Uttarajjhayana p198

p198

bhaṇiyaṃ kumareṇa viṇayajutteṇaṃ | suhaguru ! sāhasu majjhaṃ, sakouo kiṃ pi pucchāmi || 296 || ke pahu ! ime supurisā, | jovaṇalāvannarūvapasihatthā | veraggamaggavaḍiyā, paṃca vi icchaṃti vayagahaṇaṃ ? || 297 || tao bhaṇiyaṃ nāṇiṇā
atthi iha visayamajjhe, camarī nāmeṇa visamapalli tti | taṃ bhuṃjai balavaṃto, dharaṇidharo nāma bhillo ti || 298 || aha annayā kayāī, haya-gaya-raha- joha - suhaḍapariyario | ego naravaikumaro, samāgao tassa bhūmīe || 299 || tā teṇa tassa sibiraṃ, hayavihayaṃ takkhaṇeṇa kāūṇaṃ | āḍhatto saṃgāmo, balavaiṇā teṇa sariso tti || 300 || bhiḍiyā mahaī velaṃ, jāva na ego vi tīrae chaliḍaṃ | to teṇa niyayajāyā, kayasiṃgārā kayā purao || 301 || tā tīe uvari diṭṭhī, vammahaharieṇa pesiyā jāva | chiddaṃ lahiūṇa tao, kumareṇaṃ so hao mamme || 302 || vahiūṇa bhillanāhaṃ, so kumaro pavasio piyāsahio | ee puṇa paṃca vi tassa bhāyaro āgayā turiyaṃ || 303 || jīyavimukkaṃ dahuṃ, bāṇapahāreṇa bhāyaraṃ jeṅkaṃ | rahamaggeṇaṃ caliyā, amarisavasaphuraphuraṃtoṭṭhā || 304 || saṃkhaurammi gaehiṃ, diṭṭho kumaro kumārapariyario | ciṭṭhati tattha paṃca vi, jovaṃtā māraṇe chiḍuṃ || 305 || aha annadiṇe kumaro, ujjāṇe mukkasayalaparivāro | niyajāyāe sameo, diṭṭho so tehi egāgī || 306 || jā ciṃtaṃti imaṃ te, vahaṇovāyaṃ kiliṭṭhapariṇāmā | sahasa tti tarasa jāyā, daṭṭhā duṭṭheṇa bhuyageṇaṃ || 307 || gayajīyaṃ nāūṇaṃ, appāṇaṃ jā khivei jalaṇammi | tā vijjāharajuyalaṃ, pattaṃ satthīkayā teṇaṃ || 308 || caiūṇa tamujjāṇaṃ, paccāsanne gayāiṃ devaule | mottūṇa taṃ mayacchi, jalaṇassa tao gao kumaro || 309 || evaṃ paṃca vi purisā, laddhachalā garuyatosamāvannā | vahaṇakaraṇujjayamaṇā, pacchannā tattha ciṭṭhati || 310 || eāṇa kaṇiṭṭheṇaṃ, ciragoviyadīvao samuggāo | payaḍīkao ya sahasā, suramaṃdiramajjhayārammi || 311 || dīvajjoeṇa tao, diṭṭho bālāe tāṇa lahu bhāyā | ainehanibbharāe, paloio somadiṭṭhīe || 312 || tā
FOXBXQX