Uttarajjhayana p138

p138

rayaṇī | tao vaṭṭāo osariūṇa vaḍapāyavahehao pasuttā | pañcūse puṇo patthiyā, majjhaṇhe taheva thakkā, taheva mukta ṭakkeṇa, na dinnaṃ eyassa | jāva taiyadiyahe ciṃtiyaṃ mūladeveṇa-nitthinnappāyā aḍavī, tā aja avassaṃ mama dāhī esa | jāva tattha vi na dinnaṃ | nitthinnā ya tehiṃ aḍavī | jāyāo doṇha vi annannavaṭṭāo| tao bhaṭṭeṇa bhaṇiyaṃ-bho! tujjha esā vaṭṭā mamaṃ puṇa esā, tā vacca tuma eyāe | mūladeveṇa bhaṇiyaṃ-bho bhaṭṭa ! āgao ahaṃ tujjha ppabhāveṇaṃ, tāmajha mūladevo nāma, jai kayāi kiṃ pi paoyaṇaṃ me sijjhai tāāgaccheja vennāyaḍe, kiṃ ca tujjha nāma ? | ṭakkeṇa bhaṇiyaṃ-sadbhaḍo, jaṇakayāvaḍakeṇa ya nigdhiṇasammo nāma | tao patthio bhaṭṭo saggāma | mūladevo vi vināyaḍasammuhaṃ ti | |aṃtarāle ya diṭuṃ vasimaṃ | tattha paviṭṭho bhikkhānimittaṃ | hiṃḍiyaṃ asesaṃ gāma | laddhā kummāsā, na kiṃpi annaṃ | gao |jalāsayābhimuhaṃ | etthaṃtarammi ya tavasusiyadeho mahāṇubhāvo mahātavassī māsopavāsapāraṇayanimittaṃ diṭṭho pavisamāṇo | taṃ |ca pecchiya harisavasubhinnapulaeṇa ciṃtiyaṃ ca mūladeveṇa-aho ! dhanno kayattho ahaṃ, jassa imammi kāle esa mahātavassī dasaṇapahamāgao, tā avassaṃ bhaviyatvaṃ mama kallāṇeṇa | avi ya-marutthalīe jaha kapparakkho, dariddagehe jaha hemabuṭṭī| māyaṃgagehe jaha hatthirāyā, muṇī mahappā taha ettha eso||1|| kiñca-dasaṇanāṇavisuddhaṃ, paṃcamahatvayasamāhiyaṃ dhīraṃ | khaṃtī-maddava-ajava-juttaṃ muttippahāṇaṃ ca || 2|| sajjhāyajjhāṇatavovahāṇanirayaṃ visuddhalesāgaṃ | paṃcasamiyaṃ tiguttaṃ, akiṃcaṇaṃ cattagihisaṃgaṃ ||3|| supattaṃ esa sāhū | tā-erisapattasukhittaṃ, visuddhasaddhājaleṇa saṃsittaṃ | nihiyaṃ tu dadhasassaṃ, ihaparaloe aṇaṃtaphalaṃ ||4|| tā ettha kālociyā demi eyarasa ceva kummāsā, jao adāyago esa gāmo, eso
ya mahappā kaivayagharesu darisāvaṃ dāūṇa paḍiniyattai, ahaṃ puṇa do tinni vāre hiṃḍāmi to puṇo labhissaṃ, āsanno avaro X bitio gāmo tā payacchāmi sabai ime tti | paṇamiūṇa tao samappiyā bhagavao kummāsā | sāhuṇā vi tassa pari