Uttarajjhayana p136

p136

kayāo duyaṃgulapamāṇāo gaṃḍiyāo, coujjāeṇa ya avacunniyāo, kappūreṇa ya maṇāgaṃ vāsiyāo, sūlāhi ya maṇāgaṃ minnāo, gahiyāī abhiṇavamalagāī, bhariūṇa ya tāṇi ḍhakkiūṇaṃ pesiyāṇi | ḍhoiyāiṃ ca gaṃtūṇa māhavīe | daṃsiyāṇi tīe vi jaṇaṇīe | bhaṇiyā ya-peccha ammo ! purisāṇamaṃtaraṃ ti, tā ahaṃ eesiṃ guṇāṇamaṇurattā | jaṇaṇīe ciṃtiyaṃ'acaṃtamohiyā esā na paricayai attaṇā imaṃ tā karemi kiṃ pi uvāyaṃ jeṇa eso kāmuo gacchai videsaṃ, tao sutthaṃ havai' tti ciṃtiūṇa bhaṇio tīe ayalo -kahasu eīe purao aliyagāmaṃtaragamaṇaṃ, pacchā paviṭṭhe māṇussasāmaggīe āgacchejjaha vimāṇejjaha ya taṃ, jeṇa vimāṇio saṃto desaccāyaṃ karei, tā saṃjuttā ciṭṭhejjaha, ahaṃ te vattaṃ dāhāmi | paḍivannaṃ ca teṇa | annammi diṇe kayaṃ saheva teṇa | niggao aliyagāmaṃtaragamaṇamiseṇa | nibbharaṇa paviṭṭho ya mūladevo | jāṇāvio jaṇaṇīe ayalo āgao mahāsāmaggīe | diṭṭho ya pavisamāṇo devadattāe, bhaṇio ya mūladevo — īiso caiva avasaro, paḍicchiyaṃ ca jaṇaṇīe eyaṃ pesiyaṃ davaṃ, tā tumaṃ palaṃkaheṭṭhao muhuttagaṃ ciṭṭhaha | tāva ṭhio so palakaṭṭhao | lakkhio ayaleṇaṃ | nisanno ya palake ayalo, bhaṇiyā ya sā teṇa—kareha nhāṇasāmariṃga | devadattāe bhaṇiyaṃ — evaṃ ti, tā uṭṭhaha niyaṃsaha pottiṃ jeṇa abbhaṃgijjai | ayaleṇa bhaṇiyaṃ-mae diṭṭho ajja sumiṇao, jahā - 'niyatthio ceva abbhaṃgiyagatto ettha palleke ārūḍho vhāo' tti, to saccaṃ sumiṇayaṃ karesu | devadattāe bhaṇiyaṃ -naṇu viṇāsijjae mahagghaṃ tūligaṃḍuyamāīyaṃ | teṇa bhaṇiyaṃ - annaṃ te visidvataraṃ dāhāmi | jaṇaṇīe bhaṇiyaṃ — evaṃ ti | tao tatthaṭṭhio ceva abbhaṃgiuvaṭṭio unhakhalaudgehi ya majjio | bhario teṇa heḍio mūladevo | gahiyāudā paviṭṭhā purisā | sannio jaṇaṇīe ayalo | gahio teṇa mūladevo vālehiṃ bhaṇio ya-re ! saṃpayaṃ nirūvehi jai koi asthi
1 cāturjātena -' ilācī' ityanena |
KKA PAN