Uttarajjhayana p14

p14

śrīātmavallabhagranthāṅkaḥ-12.
oṃ namaḥ pravacanāya| nyāyāmbhonidhi-śrīmadvijayānandasūrīndrapaṭṭālaṅkāraśrīmadvijayavallabhasūripādapadmebhyo namaḥ |
pūrvoddhṛtajinabhāṣitaśrutasthavirasanhabdhāniśrīmannemicandrasūrivihitasukhabodhā''khyavṛttiyutāni
śrīuttarādhyayanāni |
praṇamya vighnasaṅghāta-ghātinastīrthanāyakān | siddhāṃśca sarvasādhūṃśca, stutvā ca śrutadevatām ||1|| ātmasmṛtaye vakṣye, jaḍamatisaṅkeparucihitārthaṃ ca | ekaikārthanibaddhā, vṛttiṃ sūtrasya sukhabodhām ||2|| bahvād vṛddhakṛtād , gambhīrād vivaraṇāt samuddhṛtya | adhyayanānāmuttara-pūrvāṇāmekapāṭhagatām ||3|| [tribhirviśeṣakam ] arthāntarāṇi pāṭhāntarāṇi sūtre ca vṛddhaṭīkātaḥ | boddhavyāni yato'yaṃ, prārambho gamanikāmātram || 4|| tāni ca patriṃśad bhavanti | tatra vinayamūlatvād dharmasya prathamaṃ vinayādhyayanam , tasya cedamādisūtramsaṃjogā vippamukkassa, aṇagārassa bhikkhuṇo| viṇayaṃ pāukarissāmi, āṇupuviṃ suṇeha me ||1||
vyākhyā-'saṃyogāt' sambandhād bāhyābhyantarabhedabhinnāt , tatra mātrādiviṣayād vāhyāt kaṣāyādiviṣayāccāntarāt, vividhaiḥ prakāraiḥ-jñānabhāvanādibhiḥ prakarṣeṇa muktaḥ-tyakto vipramuktastasya, “anyo'nyaṃ bhavacakre, jātāḥ sarve'pyanantaśo
u0 a01