Uttarajjhayana p165

p165

śrīuttarādhyayanasūtre śrīnamicandrīyavṛttiḥ
tṛtīyaṃ caturaṅgīyā|'dhyayanam |
durlabhasya caturaṅgasa phalam |
||76||
vyākhyā-'śuddhiḥ' kaṣāyakāluṣyāpagamo bhavatīti gamyate, 'ṛjubhūtasya' caturaṅgaprāptyā muktiṃ prati praguṇībhūtasya | tathā ca 'dharmaḥ' kṣāntyādiḥ śuddhasya 'tiṣṭhati' avicalitatayā''ste, aśuddhasya tu kadācit kaṣāyodayādasau vicalatyapi | tadavasthitau ca 'nirvāṇaṃ' jīvanmuktiṃ 'paramaṃ prakṛṣṭaṃ 'yāti' gacchati | uktaśca-"nirjitamadamadanānāṃ, vākkāyamanovikārarahitānām | vinivṛttaparāśānā-miheva mokṣaḥ suvihitānām || 1||" atyantapraśamasukhānubhāvāt | tathā hi| "taṇasaṃthāranivanno, vi muṇivaro bhaṭṭharāyamayamoho | jaṃ pāvai muttisuhaṃ, katto taṃ cakkavaṭṭī vi || 2||" kathambhūtaḥ san ? 'ghṛtasiktaḥ pāvaka iva' tapastejojvalitatvena ghṛtatarpitāgnisamāna iti sūtrārthaḥ || 12 || itthamāmuṣmikamaihikaṃ ca phalamupadiśya śiṣyopadeśamāha -
vigiṃca kammuṇo he, jasaṃ saṃciṇu khaṃtie| pāḍhavaṃ sarīraṃ hiccā, u8 pakkamaī disaṃ||13|| vyākhyā-'vevidhi' pṛthak kuru 'karmaṇaḥ' prastāvāt mānuṣatvādivibandhakasya 'hetum' upādānakāraṇaṃ mithyātvāviratyādikam | tathā yaśohetutvāt 'yaśaḥ' saṃyamo vinayo vā | yaduktam-"evaṃ dhammassa viṇao, mūlaṃ paramo se mokkho| jeṇa kittiṃ suyaṃ sigdhaṃ, nissesaṃ cābhigacchai ||1||" tat 'sacinu' upacitaṃ kuru, kayā?–kṣāntyā, upalakṣaṇatvāt mārdavādibhiśca | evaṃ kurvataḥ kiṃ syāt ? ityāha-'pārthivaṃ' paraprasiddhyā pṛthivīvikāraṃ 'śarīraṃ' tanuṃ 'hitvā' muktvā ūrdhā diśamiti sambandhaḥ, 'prakrāmati' prakarṣeṇa gacchatīti sūtrārthaḥ || 13 || itthaṃ yeṣāṃ tadbhava eva muktyavāptiḥ tān pratyuktam | yeṣāṃ tu na tathā tān pratyāha
1 "tṛṇasaṃstāranipano'pi munivaro bhraṣṭarāgamadamohaḥ| yat prāpnoti muktisukhaṃ, kutastat cakravaryapi ||2||" 2 "evaṃ dharmasya vinayo, mūlaṃ paramo'sau mokṣaḥ | yena kīrti śrutaṃ śīghraṃ, niḥśreyasaṃ cābhigacchati || 1||"
||76||