sūtra 13
je bhikkhū cāummāsiyaṃ vā, sāirega-cāummāsiyaṃ vā
paṃca-māsiyaṃ vā, sāirega-paṃcamāsiyaṃ vā
eesiṃ parihāra-ṭṭhāṇāṇaṃ annayaraṃ parihāra-ṭṭhāṇaṃ paḍisevittā āloejjā,
apaliuṃciya āloemāṇassa cāummāsiyaṃ vā, sāirega-cāummāsiyaṃ vā
paṃcamāsiyaṃ vā, sāirega-paṃcamāsiyaṃ vā;
paliuṃciya āloemāṇassa paṃcamāsiyaṃ vā, sāirega-paṃcamāsiyaṃ vā,
chammāsiyaṃ vā
teṇa paraṃ paliuṃcie vā apaliuṃcie vā te ceva chammāsā

2.14

je bhikkhū bahuso vi cāummāsiyaṃ vā, bahuso vi sāirega-cāummāsiyaṃ vā
bahuso vi paṃcamāsiyaṃ vā, bahuso vi sāirega-paṃcamāsiyaṃ vā
eeṃsi parihāraṭṭhāṇāṇaṃ aṇṇayaraṃ parihāraṭṭhāṇaṃ paḍisevittā āloejjā,
apaliuṃciya āloemāṇassa cāummāsiyaṃ vā, sāirega-cāummāsiyaṃ vā,
paṃcamāsiyaṃ vā, sāirega-paṃcamāsiyaṃ vā
paliuṃcie āloemāṇassa paṃcamāsiyaṃ vā, sāirega-paṃcamāsiyaṃ vā
chammāsiyaṃ vā
teṇa paraṃ paliuṃcie vā apaliuṃcie vā te ceva chammāsā

2.15

sūtra 15
je bhikkhū cāummāsiyaṃ vā, sāirega-cāummāsiyaṃ vāṃ,
paṃcamāsiyaṃ vā, sāirega-paṃcamāsiyaṃ vā,
'eesi parihāraṭṭhāṇāṇaṃ aṇṇayaraṃ parihāraṭṭhāṇaṃ paḍisevittā āloejjā,
apaliuṃciya āloemāṇe ṭhavaṇijjaṃ ṭhavaittā | karaṇijjaṃ veyāvaḍiyaṃ;
ṭhāvie vi paḍisevittā, se vi kasiṇe tattheva āruheyavve siyā
1 puvviṃ paḍiseviyaṃ puvvi āloiyaṃ,
2 puvviṃ paḍiseviyaṃ pacchā āloiyaṃ,
3 pacchā paḍiseviyaṃ puvvi āloiyaṃ
4 pacchā paḍiseviyaṃ pacchā āloiyaṃ
1 apaliuṃcie apaliuṃciyaṃ
2 apaliuṃcie paliuṃciyaṃ
3 paliuṃcie apaliuṃciyaṃ
4 paliuṃcie paliuṃciyaṃ
apaliuṃcie apaliuṃciyaṃ āloemāṇassa savvameyaṃ sakayaṃ sāhaṇiyaṃ;
je eyāe paṭṭhavaṇāe paṭṭhavie nivvisamāṇe paḍisevei,
se vi kasiṇe tattheva āruheyavve siyā

2.17

sūtra 17
je bhikkhū bahuso vi cāummāsiyaṃ vā, bahuso vi sāirega-cāummāsiyaṃ vā
bahuso vi paṃcamāsiyaṃ vā, bahuso vi sāirega-paṃcamāsiyaṃ vā
eesiṃ parihāraṭṭhāṇāṇaṃ annayaraṃ parihāraṭṭhāṇaṃ paḍisevittā āloejjā,
apaliuṃciya āloemāṇe ṭhavaṇijjaṃ ṭhavaittā karaṇijjaṃ veyāvaḍiyaṃ
ṭhāvie vi paḍisevittā se vi kasiṇe tattheva āruheyavve siyā
1 puvvaṃ paḍiseviyaṃ puvvaṃ āloiyaṃ
2 puvvaṃ paḍiseviyaṃ pacchā āloiyaṃ
3 pacchā paḍiseviyaṃ puvvaṃ āloiyaṃ
4 pacchā paḍiseviyaṃ pacchā āloiyaṃ
1 apaliuṃcie apaliuṃciyaṃ
2 apaliuṃcie paliuṃciyaṃ
3 paliuṃcie apaliuṃciyaṃ
4 paliuṃcie paliuṃciyaṃ
apaliuṃcie apaliuṃciyaṃ āloemāṇassa savvameyaṃ sakayaṃ sāhaṇiya,
je eyāe paṭṭhavaṇāe paṭṭhavie nivvisamāṇe paḍisevei
se vi kasiṇe tattheva āruheyavve siyā

2.16

sūtra 16
bahave pārihāriyā bahave apārihāriyā—
icchejjā egayao abhinisejjaṃ vā abhinisīhiyaṃ vā ceittae,
no se kappai there aṇāpucchittā egayao abhinisejjaṃ vā abhinisīhiyaṃ vā
ceittae
kappai ṇaṃ there āpucchittā egayao abhinisejjaṃ vā abhinisīhiyaṃ vā
ceittae
therā ya ṇaṃ se viyarejjā,
evaṃ ṇaṃ kappai egayao abhinisejjaṃ vā abhinisīhiyaṃ vā ceittae
therā ya ṇaṃ se no viyarejjā,
evaṃ ṇaṃ no kappai egayao abhinisejjaṃ vā abhinisīhiyaṃ vā ceittae
jo ṇaṃ therehiṃ aviddiṇṇe' abhinisejjaṃ vā abhinisīhiyaṃ vā ceie,
se saṃtarāchee vā parihāre vā

2.23

ekākīvihāra-pratimā-prāyaścitta-prakṛtamsūtra 23
je bhikkhū gaṇāo avakkamma egallavihārapaḍimaṃ upasaṃpajjittāṇaṃ
viharejjā,
se ya icchejjā doccaṃ pi tameva gaṇaṃ upasaṃpajjittāṇaṃ viharittae
puṇo āloejjā, puṇo paḍikkamejjā,
puṇo cheyaparihārassa uvaṭṭhāejjā

2.24

sūtra 24
gaṇāvaccheie ya gaṇāo avakkamma egallavihārapaḍimaṃ uvasaṃpajjittāṇaṃ
viharejjā,
se ya icchejjā doccaṃ pi tameva gaṇaṃ upasaṃpajjittāṇaṃ viharittae,
puṇo āloejjā, puṇo paḍikkamejjā,
puṇo cheyaparihārassa uvaṭṭhāejjā

2.25

sūtra 25
āyariya-uvajjhāe ya gaṇāo avakkamma egallavihārapaḍimaṃ uvasaṃpajjittāṇaṃ viharejjā,
se ya icchejjā doccaṃ pi tameva gaṇaṃ upasaṃpajjittāṇaṃ viharittae,
puṇo āloejjā, puṇo paḍikkamejjā,
puṇo cheya-parihārassa uvaṭṭhāejjā

2.26

sūtra 26
bhikkhū ya gaṇāo avakkamma
pāsatthavihārapaḍimaṃ uvasaṃpajjittāṇaṃ viharejjā,
se ya icchejjā doccaṃ pi tameva gaṇaṃ upasaṃpajjittāṇaṃ viharittae,
atthi yā ittha sese,
puṇo āloejjā, puṇo paḍikkamejjā,
puṇo cheyaparihārassa uvaṭṭhāejjā

2.27

sūtra 27
bhikkhū ya gaṇāo avakkamma
ahāchaṃdavihāra-paḍimaṃ upasaṃpajjittāṇaṃ viharejjā,
se ya icchejjā doccaṃ pi tameva gaṇaṃ uvasaṃpajjittāṇaṃ viharittae,
atthi yā ittha sese,
puṇo āloejjā, puṇo paḍikkamejjā,
puṇo cheyaparihārassa uvaṭṭhāejjā

2.21

sūtra 21
parihāra kappaṭṭhie bhikkhū bahiyā therāṇaṃ veyāvaḍiyāe gacchejjā,
therā ya se no sarejjā
kappai se nivvisamāṇassa egarāiyāe paḍimāe
jaṃ ṇaṃ jaṃ ṇaṃ disiṃ anne sāhammiyā viharaṃti
taṃ ṇaṃ taṃ ṇaṃ disiṃ uvalittae
no se kappai tattha vihāravattiyaṃ vatthae
kappai se tattha kāraṇavattiyaṃ vatthae
taṃsi ca ṇaṃ kāraṇaṃsi niṭṭhiyaṃsi paro vaejjā :—
"vasāhi ajjo ! egarāyaṃ vā durāyaṃ vā |"
evaṃ se kappai egarāyaṃ vā durāyaṃ vā vatthae
no se kappai paraṃ egarāyāo vā durāyāo vā vatthae
je tattha paraṃ egarāyāo vā durāyāo vā vasai,
se saṃtarā chee vā parihāre vā

2.28

kuśīlavihāra-pratimāprāyaścittam—
sūtra 28
bhikkhū ya gaṇāo avakkamma
kusīlavihārapaḍimaṃ uvasaṃpajjittāṇaṃ viharejjā,
se ya icchejjā doccaṃ pi tameva gaṇaṃ uvasaṃpajjittāṇaṃ viharittae,
atthi yāṃ ittha sese,
puṇo āloejjā, puṇo paḍikkamejjā,
puṇo cheyaparihārassa uvaṭṭhāejjā

2.26-2

avasannavihāra-pratimāprāyaścittam—
sūtra 26
bhikkhū ya gaṇāo avakkamma
osannavihārapaḍimaṃ upasaṃpajjittāṇaṃ viharejjā,
se ya icchejjā doccaṃ pi tameva gaṇaṃ upasaṃpajjittāṇaṃ viharittae,
atthiyā ittha sese,
puṇo āloejjā, puṇo paḍikkamejjā,
puṇo cheya parihārassa uvaṭṭhāejjā

2.30

saṃsattavihāra-pratimāprāyaścittamsūtra 30
bhikkhū ya gaṇāo avakkamma
saṃsattavihārapaḍimaṃ uvasaṃpajjittāṇaṃ viharejjā,
se ya icchejjā doccaṃpi tameva gaṇaṃ upasaṃpajjittāṇaṃ viharittae,
atthi yā ittha sese,
puṇo āloejjā, puṇo paḍikkamejjā,
puṇo cheyaparihārassa uvaṭṭhāejjā

2.31

parapāṣaṇḍavihāra-pratimāprāyaścittamsūtra 31
bhikkhū ya gaṇāo avavakamma
parapāsaṃḍapaḍimaṃ upasaṃpajjittāṇaṃ viharejjā,
(paraliṃgaṃ ca genhejjā),
se ya icchejjā doccaṃ pi tameva gaṇaṃ upasaṃpajjittāṇaṃ viharittae,
natthi ṇaṃ tassa tappattiyaṃ kei chee vā, parihāre vā
nannattha egāe āloyaṇāe

2.32

gaṇādapakramya gṛhībhūya punarāgatasya prāyaścittam—
sūtra 32
bhikkhū ya gaṇāo avakkamma ohāvejjā,
se ya icchejjā doccaṃ pi tameva gaṇaṃ upasaṃpajjittāṇaṃ viharittae,
natthi ṇaṃ tassa tappattiyaṃ kei chee vā, parihāre vā
mannattha egāe seho vaṭṭhāvaṇiyāe

2.33

akṛtyasthānapratisevinaḥ prāyaścittam—
sūtra 33
bhikkhū ya annayaraṃ akiccaṭhāṇaṃ paḍisevittā' icchejjā āloettae,
jattheva appaṇo āyariya-uvajjhāe pāsejjā
tassaṃtiyaṃ āloejjā paḍikkamejjā
niṃdejjā, garahejjā
viuṭṭejjā, visohejjā
akaraṇayāe abbhuṭṭhe jjā, ahārihaṃ tavokammaṃ pāyacchittaṃ paḍivajjejjā,
no ceva appaṇo āyariya-uvajjhāe pāsejjā,
jattheva saṃbhoiyaṃ sāhammiyaṃ pāsejjā—
bahussuyaṃ vambhāgamaṃ,
tassaṃtiyaṃ āloejjā jāva—paḍivajjejjā
no ceva saṃbhoiyaṃ sāhammiyaṃ,
jattheva asaṃbhoiyaṃ sāhammiyaṃ pāsejjā—
bahussuyaṃ vavbhāgamaṃ,
tassaṃtiyaṃ āloejjā jāva-paḍivajjejjā
no ceva annasaṃbhoiyaṃ',
jattheva sārūviyaṃ pāsejjā bahussuyaṃ vavbhāgamaṃ,
tassaṃtiyaṃ āloejjā jāva-paḍivajjejjā
no ceva ṇaṃ sārūviyaṃ pāsejjā bahussuyaṃ vavbhāgamaṃ,
jattheva samaṇovāsagaṃ pacchākaḍaṃ pāsejjābahussuyaṃ vavbhāgamaṃ,
kappai se tassaṃtie āloettae vā paḍikkamettae vā
jāva pāyacchittaṃ paḍivajjettae vā
no ceva ṇaṃ samaṇovāsagaṃ pacchākaḍaṃ pāsejjābahussuyaṃ vavbhāgamaṃ,
jattheva sammaṃ bhāviyāiṃ ceiyāiṃ pāsejjā,
kappai se tassaṃtie āloettae vā paḍikkamettae vā
jāva-pāyacchittaṃ paḍivajjettae vā
no ceva sammaṃ bhāviyāiṃ ceiyāiṃ pāsejjā,
vahiyā gāmassa vā, nagarassa vā
nigamassa vā, rāyahāṇīe vā
kheḍassa vā, kavbaḍassa vā, maṃḍabassa vā
paṭṭaṇassa vā, doṇamuhassa vā, āsamassa vā
saṃvāhassa vā, sannivesassa vā
pāīṇābhimuhe vā, udīṇābhimuhe vā
karayala pariggahiyaṃ sirasāvattaṃ matthae aṃjaṃli kaṭṭu
evaṃ vaejjā"evaiyā me avarāhā, evai-kkhutto ahaṃ avaraddho,"
arihaṃtāṇaṃ siddhāṇaṃ aṃtie āloejjā,
jāva-paḍivajjajjāsi-ttivemi

3.1

paḍhamo uddesao samatto
biio uddesao
sahaviharatāmakṛtyapratisevināṃ prāyaścittamsūtra 1
do sāhammiyā egayao viharaṃti,
ege tattha annayaraṃ akiccaṭṭhāṇaṃ paḍisevittā āloejjā,
ṭhavaṇijjaṃ ṭhāvaittā karaṇijjaṃ veyāvaḍiyaṃ

3.2

sūtra 2
do sāhammiyā egayao viharaṃti,
do vi te annayaraṃ akiccaṭṭhāṇaṃ paḍisevittā āloejjā,
egaṃ tattha kappāgaṃ ṭhāvaittā ege nivvisejjā,
aha pacchā se vi nivvisejjā

3.3

sūtra 3
bahave sāhammiyā egayao viharaṃti,
ege tattha annayaraṃ akiccaṭṭhāṇaṃ paḍisevittā āloejjā,
tattha ṭhavaṇijjaṃ ṭhāvaittā karaṇijjaṃ veyāvaḍiyaṃ

3.4

sūtra 4
bahave sāhammiyā egayao viharaṃti,
savve vi annayaraṃ akiccaṭṭhāṇaṃ paḍisevittā āloejjā,
egaṃ tattha kappāgaṃ ṭhāvaittā avasesā nivvisejjā,
aha pacchā se vi nivvisejjā

3.5

glānaparihārakalpasthasyākṛtya-pratisevinaḥ prāyaścittamsūtra 5
parihāra-kappaṭṭhie bhikkhū gilāemāṇe annayaraṃ akiccaṭṭhāṇaṃ paḍisevittā
āloejjā,
se ya saṃtharejjā ṭhavaṇijjaṃ ṭhāvaittā karaṇijjaṃ veyāvaḍiyaṃ
se ya no saṃtharejjā aṇupārihārieṇaṃ karaṇijjaṃ veyāvaḍiyaṃ
seya saṃte bale aṇupārihārieṇaṃ kīramāṇaṃ veyāvaḍiyaṃ sāijjejjā,
se vi kasiṇe tattheva āruheyavve siyā

3.6

sūtra 6
parihāra-kappaṭṭhiyaṃ bhikkhuṃ gilāyamāṇaṃ'
no kappai tassa gaṇāvaccheiyassa nijjūhittae
agilāe tassa karaṇijjaṃ veyāvaḍiyaṃ jāvatao rogāyaṃkāo vippamukko
tao pacchā tassa ahālahusae nāmaṃ vavahāre paṭṭhaviyavve siyā

3.7

samāgata-anavasthāpya-glānasya niṣkāsana-niṣedhaḥsūtra 7
aṇavaṭṭhappaṃ bhikkhuṃ gilāyamāṇaṃ
no kappai tassa gaṇāvaccheiyassa nijjūhittae
agilāe tassa karaṇijjaṃ veyāvaḍiyaṃ jāva
tao rogāyaṃkāo vippamukko,
tao pacchā tassa ahālahusae nāmaṃ vyavahāre pahuviyavve siyā

3.6-2

samāgata-pārāñcitaglānasya niṣkāsana niṣedhaḥsūtra 8
pāraṃciyaṃ bhikkhuṃ gilāyamāṇaṃ
no kappai tassa gaṇāvaccheiyassa nijjūhittae
agilāe tassa karaṇijjaṃ veyāvaḍiyaṃ jāva
tao rogāyaṃkāo vippamukko,
tao pacchā tassa ahālahusae nāmaṃ vyavahāre pahuviyavve siyā
kṣipta-cittādīnāṃ niṣkāsana-niṣedhaḥ
sūtra 6
khittacittaṃ bhikkhuṃ gilāyamāṇaṃ
no kappai tassa gaṇāvaccheiyassa nijjūhittae
agilāe tassa karaṇijjaṃ veyāvaḍiyaṃ jāva
tao rogāyaṃkāo vippamukko
tao pacchā tassa ahālahusae nāmaṃ vyavahāre pahuviyavve siyā

3.10

sūtra 10
dittacittaṃ bhikkhuṃ gilāyamāṇaṃ
no kappai tassa gaṇāvaccheiyassa nijjūhittae
agilāe tassa karaṇijjaṃ veyāvaḍiyaṃ
jāva tao rogāyaṃkāo vippamukko
tao pacchā tassa ahālahusae nāmaṃ vyavahāre paṭṭhaviyavve siyā

3.11

sūtra 11
jakkhāiṭṭhaṃ1 bhikkhuṃ gilāyamāṇaṃ
no kappai tassa gaṇāvaccheiyassa nijjūhittae
agilāe tassa karaṇijjaṃ veyāvaḍiyaṃ
jāva tao rogāyaṃkāo vippamukko
tao pacchā tassa ahālahusae nāmaṃ vyavahāre paṭṭhaviyavve siyā

3.12

sūtra 12
ummāyapattaṃ 1 bhikkhu gilāyamāṇaṃ
no kappai tassa gaṇāvaccheiyassa nijjūhittae
agilāe tassa karaṇijjaṃ veyāvaḍiyaṃ
jāva tao rogāyaṃ kāo vippamukko
tao pacchā tassa ahālahusae nāmaṃ vyavahāre paṭṭhaviyavve siyā

3.13

sūtra 13
uvasaggapattaṃ bhikkhu gilāyamāṇaṃ
no kappai tassa gaṇāvaccheiyassa nijjūhittae
agilāe tassa karaṇijjaṃ veyāvaḍiyaṃ
jāva tao rogāyaṃ kāo vippamuk‍ko
tao pacchā tassa ahālahusae nāmaṃ vyavahāre paṭṭhaviyavve siyā

3.14

sūtra 14
sāhigaraṇaṃ bhikkhu gilāyamāṇaṃ
no kappai tassa gaṇāvaccheiyassa nijjūhittae
agilāe tassa karaṇijjaṃ veyāvaḍiyaṃ
jāva tao rogāyaṃ kāo vippamuk‍ko
tao pacchā tassa ahālahusae nāmaṃ vyavahāre paṭṭhaviyavve siyā

3.15

sūtra 15
sapāyacchittaṃ bhikkhuṃ gilāyamāṇaṃ
no kappai tassa gaṇāvaccheiyassa nijjūhittae
agilāe tassa karaṇijjaṃ veyāvaḍiyaṃ
jāva tao rogāyaṃ kāo vippamukko
tao pacchā tassa ahālahusae nāmaṃ vyavahāre paṭṭhaviyavve siyā

3.16

sūtra 16
bhattapāṇapaḍiyāiviyattaṃ bhikkhuṃ gilāyamāṇaṃ
no kappai tassa gaṇāvaccheiyassa nijjūhittae
agilāe tassa karaṇijjaṃ veyāvaḍiyaṃ
jāva tao rogāyaṃ kāo vippamukko
tao pacchā tassa ahālahusae nāmaṃ vyavahāre paṭṭhaviyavve siyā

3.17

sūtra 17
aṭṭhajāyaṃ bhikkhuṃ gilāyamāṇaṃ
no kappai tassa gaṇāvaccheiyassa nijjūhittae
agilāe tassa karaṇijjaṃ veyāvaḍiyaṃ
jāva tao rogāyaṃkāo vippamukko '
tao pacchā tassa ahālahusae nāmaṃ vavahāre paṭṭhaviyavve siyā

3.18

anavasthāpyapārāñcitayoḥ punarupasthāpanavidhiḥ
sūtra 18
aṇavaṭṭhappaṃ bhikkhu agihieyaṃ
no kappai tassa gaṇāvaccheiyassa uvaṭṭhavittae

3.16-2

sūtra 16
aṇavaṭṭhappaṃ bhikkhu gihibhūyaṃ
kappai tassa gaṇāvaccheiyassa uvaṭṭhṭhāvettae

3.21

sūtra 20
pāraṃciyaṃ bhikkhu agihibhūyaṃ
no kappai tassa gaṇāvaccheiyassa uvaṭṭhāvettae
sūtra 21
pāraṃciyaṃ bhikkhu gihibhūyaṃ
kappai tassa gaṇāvaccheiyassa uvaṭṭhāvettae

3.22

sūtra 22
aṇavaṭṭhappaṃ bhikkhu agihibhūyaṃ vā gihibhūyaṃ vā,
kappai tassa gaṇāvaccheiyassa uvaṭṭhāvettae,
jahā tassa gaṇassa pattiyaṃ siyā

3.23

sūtra 23
pāraṃciyaṃ bhikkhu agihibhūyaṃ 1 vā gihibhūyaṃ vā
kappai tassa gaṇāvaccheiyassa uvaṭṭhāvettae,
jahā tassa gaṇassa pattiyaṃ siyā

3.24

sūtra 24
do sāhammigā egayao viharaṃti,
ege tattha annayaraṃ akiccaṭṭhāṇaṃ paḍisevittā āloejjā,
'ahaṃ ṇaṃ bhaṃte ! amugeṇaṃ sāhuṇā saddhiṃ imammi kāraṇammi mehuṇapaḍisevī |'
paccayaheṃuṃ ca sayaṃ paḍiseviyaṃ bhaṇati
se 2 tattha pucchiyavve--'kiṃ paḍisevī, apaḍisevī ?'
se ya vaejjā-- 'paḍisevī',
parihārapatte
se ya vaejjā-- 'no paḍisevī'
no parihāra patte
jaṃ se pamāṇaṃ vayai se pamāṇao gheyavve
se kimāhu bhaṃte !
saccapainnā vyavahārā

3.25

sūtra 25
bhikkhū a gaṇāo avakkamma ohāṇuppehī1 vavvijjijjā,
se2 ya aṇohāie icchejjā doccaṃ pi tameva gaṇaṃ uvasaṃpajjittāṇaṃ
viharittae,
tattha ṇaṃ therāṇaṃ imeyārūve vivāe samuppajjitthā—
'imaṃ bho ! jāṇaha kiṃ paḍisevī, apaḍisevī ?'
se ya pucchiyavve—'kiṃ paḍisevī, apaḍisevī ?'
se ya vaejjā—'paḍisevī', parihārapatte
se ya vaejjā—'no paḍisevī', no parihārapatte
jaṃ se pamāṇaṃ vayai se pamāṇao gheyavve3
se kimāhu bhaṃte !
saccapainnā vyavahārā

3.26

ācāryādau jīvite mṛte vā tatpadapradānavidhānam—
sūtra 26
egapakkhiyassa bhikkhussa
kappai āyariya—uvajjhāyāṇaṃ ittariyaṃ disaṃ vā,
aṇudisaṃ vā, uddisittae vā dhārettae vā,
jahā vā tassa gaṇassa pattiyaṃ siyā

3.27

pārihārika'pārihārika-saṃbhogavidhānam
sūtra 27
vahave pārihāriyā bahave aparihāriyā
icchejjā egayao 1
egamāsaṃ 2 vā, dumāsaṃ vā, timāsaṃ vā,
cāumāsaṃ vā, paṃcamāsaṃ vā, chammāsaṃ vā vatthae
te annamannaṃ saṃbhuṃjaṃti annamannaṃ no saṃbhuṃjaṃti 3
māsaṃte tao pacchā savve vi egayao saṃbhuṃjaṃti

3.28

parihārakalpasthitāyā'śanādipradāna-vidhānamsūtra 28
parihāra-kappaṭṭhiyassa bhikkhussa no kappai
asamaṃ vā, pāṇaṃ vā, khāimaṃ vā sāimaṃ vā
dāuṃ vā aṇuppadāuṃ vā
therā ya ṇaṃ vaejjā—“imaṃ tā1 ajjo ! tumaṃ eesiṃ dehi vā,
aṇuppadehi vā",
evaṃ se kappai dāuṃ vā, aṇuppadāuṃ vā
kappai se levaṃ aṇujāṇāvettae“aṇujāṇaha bhaṃte2 ! levāe"
evaṃ se kappai levaṃ aṇujāṇāvettae3

3.3-2

pārihārikapātre'pārihārikasyabhojana-niṣedhaḥ
sūtra 26
parikāra-kappaṭṭhie bhikkhū saeṇaṃ paḍiggaheṇaṃ
vahiyā appāṇaṃ 1 therāṇaṃ veyāvaḍiyāe gacchejjā,
therā ya ṇaṃ vadeṃjjā-"paḍiggāhehi2 ajjo ! ahaṃ pi bhokkhāmi vā
pāhāni vā",
evaṃ se kappai paḍiggāhettae

3.26-2

tattha no kappai apārihārieṇaṃ pārihāriyassa paḍiggahaṃsi asaṇaṃ vā pāṇaṃ vā
khāimaṃ vā sāimaṃ vā bhottae vā pāyae vā
kappai se saya̍si vā paḍiggahaṃsi
sayaṃrsi vā palāsagaṃsi
sayaṃrsi4 vā kamaṇḍalargasi
sayaṃrsi vā khubbhagaṃsi
saya̍si vā pāṇiṃsi
uddhaṭṭu-uddhaṭṭu bhottae vā pāyae vā
esa kappo apārihāriyassa pārihāriyāo

3.30

sūtra 30
parihārakappaṭṭhie bhikkhū therāṇaṃ paḍiggaheṇaṃ vahiyā therāṇaṃ veyāvaḍiyāe
gacchejjā,
therā ya ṇaṃ vaejjā-“paḍiggāhehi ajjo ! tumaṃpi pacchā bhokkhasi vā
pāhisi vā”,
evaṃ se kappai paḍiggāhettae
tattha no kappai pārihārieṇaṃ apārihāriyassa paḍiggahaṃsi asaṇaṃ vā pāṇaṃ vā
khāimaṃ vā sāimaṃ vā bhottae vā pāyae vā
kappai se sayaṃsi vā paḍiggahaṃsi
sayaṃsi vā palāsagaṃsi
sayaṃsi vā kamaṇḍalagaṃsi
sayaṃsi vā khubbhagaṃsi
sayaṃsi vā pāṇisi
uddhaṭṭu-uddhaṭṭu bhottae vā pāyae vā
esa kappo pārihāriyassa apārihāriyāo
tti bemi

4.1

taio uddesao
bhikṣorgaṇadhāraṇavidhānam
sūtra 1
praśna—bhikkhū ya icchejjā gaṇaṃ dhārettae,
bhagavaṃ ! ca se apalicchanne ?
uttara—evaṃ no se kappai gaṇaṃ dhārittae
praśna—bhagavaṃ ! ca se palicchanne ?
uttara—evaṃ se kappai gaṇaṃ dhārettae

4.2

sūtra 2
bhikkhū ya icchejjā gaṇaṃ dhārettae,
no se kappai there aṇāpucchittā gaṇaṃ dhārettae
kappai se there āpucchittā gaṇaṃ dhārettae
therā ya se viyarejjā,
evaṃ se kappai gaṇaṃ dhārettae
therāya se no viyarejjā,
evaṃ se no kappai gaṇaṃ dhārettae
jaṃ ṇaṃ therehiṃ aviiṇṇaṃ gaṇaṃ dhārejjā
se santarā cheo vā parihāro vā
sāhammiyā uṭṭhāe viharaṃti natthi ṇaṃ tesi kei
cheo vā parihāro vā

4.3

sūtra 3
tivāsapariyāe samaṇe niggaṃtheāyārakusale saṃjamakusale, pavayaṇakusale
paṇṇattikusale, saṃgrahakusale, uvaggahakusale,
akkhayāyāre1 abhinnāyāre asavalāyāre
asaṃkiliṭṭhāyāracitte2,
bahussue, vambhāme,
jahaṇṇeṇaṃ āyārakappa-dhare,
kappai uvajjhāyattāe uddisittae

4.4

upādhyāyapadānarhatāvidhānam
sūtra 4
sacveva ṇaṃ se tivāsa pariyāe samaṇe niggaṃtheno āyārakusale, nosaṃjamakusale, no pavayaṇakusale,
no paṇṇattikusale, no saṃgahakusale, no uvaggahakusale,
khayāyāre, bhinnāyāre savalāyāre
saṃkiliṭṭhāyāracitte, appasue, appāgame
no kappai uvajjhāyattāe uddisittae

4.5

ācāryādipadārhatā'narhatāvidhānam
sūtra 5
paṃcavāsa pariyāe samaṇe ṇiggaṃtheāyārakusale, saṃjamakusale, pavayaṇakusale,
paṇṇatti-kusale, saṃgahakusale, uvaggahakusale
akkhayāyāre, abhinnāyāre, asabalāyāre
asaṃkiliṭṭhāyāracitte, bahussue, bahvāgame
jahaṇṇeṇaṃ dasa-kappa-vavahāradhare
kappai āyariya-uvajjhāyattāe uddisittae

4.6

sacceva ṇaṃ se paṃcavāsapariyāe samaṇe niggaṃtheno āyāra-kusale, no saṃjamakusale, nopavaya ṇakusale,
no paṇṇatti-kusale, no saṃgaha-kusale, no uvaggahakusale,
khayāyāre, bhinnāyāre, sabalāyāre
saṃkiliṭṭhāyāracitte, appasue, appāgame
no kappai āyariya-uvajjhāyattāe uddisittae

4.6.p1

aṭṭhavāsa-pariyāe samaṇe niggaṃtheāyārakusale, saṃjamakusale, pavayaṇakusale,
paṇṇattikusale, saṃgahakusale, uvaggahakusale,
akkhayāyāre, abhinnāyāre, asabalāyāre
asaṃkiliṭṭhāyāracitte, bahussue, banbhāgame
jahaṇṇeṇaṃ ṭhāṇa-samavāya-dhare
kappai āyariyattāe jāva

4.6.p2

uvajjhāyattāe, pavattitāe, therattāe, gaṇiktāe

4.7

gaṇāvaccheiyattāe, uddisittae

4.8

sūtra 8
sacceva ṇaṃ se aṭṭhavāsapariyāe samaṇe ṇiggaṃthe
no āyārakusale, no saṃjamakusale, no pavayaṇakusalaṃ,
no pannattikusale, no saṃgahakusale, no uvaggahakusale;
khayāyāre, bhinnāyāre sabalāyāre,
saṃki liṭṭhaṭhāyāracitte, appasue, appāgame.
no kappai āyariyattāe jāva-gaṇāvaccheiyattāe uddisittae

4.6-2

jaṃ se niruddhapariyāe samaṇe niggaṃthe
kappai āyariya-uvajjhāyattāeṃ uddisittae taddivasaṃ

4.10

sūtra 10
niruddhavāsapariyāe samaṇe ṇiggaṃthe
kappai āyariya-uvajjhāyattāe uddisittae
samuccheyakappaṃsi
tassa ṇaṃ āyāra-pakappasa dese avaṭṭhie,
se ya 'ahijjaissāmi' tti ahajjejjā,
evaṃ se kappaṃi āyariya-uvajjhāyattāe uddisittae
se ya 'ahijjaissāmi' tti no ahijjejjā
evaṃ se no kappai āyariya-uvajjhāyattāe uddisittae

4.11

ācāryadyabhāve'vasthānaniṣedha :
sūtra 11
niggaṃthassa ṇaṃ nava-ḍahara-taruṇassa āyariya-uvajjhāe vosaṃbhejjā'
no se kappai aṇāyariya-uvajjhāyassa hottae
kappai se puvvaṃ āyariyaṃ uddisāvettā tao pacchā uvajjhāyaṃ
se kimāhu bhaṃte ! ?
du-saṃgahie samaṇe niggaṃthe,
taṃ jahā—1 āyarieṇaṃ, 2 uvajjhāeṇa ya

4.13

sūtra 12
niggaṃthīṇa ṇaṃ nava-ḍahara-taruṇīe āyariya-uvajjhāe pavattiṇī ya vīsaṃbhejjā,
no se kappai aṇāyariya-uvajjhāiyāe apavattiṇīyāe hottae
kappai se puvvaṃ āyariyaṃ uddisāvettā
tao uvajjhāyaṃ, tao pacchā pavattiṇi
se kimāhu bhaṃte ! ?
ti-saṃgahiyā samaṇī niggaṃthī,
taṃ jahā:—
1 āyarieṇaṃ 2 uvajjhāeṇaṃ, 3 pavattiṇīe ya
maithunapratisevanaviratasya padadāna-vidhānam
sūtra 13
bhikkhū a gaṇāo avakkamma mehuṇaṃ dhammaṃ paḍisevejjā,
tiṇṇi saṃvaccharāṇi tassa tappattiyaṃ no kappai āyariyatta vā jāva
gaṇāvaccheiyattaṃ uddisittae vā dhārettae vā
tiṃhi saṃvaccharehiṃ vīikkaṃtehiṃ
cautthagaṃsi saṃvaccharaṃsi paḍṭhiyaṃsi1
ṭhiyassa, uvasaṃtassa, uvarayassa, paḍivirayassa, nivvikārassa,1
evaṃ se kappai āyariyattaṃ vā jāva-gaṇāvaccheiyayattaṃ vā
uddisittae vā dhārettae vā

4.14

sūtra 14
gaṇāvaccheie gaṇāvaccheiyattaṃ anikkhivittā mehuṇadhammaṃ paḍisevejjā,
jāvajjīvāe tassa tappattiyaṃ no kappai
āyariyattaṃ vā jāva-gaṇāvaccheiyattaṃ vā
uddisittae vā dhārettae vā

4.15

sūtra 15
gaṇāvaccheie gaṇāvaccheiyattaṃ nikkhivittā mehuṇadhammaṃ paḍisevejjā,
tiṇṇi saṃvaccharāṇi tassa tappattiyaṃ no kappai
āyariyattaṃ vā jāva gaṇāvaccheiyattaṃ vā uddisittae vā dhārettae vā
tihiṃ saṃvaccharehiṃ vīikkaṃtehiṃ
cautthayaṃsi saṃvaccharaṃsi paṭṭṭhiyayaṃsi
ṭhiyassa, uvasaṃtassa, uvarayassa
paḍivirayassa, nivvigārassa
evaṃ se kappai āyariyattaṃ vā jāva-gaṇāvaccheiyattaṃ vā
uddisittae vā dhārettae vā

4.16

sūtra 16
āyariya-uvajjhāe āyariya-uvajjhāyattaṃ
anikkhivittā mehuṇadhammaṃ paḍisevejjā,
jāvajjīvāe tassa tappattiyaṃ no kappai
āyariyattaṃ vā jāva gaṇāvaccheiyattaṃ vā
uddisittae vā dhārettae vā

4.17

sūtra 17
āyariya-uvajjhāe āyariya-uvajjhāyattaṃ
nikkhivittā mehuṇadhammaṃ paḍisevajjā,
tiṇṇi saṃvaccharāṇi tassa tappattiyaṃ no kappai
āyariyattaṃ vā jāva-gaṇāvaccheiyattaṃ vā uddisittae vā dhārettae vā
tihiṃ saṃvaccharehi voikkaṃtehi
cautthagaṃsi saṃvaccharaṃsi paṭṭiyaṃsi
ṭhiyassa, uvasaṃtassa, uvarayassa,
paḍivirayassa, nivvigārassa,
evaṃ se kappai āyariyattaṃ vā jāva-gaṇāvaccheiyattaṃ vā
uddisittae vā dhārettae vā

4.18

sūtra 18
bhikkhū ya gaṇāo avakkamma ohāyai,
tiṇṇi saṃvaccharāṇi tassa tappattiyaṃ no kappai
āyariyattaṃ vā jāva-gaṇāvaccheiyattaṃ vā
uddisittae vā dhārettae vā
tiṃhi saṃvaccharehi vīikkaṃtehi
cautthagaṃsi saṃvaccharaṃsi paṭṭhiyaṃsi
ṭhiyassa, uvasaṃtassa, uvarayassa,
paḍivirayassa, nivvigārassa
evaṃ se kappai āyariyattaṃ vā jāva-gaṇāvaccheiyattaṃ vā
uddisittae vā dhārettae vā

4.16-2

sūtra 16
gaṇāvaccheie gaṇāvaccheiyattaṃ anicchavittā ohāejjā,
jāvajjīvāe tassa tappattiyaṃ no kappai
āyariyattaṃ vā jāva-gaṇāvaccheiyattaṃ vā
uddisittae vā dhārettae vā

4.20

sūtra 20
gaṇāvacchehae gaṇāvaccheiyattaṃ nikkhivittā ohāejjā,
tiṇṇi saṃvaccharāṇi tassa tappattiyaṃ nokappai
āyariyattaṃ vā jāva-gaṇāvaccheiyattaṃ vā uddisittaeṃ vā dhārettae vā
tiṃhi saṃvaccharehiṃ vīikkaṃtehiṃ,
cautthagaṃsi saṃvaccharaṃsi paṭṭhiyaṃsi
ṭhiyassa, uvasaṃtassa, uvarayassa
paḍivirayassa, nivvigārassa
evaṃ se kappai āyariyattaṃ vā jāva-gaṇāvaccheiyattaṃ vā
uddisittae vā dhārettae vā

4.22

sūtra 21
āyariya-uvajjhāe āyariya-uvajjhāyattaṃ
anikkhivittā ohāejjā,
jāvajjīvāe tassa tappattiyaṃ no kappai.
āyariyattaṃ vā jāva-gaṇāvaccheiyattaṃ vā
uddisittae vā dhārettae vā
sūtra 22
āyariya-uvajjhāe āyariya-uvajjhāyattaṃ
nikkhivittā ohāejjā,
tiṇṇi saṃvaccharāṇi tassa tappattiyaṃ no kappai
āyariyattaṃ vā jāva-gaṇāvaccheiyattaṃ vā
uddisittae vā dhārettae vā
tiṃhi saṃvaccharehi vīikkaṃtehi
cautthayaṃsi saṃvaccharaṃsi paṭṭhiyasi
ṭhiyassa, uvasaṃtassa, uvarayassa,
paḍivirayassa, ṇivvigārassa
evaṃ se kappai āyariyattaṃ vā jāva-gaṇāvaccheiyattaṃ vā
uddisittae vā dhārettae vā

4.23

bahuśo māyā-mṛṣādisevināṃ ācāryādipada-niṣedhasūtra 23
bhikkhū ya bahussue bahabhāgame
bahuso bahu āgāḍhāgāḍhesu kāraṇesu
māī musāvāī asuī pāvajīvī,
jāvajjīvāe tassa tappattiyaṃ no kappai
āyariyattaṃ vā jāva gaṇāvaccheiyattaṃ vā
uddisittae vā dhārettae vā

4.24

sūtra 24
gaṇāvaccheie bahussue vabbhāgame
bahuso bahu-āgāḍhā-gāḍhesu kāraṇesu
māī, musāvāī, asuī, pāvajīvī,
jāvajjīvāe tassa tappattiyaṃ no kappai
āyariyattaṃ vā jāva, gaṇāvaccheiyattaṃ vā
uddisittae vā dhārettae vā

4.25

sūtra 25
āyariya-uvajjhāe bahussue vabbhāgame
bahuso bahu-āgāḍhāgāḍhesu kāraṇesu
māī, musāvāī, asuī, pāvajīvī,
jāvajjīvāe tassa tappattiyaṃ no kappai
āyariyattaṃ vā jāva-gaṇāvaccheiyattaṃ vā
uddisittae vā dhārettae vā

4.26

sūtra 26
bahave bhikkhuṇo bahussuyā babbhāgamā
bahuso bahu-āgāḍhāgāḍhesu kāraṇesu
māī, musāvāī, asuī, pāvajīvī,
jāvajjīvāe tesiṃ tappattiyaṃ no kappai
āyariyattaṃ vā jāva-gaṇāvaccheiyattaṃ vā
uddisittae vā dhārettae vā

4.27

sūtra 27
bahave gaṇāvaccheiyā bahussuyā, babbhāgamā,
bahuso bahu-āgāḍhāgāḍhesu kāraṇesu
māī, musāvāī, asuī, pāvajīvī,
jāvajjīvāe tesiṃ tappattiyaṃ no kappai
āyariyattaṃ vā jāva-gaṇāvaccheiyattaṃ vā
uddisittae vā dhārettae vā

4.28

sūtra 28
bahave āyari-uvajjhāyā bahussuyā babbhāgamā
bahuso bahuāgāḍhāgāḍhesu kāraṇesu
māī, musāvāī, asuī, pāvajīvī,
jāvajjīvāe tesiṃ tappattiyaṃ no kappai
āyariyattaṃ vā jāva gaṇāvaccheiyattaṃ vā
uddisittae vā dhārettae vā

4.26-2

sūtra 26
bahave bhikkhuṇo, bahave gaṇāvaccheiyā
vahave āyariya-uvajjhāyā
bahussuyā bahabhāgamā
bahuso bahu-āgāḍhāgāḍheṃsu kāraṇasu
māī musāvāī, asuī, pāvajīvo,
jāvajjīvāe tesiṃ tappattiyaṃ
no kappai āyariyattaṃ vā jāva gaṇāvaccheiyattaṃ vā
uddisittāe vā dhārettāe vā
tti bemi

5.1

taio uddesao samatto
cauttho uddesao
caturtha uddeśaka
ācāryādīnāṃ varṣāvāse vihāre ca sādhusaṃkhyā vidhānam
sūtra 1
no kappai āyariya-uvajjhāessa egāṇiyassa hemanta-gimhāsu cattie ||1

5.2

sūtra 2
kappai āyariya-uvajjhāyassa appabiiyassa hemanta-gimhāsu catie

5.3

sūtra 3
no kappai gaṇāvaccheiyassa appaviiyassa hemanta-gimhāsu carie

5.4

sūtra 4
kappai gaṇāvaccheiyassa appataiyassa hemanta-gimhāsu carie

5.5

sūtra 5
no kappai āyariya-uvajjhāyassa appabiiyassa vāsāvāsaṃ vatthae

6.1.6

sūtra 6

6.1.7

kappai āyariya-uvajjhāessa appaṃtaiyassa vāsāvāsaṃ vatthae
sūtra 7

6.1.8

no kappai gaṇāvaccheiyassa appataiyassa vāsāvāsaṃ vatthae
sūtra 8

6.1.6_2

kappai gaṇāvaccheiyassa appacautthassa vāsāvāsaṃ vatthae
sūtra 6

6.1.10

se gāmaṃsi vā nayaraṃsi vā nigamaṃsi vā
rāyahāṇīe vā, kheḍaṃsi vā, kabbaḍaṃsi vā,
maḍaṃbaṃsi vā, paṭṭaṇaṃsi vā, doṇamuhaṃsi vā,
āsamaṃsi vā, saṃvāhaṃsi vā, sannivesaṃsi vā,
bahūṇaṃ āyariya-uvajjhāyāṇaṃ appavijhyāṇaṃ
bahūṇaṃ gaṇāvaccheiyāṇaṃ appataiyāṇaṃ
kappai hemanta-gimhāsu cariṇ annamannaṃ nissāe
sūtra 10

6.1.11

se gāmaṃsi vā nayaraṃsi vā, nigamaṃsi vā
rāyahāṇīe vā, kheḍaṃsi vā, kavvaḍaṃsi vā,
maḍaṃbaṃsi vā, paṭṭaṇaṃsi vā, doṇamuhaṃsi vā,
āsamaṃsi vā, saṃvāhaṃsi vā, sannivesaṃsi vā
bahūṇaṃ āyariya-uvajjhāyāṇaṃ appataiyāṇaṃ
bahūṇaṃ gaṇāvaccheiyāṇaṃ appacautthāṇaṃ
kappai vāsāvāsaṃ vatthae annamannaṃ nissāe
ācāryādau mṛte gaṇavartināṃ karaṇīyatā vidhānam
sūtra 11

6.1.13

gāmāṇuggamaṃ dūijjamāṇe bhikkhū jaṃ purao kaṭṭu viharai,
se ya āhacca vosaṃbhejjā,
atthi ya ittha anne kei upasaṃpajjārihe se' uvasaṃpajjayavve
natthi ya ittha anne kei uvasaṃpajjārihe
tassa appaṇo kappāe asamatthāekappai se egarāiyāe paḍimāe jaṇṇaṃ jaṇṇaṃ disaṃ
anne sāhammiyā viharaṃti
taṃ ṇaṃ taṃ ṇaṃ disaṃ uvattittae
no se kappai tattha vihāravattiyaṃ vatthae
kappai se tattha kāraṇavattiyaṃ vatthae
taṃsi ca ṇaṃ kāraṇaṃsi niṭṭhiyaṃsī parovaejjā'vasāhi ajjo ! egarāyaṃ vā durāyaṃ vā'
evaṃ se kappai egarāyaṃ vā durāyaṃ vā vatthae
no se kappai paraṃ egarāyāo vā durāyāo vā vatthae
je tattha paraṃ egarāyāo vā durāyāo vā vasai
se saṃtarā chee vā parihāre vā
ācāryānujñāte tatpaścātpadadāna-vidhānam
sūtra 13

6.1.15

āyariya-uvajjhāe gilāyamāṇe annayaraṃ vaejjā'ajjo ! mamaṃsi ṇaṃ kālagayaṃsi samāṇaṃsi ayaṃ samukkasiyavve |'
se ya samukkasaṇārihe samukkasiyavve
se ya no samukkasaṇārihe no samukkasiyavve
atthi ya ittha anne kei samukkasiṇārihe se samukkasiyavve
natthi ya ittha anne kei samukkasaṇārihe se ceva samukkasiyavve
taṃsi ca ṇaṃ samukkiṭṭhe si parovaejjā'dussamukkiṭṭhe te ajjo ! nikkhivvāhi |'
tassa ṇaṃ nikkhivamāṇassa natthi kei chee vā parihāre vā
je sāhammiyā 1 ahākappeṇaṃ no uṭṭhāe viharaṃti
savvesiṃ tesiṃ tappattiyaṃ chee vā parihāre vā
kalpākasyopasthāpanā-vidhānam
sūtra 15

6.1.16

āyariya-uvajjhāe saramāṇe jāva' caurāya paṃcarāyāo kappāgaṃ bhikkhu
no uvaṭṭhāvei
kappāe atthiyāiṃ se kei māṇaṇijje
kappāe natthi se kei chee vā parihāre vā,
natthi yāiṃ se kei māṇaṇijje kappāe se santarā chee vā parihāre vā
sūtra 16

6.1.17

āyariya-uvajjhāe asāramāṇe
paraṃ caurāyāo paṃcarāyāo vā kappāgaṃ bhikkhuṃ no uvaṭṭhāvei,
kappāe atthi yāiṃ se kei māṇaṇijje kappāe,
natthi se kei chee vā parihāre vā
ṇatthi yāiṃ se kei māṇaṇijje kappāe
se saṃtarā chee vā parihāre vā
sūtra 17

6.1.18

āyariya-uvajjhāe saramāṇe vā asaramāṇe vā
paraṃ dasarāya kappāo kappāgaṃ bhikkhuṃ no uvaṭṭhāvei,
kappāe atthi yāiṃ se kei māṇaṇijje kappāe
ṇatthi se kei chee vā parihāre vā
ṇatthi yāiṃ se kei māṇaṇijje kappāe
saṃvaccharaṃ tassa tappattiyaṃ no kappai āyariyattaṃ vā jāvagaṇāvaccheiyattaṃ vā uddisittae
sūtra 18

6.1.16_2

bhikkhū ya gaṇāo avakkamma
annaṃ gaṇaṃ uvasaṃpajjittāṇaṃ viharejjā,
taṃ ca kei sāhammie pāsittā vaejjā'kaṃ ajjo ! uvasaṃpajjittāṇaṃ viharasi ?'
je tattha savvarāiṇie taṃ vaejjā
rāiṇie taṃ vaejjā
'aha bhaṃte ! kassa kappāe ?'
je tattha savva-bahussue taṃ vaejjā
jaṃ vā se bhagavaṃ vakkai tassa āṇā-uvavāya-vayaṇe niddese ciṭṭhissāmi
abhiniccārikā vidhānam
sūtra 16

6.1.20

bahave sāhammiyā icchejjā egayao abhiniccāriyaṃ cārae
kappai1 no ṇaṃ there aṇāpucchittā egayao abhiniccāriyaṃ cārae
kappai ṇaṃ there āpucchittā egayao abhiniccāriyaṃ cārae
therā ya se viyarejjā—evaṃ ṇaṃ kappai egayao abhiniccāriyaṃ cārae
therā ya se no viyarejjā-evaṃ ṇaṃ no kappai egayao abhiniccāriyaṃ
cārae
je tattha therehiṃ aviiṇṇe egayao abhiniccāriyaṃ caraṃti
se santaro chee vā parihāre vā
sūtra 20

6.1.21

cariyāpaviṭṭhe bhikkhū jāva-caurāya paṃcarāyāo there pāsejjā,
sacceva āloyaṇā, sacceva paḍikkamaṇā,
sacceva oggahassa puvvāṇunnavaṇā ciṭṭhai ahāmaṃdamavi oggahe
sūtra 21

6.1.22

cariyāpaviṭṭhe bhikkhū paraṃ caurāya-paṃcarāyāo
there pāsejjā,
puṇo āloejjā
puṇo paḍikkamejjā
puṇo cheyaparihārassa uvaṭṭhāejjā
bhikkhubhāvassa aṭṭhāe doccaṃpi oggahe aṇunnaveyavve siyā
kappai se evaṃ vadittae—
'aṇujāṇaha bhaṃte ! mioggahaṃ ahālaṃdaṃ dhuvaṃ nitiyaṃ nicchaiyaṃ' veuṭṭhiyaṃ |'
tao pacchā kāya-saṃphāsaṃ
sūtra 22

6.1.23

cariyā niyaṭṭhe bhikkhū jāva caurāya-paṃcarāyāo there pāsejjā,
sacceva āloyaṇā,
sacceva paḍikkamaṇā
sacceva oggahassa puvvāṇunnavaṇā ciṭṭhai
ahālaṃdamavi oggahe
sūtra 23

6.1.24

cariyāniyaṭṭhe bhikkhū paraṃ caurāya-paṃcarāyāo
there pāsejjā,
puṇo āloejjā,
puṇo, paḍikkamejjā,
puṇo cheyaparihārassa uvaṭṭhāejjā
bhikkhu bhāvassa aṭṭhāe doccaṃ pi oggahe
aṇunnaveyavve siyākappai se evaṃ vaittae'aṇujāṇaha bhaṃte ! mioggahaṃ ahālaṃdaṃ dhuvaṃ nitiyaṃ nicchaiyaṃ veuṭṭhiyaṃ |'
tao pacchā kāya-saṃphāsaṃ
sārdhamikādīnāṃ upasampadā vidhānam
sūtra 24

6.1.31

do sāhammiā egayao viharaṃti,
taṃ jahā-sehe ya, rāiṇie ya
tattha sehatarāe palicchanne, rāiṇie apalicchanne
(tattha) sehatarāeṇaṃ rāiṇie uvasaṃpajjayavve,
bhikkhovavāyaṃ ca dalayaha kappāgaṃ
sūtra 31

6.1.32

bahave āyariya-uvajjhāyā egayao viharaṃti
no ṇaṃ kappai annamannaṃ uvasaṃpajjittāṇaṃ viharittae
kappai ṇaṃ ahārāiṇiyāe annamannaṃ uvasaṃpajjittāṇaṃ viharittae
sūtra 32

6.1.p20

bahave bhikkhuṇo,
bahave gaṇāvaccheiyā,
bahave āyariya-uvajjhāyā
egayao viharanti
no ṇaṃ kappai annamannaṃ uvasaṃpajjittāṇaṃ viharittae

6.2

kappai ṇaṃ ahārāiṇiyāe annamannaṃ uvasaṃpajjittāṇaṃ viharittae

6.2-2.25

cauttho uddesao samatto
paṃcamo uddesao
pravartinyādīnāṃ varṣāvāse vihāre ca sādhvī saṃkhyā vidhānam
no kappai pavattiṇīe appa-biiyāe hemaṃta-gimhāsu cārae
kappai pavattiṇīe appa-taiyāe hemaṃta-gimhāsu cārae
no kappai gaṇāvaccheiṇīe appa-taiyāe hemaṃta-gimhāsu cārae
kappai gaṇāvaccheiṇīe appa-cautthāe hemaṃta-gimhāsu cārae
no kappai pavattiṇīe appa-taiyāe vāsāvāsaṃ vatthae
sūtra 25

6.2-2.26

do sāhammiyā egayao viharaṃti,
taṃ jahā-sehe ya, rāiṇie ya
tattha rāiṇie palicchanne, sehatarāe apalicchanne
icchā rāiṇie sehatarāgaṃ uvasaṃpajjejjā
icchā no uvasaṃpajjejjā;
icchā bhikkhovavāyaṃ dalejjā1 kappāgaṃ
icchā no dalejjā kappāgaṃ2
sūtra 26

6.2-2.27

do bhikkhuṇo egayao viharaṃti,
no ṇaṃ kappai annamannaṃ uvasaṃpajjittāṇaṃ viharittae
kappai ṇaṃ ahārāiṇiyāe annamannaṃ uvasaṃpajjittāṇaṃ viharittae
sūtra 27

6.2-2.28

do gaṇāvaccheiyā egayao viharaṃti,
no ṇaṃ kappai annamannaṃ uvasaṃpajjittāṇaṃ viharittae
kappai ṇaṃ ahārāiṇiyāe annamannaṃ uvasaṃpajjittāṇaṃ viharittae
sūtra 28

6.2-2.26_2

do āyariya-uvajjhāyā egayao viharaṃti,
no ṇaṃ kappai annamannaṃ uvasaṃpajjittāṇaṃ viharittae
kappai ṇaṃ ahārāiṇiyāe annamannaṃ uvasaṃpajjittāṇaṃ viharittae
sūtra 26

6.2-2.30

vahave bhikkhuṇo egayao viharaṃti,
no ṇaṃ kappai annamannaṃ uvasaṃpajjittāṇaṃ viharittae
kappai ṇaṃ ahārāiṇiyāe annamannaṃ uvasaṃpajjittāṇaṃ viharittae
sūtra 30

6.2-2.6

bahave gaṇāvaccheiyā egayao viharaṃti
no ṇaṃ kappai annamannaṃ uvasaṃpajjittāṇaṃ viharittae
kappai ṇaṃ ahārāiṇiyāe annamannaṃ uvasaṃpajjittāṇaṃ viharittae
sūtra 6

6.2-2.7

kappai pavattiṇīe appa-cautthāe vāsāvāsaṃ vatthae
sūtra 7

6.2-2.8

no kappai gaṇāvaccheiṇīe appa-cautthāe vāsāvāsaṃ vatthae
sūtra 8

6.2-2.6_2

kappai gaṇāvaccheiṇīe appa-paṃcamāe vāsāvāsaṃ vatthae
sūtra 6

6.2-2.10

se gāmaṃsi vā nagaraṃsi vā
nigamaṃsi vā rāyahāṇisi vā jāva¹— sannivesaṃsi vā
vahūṇaṃ pavattiṇīṇaṃ appataiyāṇaṃ
bahūṇaṃ gaṇāvaccheiṇīṇaṃ appacautthāṇaṃ
kappai hemaṃta-gimhāsu cārae annamannaṃ nīsāe
sūtra 10

6.2-2.11

se gāmaṃsi vā nagaraṃsi vā
nigamaṃsi vā rāyahāṇisi vā jāva² sannivesaṃsi vā
vahūṇaṃ pavattiṇīṇaṃ appacautthāṇaṃ,
vahūṇaṃ gaṇāvaccheiṇīṇaṃ appa-paṃcamāṇaṃ
kappai vāsāvāsaṃ vatthae annamannaṃ nīsāe
pravarttinyādīnāṃ maraṇe gaṇavarttinīnāṃ karaṇīyatā vidhānam
sūtra 11

6.2-2.13

gāmāṇugāmaṃ dūijjamāṇī niggaṃdhī ya
jaṃ purao kāuṃ viharejjā,
sā ya āhacca1 vīsaṃbhejjā
atthi ya ittha kāi annā uvasaṃpajjaṇārihā sā uvasaṃpajjayavvā
natthi ya ittha kāi annā uvasaṃpajjaṇārihā
tīse ya appaṇo kappāe asāmatthāe
eyaṃ se kappai egarāiyāe paḍimāe jaṇṇaṃ jaṇṇaṃ disaṃ
annāo sāhammiṇīo viharaṃti
taṃ ṇaṃ taṃ ṇaṃ disaṃ uvalittae
no se kappai tattha vihāravattiyaṃ vatthae
kappai se tattha kāraṇavattiyaṃ vatthae
taṃsi ca ṇaṃ kāraṇaṃsi niṭṭhiyaṃsī parā vaejjā‘vasāhi ajje ! egarāyaṃ vā durāyaṃ vā’
evaṃ se kappai egarāyaṃ vā durāyaṃ vā vatthae
no se kappai paraṃ egarāyāo vā durāyāo vā vatthae
jā tattha paraṃ egarāyāo vā durāyāo vā vasai
se santaro chee vā parihāre vā
sūtra 13

6.2-2.14

pavattiṇī ya gilāyamāṇī annayaraṃ vaejjā—
'mae ṇaṃ ajje ! kālagayāe samāṇīe iyaṃ samukkasiyavvā |'
sā ya samukkasiṇārihā samukkasiyavvā
sā ya no samukkasiṇārihā no samukkasiyavvā
atthi ya ittha annā kāi samukkasiṇārihā sā samukkasiyavvā
natthi ya ittha annā kāi samukkasiṇārihā sā ceva samukkasiyavvā
tāe ca ṇaṃ samukkiṭṭhāe parā vaejjā—
'dussamukkiṭṭhaṃ te ajje ! nikkhivāhi',
tāe ṇaṃ nikkhivamāṇāe natthi kei chee vā parihāre vā
jāo sāhammiṇīo ahākappaṃ no1 uṭṭhāe viharaṃti
savvāsi tāsi tappattiyaṃ chee vā parihāre vā ?
sūtra 14

6.2-2.15

pavattiṇī ya ohāyamāṇī annayaraṃ vaejjā'mae ṇaṃ ajje ! ohāviyāe samāṇīe iyaṃ samukkasiyavvā|'
sā 'ya samukkasiṇārihā samukkasiyavvā,
sā ya no samukkasiṇārihā no samukkasiyavvā
atthi ya ittha annā kāi samukkasaṇārihā sā samukkasiyavvā
natthi ya ittha annā kāe samukkāsaṇārihā sā ceva samukkasiyavvā
tāe ṇaṃ samukkiṭṭhāe parā vaejjā'dussamukkivhu' te ajje ! nikkhivāhi |'
tāe ṇaṃ nikkhivamāṇāe natthi kei chee vā parihāre vā
jāo sāhammiṇīo ahākappaṃ no uṭṭhāe viharaṃti
savvāsi tāsiṃ tappattiyaṃ chee vā parihāre vā
ācāraprakalpe vismṛte padadānādā-vidhānama
sūtra 15

6.2-2.1

niggaṃthassa ṇaṃ nava ḍahara-taruṇassa 1

6.2-2.16

āyārapakappe2 nāmaṃ ajjhayaṇe paribbhaṭṭhe siyā
se ya pucchiyavve'keṇa te3 kāraṇeṇa ajjo ! āyārapakappe nāmaṃajjhayaṇe paribbhaṭṭhe ? kiṃ āvāheṇa udāhu pamāeṇaṃ ?
se ya vaejjā'no āvāheṇaṃ, pamāeṇaṃ;'
jāvajjīvaṃ tassa tappattiyaṃ no kappai
āyariyattaṃ vā jāva-gaṇāvaccheiyattaṃ
uddisittae vā dhārettae vā
se ya vaejjā'āvāheṇaṃ, no pamāeṇa;'
se ya 'saṃṭhavessāmīti' saṃṭhavejjā
evaṃ se kappai āyariyattaṃ vā jāva gaṇāvaccheiyattaṃ vā
uddisittae vā dhārettae vā
se ya 'saṃṭhavessāmi' iti no saṃṭhavejjā,
evaṃ se no kappai āyariyattaṃ vā jāva gaṇāvaccheiyattaṃ vā
uddisittae vā dhārettae vā
sūtra 16

6.2-2.17

niggaṃthīe nava-ḍahara-taruṇāe
āyāra-pakappe nāmaṃ ajjhayaṇe paribbhaṭṭhe siyā,
sā ya pucchiyavvā'keṇa bhe kāraṇeṇaṃ ajje ! āyāra-pakappe nāmaṃ ajjhayaṇe paribbhaṭṭhe ?
kiṃ ābāheṇaṃ udāhu pamāeṇaṃ ?'
sā ya vaejjā'no ābāheṇa, pamāeṇaṃ,'
jāvajjīvaṃ tose tappattiyaṃ no kappai pavattiṇittaṃ vā gaṇāvaccheiṇittaṃ vā
uddisittae vā dhārettae vā
sā ya vaejjā'ābāheṇaṃ, no pamāeṇaṃ,'
sā ya 'saṃṭhavessāmi' iti saṃṭhavejjā
evaṃ se kappai pavattiṇittaṃ vā gaṇāvaccheiṇittaṃ vāuddisittae vā dhārettae vā
sā ya 'saṃṭhavessāmi' iti no saṃṭhavejjā,
evaṃ se no kappai pavattiṇittaṃ vā gaṇāvaccheiṇittaṃ vāuddisittae vā dhārettae vā
sthavirāṇāmācāraprakalpe vismṛte punaḥ smāraṇavidhānam
sūtra 17

6.2-2.18

therāṇaṃ therabhūmipattāṇaṃ
āyāra-pakappe nāmaṃ ajjhayaṇe paribbhaṭṭhe siyā,
kappai tesiṃ saṃṭhavettāṇaṃ vā asaṃṭhavattāṇaṃ vā
āyariyattaṃ vā jāva gaṇāvaccheiyattaṃ vā
uddisittae vā dhārettae vā
sūtra 18

6.2-2.16_2

therāṇaṃ therabhūmipattāṇaṃ
āyāra-pakappe nāmaṃ ajjhayaṇe paribbhaṭṭhe siyā,
kappai tesiṃ sanniṣaṇṇāṇa vā saṃtuyaṭṭhāṇa vā uttāṇayāṇa vā pāsillayāṇa vā
āyārapakappaṃ nāmaṃ ajjhayaṇaṃ
doccaṃpi taccaṃpi paḍipucchittae vā paḍisārettae vā
sūtra 16

6.2-2.20

je niggaṃthā ya niggaṃthīo ya saṃbhoiyā siyā
no ṇaṃ kappai tesi annamannassa aṃtie āloettae
atthi ya ittha ṇaṃ kei āloyaṇāhi
kappai ṇaṃ tassa aṃtie āloittae;
natthi ya ittha ṇaṃ kei āloyaṇāhi
evaṃ ṇaṃ kappai annamannassa aṃtie āloettae
nigrrantha-nigrranthīnāṃ svapakṣa-vipakṣe vaiyāvṛtya-vidhānam
sūtra 20

6.2-2.21

je niggaṃthā ya niggaṃthīyo ya saṃbhoiyā siyā,
no ṇaṃ kappai annamanneṇaṃ veyāvaccaṃ kāravettae
atthi ya ittha ṇaṃ kei veyāvaccakare kappai ṇaṃ teṇaṃ veyāvaccaṃ kāravattae;
natthi ya ittha ṇaṃ kei veyāvaccakare, evaṃ ṇaṃ kappai annamanneṇaṃ veyāvaccaṃ
kāravettae
sarpadaṃśa-cikitsāvidhānam
sūtra 21

6.2-2.1_2

niggaṃthaṃ ca ṇaṃ rāo vā viyāle vā dīhapaṭhṭho lūsej‍jā,
itthī vā purisassa omāvejjā
puriso vā itthīe omāvejjā
evaṃ se kappai, evaṃ se ciṭṭhai parihāraṃ ca se na pāuṇai—
esa kappe therakappiyāṇaṃ
evaṃ se no kappai, evaṃ se no ciṭṭhai, parihāraṃ ca no pāuṇai
esa kappe jiṇa-kappiyāṇaṃ
paṃcamo uddesao samatto
chaṭṭho uddesao
ṣaṣṭha uddeśaka
jñātigṛha-gamana vidhānam
sūtra 1

6.2-2.2

bhikkhū ya icchejjā nāya-vihiṃ ettae,
no se kappai there aṇāpucchittā nāya-vihiṃ ettae
kappai se there āpucchittā nāya-vihiṃ ettae
therā ya se viyarejjāevaṃ se kappai nāyavihiṃ ettae
therā ya se no viyarejjā -
evaṃ se no kappai nāyavihiṃ ettae
je tattha therehiṃ aviiṇṇe nāyavihiṃ ei
se saṃtarā chee vā parihāre vā
sūtra 2

6.2-2.3

no se kappai appasuyassa appāgamassa egāṇiyassa nāyavihiṃ ettae
sūtra 3

6.2-2.4

kappai se je tattha bahussue bahvāgame
teṇa saddhiṃ nāyarvihiṃ ettae
sūtra 4

6.2-2.5

tattha se puvvāgamaṇeṇaṃ puvvāutta cāulodaṇe,
pacchāuttaṃ bhiliṃgasūve,
kappai se cāulodaṇe paḍiggāhittae
no se kappai bhiliṃgasūve paḍiggāhittae
sūtra 5

6.2-2.6_3

tattha se puvvāgamaṇeṇaṃ puvvāutte bhiliṃgasūve
pacchāuttaṃ cāulodaṇe,
kappai se bhiliṃgasūve paḍiggāhittae
no se kappai cāulodaṇe paḍiggāhittae
sūtra 6

6.2-2.7_2

tattha se puvvāgamaṇeṇaṃ do vi puvvāuttaṃ,
kappai se do vi paḍiggāhittae
sūtra 7

6.2-2.8_2

tatya se puvvāgamaṇeṇaṃ do vi pacchāutte,
no se kappai do vi paḍiggāhittae
sūtra 8

6.2-2.6_4

je se tattha puvvāgāmaṇeṇaṃ puvvāutte
se kappai paḍiggahittae
sūtra 6

6.2-2.10_2

je se tattha puvvāgamaṇeṇaṃ pacchāutte,
no se kappai paḍiggāhittae
ācāryādīnāmatiśayanirūpaṇam
sūtra 10

6.2-2.11_2

āyariya-uvajjhāyassa gaṇaṃsi paṃca aisesā paṇṇattā,
taṃ jahā :—
(1) āyariya-uvajjhāe aṃto uvassayassa pāe nigijjhiya-nigijjhiya
papphoḍemāṇe vā pamajjemāṇe vā nāikkamai
(2) āyariya-uvajjhāe aṃto uvassayassa uccāra-pāsavaṇaṃ vigiṃcamāṇe
vā visohemāṇe vā nāikkamai
(3) āyariya-uvajjhāe pabhūveyāvaḍiyaṃ icchā karejjā, icchā no
karejjā
(4) āyariya-uvajjhāe aṃto uvassayassa egarāyaṃ vā durāyaṃ vā vasamāṇe
nāikkamai
(5) āyariya-uvajjhāe bāhiṃ uvassayassa egarāyaṃ vā durāyaṃ vā vasamāṇe
nāikkamai
gaṇāvacchedakasya-atiśeṣāḥ
sūtra 11

6.2-2.12

gaṇāvaccheiyassa ṇaṃ gaṇaṃsi do aisesā paṇṇattā, taṃ jahā—
(1) gaṇāvaccheie aṃto uvassayassa egarāyaṃ vā durāyaṃ vā vasamāṇe
nāikkamai
(2) gaṇāvaccheie bāhiṃ uvassayassa egarāyaṃ vā durāyaṃ vā vasamāṇe
nāikkamai
agītārthānāṃ vasativāsa-niṣedhaḥ
sūtra 12

6.2-2.13_2

se gāmaṃsi vā jāva1 sannivesaṃsi vā
egavagaḍāe, egaduvārāe, eganikkhamaṇa-pavesāe
no kappai bahūṇaṃ agaḍasuyāṇaṃ egayao vatthae
atthi yāiṃ ṇaṃ kei āyāra-pakappadhare,
natthi yāiṃ ṇaṃ kei chee vā parihāre vā
natthi yāiṃ ṇaṃ kei āyāra-pakappadhare
2se saṃtarā chee vā parihāre vā
sūtra 13

6.2-2.14_2

se gāmaṃsi vā jāva sannivesaṃsi vā
abhinivvagaḍāe, abhinividduvārāe, abhinikkhamaṇa-pavesaṇāe
no kappai bahūṇaṃ vi agaḍasuyāṇaṃ egayao vatthae
atthi yāiṃ ṇaṃ kei āyāra-pakappadhare
je tattiyaṃ rayaṇiṃ saṃvasai
natthi yāiṃ ṇaṃ kei chee vā parihāre vā
natthiyāiṃ ṇaṃ kei āyāra-pakappadhare
je tattiyaṃ rayaṇiṃ saṃvasai,
savvesiṃ tesiṃ tappattiyaṃ chee vā parihāre vā
gītārthasya vasati-vāse vidhi-niṣedhavidhānam
sūtra 14

6.2-2.15_2

se gāmaṃsi vā jāva sannivesaṃsi vā
abhinivvagaḍāie, abhinidduvārāe, abhinikkhamaṇa-pavesaṇāe
no kappai bahussuyassa bahuāgamassa egāṇiyassa bhikkhussa vatthae
kimaṃgapuṇa appasuyassa appāgamassa ?
sūtra 15

6.2-2.16_3

se gāmaṃsi vā jāva sannivesaṃsi vā
egavagaḍāie, egaduvārāe, eganikkhamaṇa-pavesāe
kappai bahussuyassa bahuāgamassa egāṇiyassa bhikkhussa vatthae
duhao kālaṃ bhikkhubhāvaṃ paḍijāgaramāṇassa
anaṅgakrīḍākartuḥ prāyaścittavidhānam
sūtra 16

6.2-2.17_2

'jattha1 ee bahave itthīo ya purisā ya paṇhāyaṃti
tattha se samaṇe niggaṃthe annayaraṃsi acittaṃsi soyaṃti sukkapoggale nigghāemāṇe
hatthakammapaḍisevaṇapatte āvajjai māsiṃyaṃ parihāraṭṭhāṇaṃ aṇa̱gghāiyaṃ
sūtra 17

6.2-2.18_2

jattha ee bahave itthīo ya purisā ya paṇhāyaṃti
tattha se samaṇe niggaṃthe annayaraṃsi acittaṃsi soyaṃti sukkapoggale nigghāemāṇe
mehuṇa-paḍisevaṇapatte āvajjai cāummāsiyaṃ parihāraṭṭhāṇaṃ aṇa̱gghāiyaṃ
sūtra 18

6.2-2.16_4

no kappai niggaṃthāṇa vā niggaṃthīṇa vā
niggaṃthi 1aṇṇagaṇāo āgayaṃ
khuyāyāraṃ sabalāyāraṃ
bhinnāyāraṃ saṃkiliṭṭhāyāracittaṃ1
tassa ṭhāṇassa aṇāloyāvettā apaḍikkamāvettā,
aniṃdāvettā, agarahāvettā,
aviuṭṭāvettā, avisohāvettā,
akaraṇāe aṇabbhuṭṭāvettā, ahārihaṃ pāyacchittaṃ apaḍivajjāvettā2
uvaṭṭhāvettae vā, saṃbhujittae vā saṃvasittae vā 3tīse ittariyaṃ disaṃ vā
aṇudisaṃ vā uddisittae vā, dhārettae vā
sūtra 16

6.2-2.20_2

kappai niggaṃthāṇa vā niggaṃthīṃṇa vā
niggaṃthi annagaṇāo āgayaṃ
khuḍāyāraṃ vā, sabalāyāraṃ vā,
bhinnāyāraṃ vā, saṃkiliṭṭhāyāracittaṃ vā
tassa ṭhāṇassa āloyāvettā, paḍikkamāvettā
niṃdāvettā, garahāvettā
viuṭṭāvettā, visohāvettā
akaraṇāe abbhuṭṭhāvettā, ahārihaṃ pāyacchittaṃ paḍivajjāvettā
uvaṭṭhāvettae vā, saṃbhuṃjittae vā, saṃvasittae vā,
tīse ittariyaṃ vā disaṃ vā aṇudisaṃ vā uddisittae vā dhārettae vā
sūtra 20

6.2-2.21_2

1no kappai niggaṃthāṇa vā niggaṃdhīṇa vā
niggaṃthaṃ annagaṇāo āgayaṃ
khuyāyāraṃ vā jāva-saṃkiliṭṭhāyāracittaṃ vā
tassa ṭhāṇassa aṇāloyāvettā jāva—
ahārihaṃ pāyacchittaṃ apaḍivajjāvettā
uvaṭṭhāvettae vā, saṃbhuṃjittae vā saṃvasittae vā,
tassa ittariyaṃ disaṃ vā aṇudisaṃ vā uddisittae vā dhārettae vā
sūtra 21

6.2-2.1_3

kappai' niggaṃthāṇa vā niggaṃthīṇa vā
niggaṃthaṃ annagaṇāo āgayaṃ
khuyāyāraṃ vā jāva saṃkiliṭṭhāyāracittaṃ
tassa ṭhāṇassa āloyāvettā jāva-ahārihaṃ pāyacchittaṃ paḍivajjāvettā
uvaṭṭhāve'ttāe vā, saṃbhuṃjittāe vā saṃvasittāe vā,
tassa ittariyaṃ disaṃ vā aṇṇudisaṃ vā uddisittāe vā dhārittāe vā
tti bemi
chaṭṭho uddesao samatto
sūtra 1

6.2-2.2_2

je niggaṃthā ya niggaṃthīo ya saṃbhoiyā siyā,
no kappai niggaṃthīṇaṃ niggaṃthe aṇāpucchittā
niggaṃthi annagaṇāo āgayaṃ
khuyāyāraṃ, sabalāyāraṃ,
bhinnāyāraṃ, saṃkiliṭṭhāyāracittaṃ,1
tassa ṭhāṇassa aṇāloyāvettā jāva pāyacchittaṃ apaḍivajjāvettā
pucchittae vā, vāettae vā
uvaṭṭhāvettae vā, saṃbhuṃjittae vā saṃvasittae vā,
tīse ittariyaṃ disaṃ vā aṇudisaṃ vā uddisittae vā dhārettae vā
sūtra 2

6.2-2.3_2

je niggaṃthā ya niggaṃthīo ya saṃbhoiyā siyā,
kappai niggaṃthīṇaṃ niggaṃthe āpucchittā ?2
niggaṃthi annagaṇāo āgayaṃ
khuyāyāraṃ, sabalāyāraṃ
bhinnāyāraṃ saṃkiliṭṭhāyāracittaṃ
tassa ṭhāṇassa āloyāvettā jāva pāyacchittaṃ paḍivajjāvettā
pucchittae vā, vāettae vā,
uvaṭṭhāvettae vā, saṃbhuṃjittae vā saṃvasittae vā,
tīse ittariyaṃ disaṃ vā aṇudisaṃ vā uddisittae vā dhārettae vā
sūtra 3

6.2-2.p47

je' niggaṃthā ya niggaṃthīo ya saṃbhoiyā siyā,
kappai niggaṃthāṇaṃ niggaṃthīo āpucchittā vā aṇāpucchittā vā
niggaṃthiṃ annagaṇāo āgayaṃ
khuyāyāraṃ, sabalāyāraṃ
bhinnāyāraṃ saṃkiliṭṭhāyāracittaṃ
tassa ṭhāṇassa āloyāvettā jāva pāyacchittaṃ paḍivajjāvettā
pucchittae vā, vāettae vā
uvaṭṭhāvettae vā saṃbhuṃjittae vā saṃvasittae vā,
tīse ittariyaṃ disaṃ vā aṇudisaṃ vā uddisittae vā dhārettae vā
taṃ ca niggaṃthīo no icchejjā, sayameva ninyaṃ ṭhāṇaṃ

6.2-2.p1

sāmbhogikasya visāmbhogikakaraṇa vidhānam
sūtra 4
je niggaṃthā ya niggaṃthīyo ya saṃbhoiyā siyā,
no ṇaṃ kappai pārokkhaṃ pāḍiekkaṃ saṃbhoiyaṃ visaṃbhogaṃ karettae
kappai ṇaṃ paccakkhaṃ pāḍiekkaṃ saṃbhoiyaṃ visaṃbhogaṃ karettae
jattheva annamannaṃ pāsejjā tattheva evaṃ vaejjā"ahaṃ ṇaṃ ajje ! tumāe saddhi imaṃmi kāraṇammi paccakkhaṃ saṃbhogaṃ visaṃbhogaṃ
karemi|"
se ya paḍitappejjā,
evaṃ se no kappai paccakkhaṃ pāḍiekkaṃ saṃbhoiyaṃ visaṃbhogaṃ karettae
seya no paḍitappejjā
evaṃ se kappai paccakkhaṃ pāḍiekkaṃ saṃbhoiyaṃ visaṃbhogaṃ karettae
sūtra 5
jāo niggaṃthīo vā niggaṃthā vā saṃbhoiyā siyā
no ṇaṃ kappai1 paccakkhaṃ pāḍiekkaṃ saṃbhoiyaṃ visaṃbhogaṃ karettae
kappai ṇaṃ pārokkhaṃ pāḍiekkaṃ saṃbhoiyaṃ visaṃbhogaṃ karettae
jattheva tāo appaṇo āyariya-uvajjhāe pāsejjā
tattheva evaṃ vaejjāahaṃ ṇaṃ bhaṃte ! amugīe ajjāe saddhiṃ imammi kāraṇammi
parokkhaṃ pāḍiekkaṃ saṃbhogaṃ visaṃbhogaṃ karemi |”
sā ya se paḍitappejjā
evaṃ se no kappai pārokkhaṃ pāḍiekkaṃ saṃbhoiyaṃ visaṃbhogaṃ karettae
sā ya no paḍitappejjā
evaṃ se kappai pārokkhaṃ pāḍiekkaṃ saṃbhoiyaṃ visaṃbhogaṃ karettae
pravrajyā-vidhānam
sūtra 6
no kappai niggaṃthāṇaṃ niggaṃthi appaṇo aṭṭhāie
pavvāvettae vā muṇḍāvettae vā1
sehāvettae vā uvaṭṭhāvettae vā
saṃvasittae vā, saṃbhuṃjittae vā
tīse uttariyaṃ disaṃ vā aṇudisaṃ vā uddisittae vā dhārettae vā
sūtra 7
kappai niggaṃthāṇaṃ niggaṃthi annesi aṭṭhāie
pavvāvettae vā jāva saṃbhuṃjittae vā,
tīse uttariyaṃ disaṃ vā aṇudisaṃ vā uddisittae vā dhārettae vā
sūtra 8
no kappai niggaṃthīeṃ niggaṃthaṃ appaṇo aṭṭhāie
pavvāvettae vā muṇḍāvettae vā jāva uddisittae vā dhārettae vā
sūtra 6
kappai niggaṃthīṇaṃ niggaṃtha niggaṃthāṇaṃ aṭṭhāie
pavvāvettae vā muṇḍāvettae vā jāva uddisittae vā dhārettae vā
vihāra-vidhānam
sūtra 10
no kappai niggaṃthīṇaṃ viikisiṭṭhayaṃ disaṃ vā aṇudisaṃ vā
uddisittae vā dhārettae vā
sūtra 11
kappai niggaṃthāṇaṃ viikisiṭṭhayaṃ disaṃ vā aṇudisaṃ vā
uddisittae vā dhārettae vā
adhikaraṇa-śamanavidhānam
sūtra 12
no kappai niggaṃthāṇaṃ viikiṭṭhāśaṃ pāhuḍāīṃ bimosavettae
sūtra 13
kappar̤a niggaṃthīeṃ viikiṭṭhāeṃ pāhuḍāeṃ biosavettae
sūtra 14
no kappai niggaṃthāṇaṃ
viigiṭṭhe kāle sajjhāyaṃ uddisittae vā karettae vā
sūtra 15
kappai niggaṃthīeṃ viikiṭṭhae kāle sajjhāyaṃ karettae1
niggaṃtha nissāe
sūtra 16
no kappai niggaṃthāṇa vā niggaṃthīṇa vā
asajjāie sajjhāyaṃ karettae
sūtra 17
kappai niggaṃthāṇa vā niggaṃthīṇa vā sajjhāie sajjhāyaṃ karettae
sūtra 18
no kappai niggaṃthāṇa vā niggaṃthīṇa vā
appaṇo asajjāie sajjhāyaṃ karettae
kappai ṇaṃ annamannassa vāyaṇaṃ dalaittae
nirgranthyai ācāryopādhyāyapadārhasādhoḥ vidhānam
sūtra 16
tivāsapariyāe samaṇe niggaṃthe
tīsaṃ vāsapariyāe samaṇīe niggaṃthīe
kappai uvajjhāettāe uddisittae
sūtra 20
paṃcavāsapariyāe samaṇe niggaṃthe
saṭṭhivāsapariyāe samaṇīe niggaṃthīe
kappai āyariya-uvajjhāyattāe uddisittae
mṛtabhikṣordeha-pariṣṭāpana-vidhānam
sūtra 21
gāmāṇugāmaṃ dūhajjamāṇe bhikkhūya āhacca vīsaṃbhejjā,
taṃ ca sarīragaṃ kei sāhammie pāsejjā,
kappai se taṃ sarīragaṃ se 'mā' sāgāriyaṃ' tti kaṭṭu2
taṃ sarīragaṃ egaṃte acitte bahuphāsue thaṃḍille
paḍilejittā pamajjittā pariṭṭhavettae
atthi ya ittha kei sāhammiya saṃtie uvagaraṇajāe pariharaṇāhi,
kappai se sāgārakaḍaṃ gahāya doccaṃpi oggahaṃ
aṇunnavettā parihāraṃ parihārettae
śayyātarād vasatyanujñāvidhānam
sūtra 22
sāgārie¹ uvassayaṃ vakkaeṇaṃ pauṃjejjā,
se ya vakkaiyaṃ vaejjā—
"imammi imammi ya ovāse samaṇā niggaṃthā parivasaṃti"
se sāgārie parihārie
se ya no vaejjā, vakkaie vaejjā
se sāgārie pārihārie
do vi te vaejjā,
do vi sāgāriyā pārihāriyā
sūtra 23
sāgārie uvassayaṃ vivikkaṇejjā,
se ya kaiyaṃ vaejjā—
"imammi ya imammi ya ovāse samaṇā niggaṃthā parivasaṃti"
se sāgārie parihārie
se ya no vaejjā, kaie vaejjā

6.2-2.p2

"imammi jāva—parivasaṃti"

6.2-2.p3

se sāgārie pārihārie
do vi te vaejjā—

6.2-2.p4

"imammijāva-parivasaṃti"

6.4.24

do vi sāgariyā parihāriyā
sūtra 24

6.4.25

vihavadhūyā nāyakulavāsiṇī,
sā vi yāvi oggahaṃ aṇunnaveyavvā
kimaṃga puṇa piyā vā bhāyā vā putte vā
se viyā vi oggahe ogeṇhiyavve
sūtra 25

6.4.26

pahe1 vi oggaho aṇunnaveyavvo
sūtra 26

6.4.27

se rajjapariyaṭṭesu saṃthaḍesu avvogaḍesu
avvocchinnasu apara pariggahiesu
sacce va oggahassa puvvāṇunnavaṇā ciṭṭhai
ahālaṃdamavi oggahe
sūtra 27

6.4.1

se rajjapariyaṭṭesu asaṃyaḍesu, vogaḍesu vocchinnasu parapariggahisu
bhikkhubhāvassa aṭṭhāe doccaṃpi oggahe aṇunnaveyavve siyā
sattamo uddesao samatto
sūtra 1

6.4.2

gāhā uḍū pajjosathie
tāe gāhāe tāe paesāe, tāe uvasaṃtarāe
"jamiṇaṃ sejjāsaṃthāragaṃ labhejjā, tamiṇaṃ tamiṇaṃ mameva siyā |”
therā ya se aṇujāṇejjā, tasseva siyā
therā ya se no aṇujāṇejjā no tasseva siyā
evaṃ se kappai ahārāiṇiyāe sejjāsaṃthāragaṃ paḍiggāhettae
sūtra 2

6.4.3

se ya ahālahusagaṃ sejjāsaṃthāragaṃ gavesejjā
jaṃ cakkiyā egeṇaṃ hattheṇaṃ ogijjha jāva
egāhaṃ vā duyāhaṃ vā tiyāhaṃ vā addhāṇaṃ parivahittae,
esa me hemaṃta-gimhāsu bhavissai
sūtra 3

6.4.4

se ya ahālahusagaṃ sejjāsaṃthāragaṃ gavesejjā—
jaṃ cakkiyā egeṇaṃ hattheṇaṃ ogijjha jāva
egāhaṃ vā duyāhaṃ vā tiyāhaṃ vā addhāṇaṃ parivahittae,
esa me vāsāvāsāsu bhavissai
sūtra 4

6.4.5

se ahālahusagaṃ sejjā saṃthāragaṃ jāejjā—
jaṃ cakkiyā egeṇa hattheṇaṃ ogijjha jāva
egāhaṃ vā, duyāhaṃ vā tiyāhaṃ vā, cauyāhaṃ vā
paṃcāhaṃ vā dūramavi addhāṇaṃ parivahittae,
esa me vuḍḍhāvāsāsu bhavissai
sthāpita-sthaviroparakaraṇānāṃ punarapyanujñā vidhānam
sūtra 5

6.4.6

therāṇaṃ therabhūmittāṇaṃ kappai
daṇḍae vā bhaṇḍae vā chattae vā mattae vā
laṭṭhiyā vā mise vā celevā celacilimili vā cammaṃvā, cammadakose vā
cammapaliccheyaṇae vā
aviehie. ovāse ṭhavettā gāhāvaikulaṃ
piṇḍavāyapaḍiyāe pavisittae vā nikkhamittae vā
kappai ṇaṃ sanniyaṭṭacārīṇaṃ doccaṃpi uggahaṃ aṇunnavettā pariharittae
prātihārika-śayyādīnāṃ bahirnayane punarapyanujñā-vidhānam -
sūtra 6

Vyavaharasutra (Vyavahārasūtra)

Contents

Text