Uttarajjhayana p126

p126

maggio ya collagakaro—jahā deva! paḍhamaṃ tumha ghare bhuṃjissaṃ, tao tuha causaṭṭhīe bhāriyāsāhassīṇaṃ, battīsāe mahārāyasahassāṇaṃ, puṇo sāmaṃta-maṃti-mahaṃtaga purohiyā ''rakkhamāīṇaṃ, tao ettha nayare siṭṭhi-satthavāha- māhṇa-vaṇiya- koḍuṃbiyamāīṇa, evaṃ savanagara-gāmāgarāisu jāva sababharahe, tammi niṭṭhie puṇo vi tumha gehi tti | rāiṇā īsi hasiūṇa bhaṇiyaṃbho ! kimeiṇā viḍaṃbaṇāpāeṇa tucchamaggaṇeṇa ?, desaṃ bhaṃḍāraṃ ca demi, to suhaṃ chattachāyāe hatthikhaṃdhavaragao hiṃḍihisi | so bhaṇai – kiṃ mama eddahamahaṃteṇa pariggaheṇaṃ ?, ettieṇa caiva me saṃtoso | tao 'jo jattiyassa atthassa, bhāyaṇaṃ tassa tattiyaṃ hoi | vuṭṭhe vi doṇamehe, na ḍuṃgare pāṇiyaṃ ṭhāi || 1 ||' ii ciṃtiūṇa paḍivanaṃ rāiṇā | bhutto paḍhamadivase rāiṇo gidde, dinaṃ dīṇārajuvalayaṃ ca | evaṃ parivāḍīe āḍhatto bhuṃjiraṃ | tammi ya pure aṇegāo kulakoḍīo, tassa vi aṃtaṃ na jāhi tti kiṃ puṇa bharahassa ? | avi ya so devayāṇubhāveṇa vacejjā, na ya maṇuyattaṇāo bhaṭṭho akayadhammo māṇusattaṇaṃ lahaiti || 1 ||
'pāsaga' tti cāṇakko - gollavisae caṇayagāmo, tattha caṇago māhaṇo so ya sāvao | tassa ghare sāhū ṭhiyā | putto se jāo saha dāḍhāhiṃ | sāhūṇaṃ pāesa pāḍio | kahiyaṃ ca-rāyā bhavissai ti | 'mā doggaiṃ jāissai ' tti daṃtā ghaṭṭā | puṇo vi āyariyāṇa kahiyaṃ - kiṃ kijjau ? | ettāhe vi biṃbaṃtario rāyā bhavissai | ummukkabālabhāveṇa coisa vijjāṭhāṇāṇi āgamiyāṇi - aṃgāī cauro veyā, mīmāṃsā nāyavittharo 1 purāṇaṃ dhammasatthaṃ ca, ṭhāṇā cosa āhiyā || 1 || sikkhā vāgaraṇaṃ ceva, niruttaṃ chaṃda joisaṃ | kappo ya avaro hoi, chaca aṃgā viāhiyā || 2 || so sāvao saṃtuṭṭho | egāo dariddabhaddamāhaṇakulāo bhajjā pariṇīyā | annayā bhāivivāhe sā māigharaṃ | gayā | tīse ya bhagiṇīo annesiṃ kheddhādāṇiyāṇa dinnāo | tāo alaṃkiyavibhūsiyāo āgayāo | sabo pari
1 dhanāḍhyebhyaḥ |