Uttarajjhayana p28

p28

na pakkhao na purao, neva kiccāṇa piṭṭhao | na muṃje ūruṇā ūrūṃ, sayaṇe ṇa paḍissuṇe ||18||
vyākhyā-na pakṣato-dakṣiṇādipakṣamāśritya, upaviśediti śeṣaḥ, tathopaveśane tatpatisamāveśatastatsāmyādhānenā'vinayābhāvād gurorapi vakrāvalokane skandhakandharādibādhāsaṃbhavāt | na purato-agrataḥ, tatra vandakajanasya guruvadanā'navalokādinā aprītibhāvāt | naiva kṛtyānāṃ-kṛtikarmāharhāṇāṃ gurūṇāṃ pṛṣṭhataḥ-pṛṣṭhamāśritya, dvayorapi mukhā'darśane tathāvidharasavattābhāvāt | na yujhyād-na saṃghaṭṭayedatyāsannopaveśanādibhiruruṇā-ātmīyena uru-gurusambandhinaṃ, tathākaraṇe kṛtyāvinayasadbhāvāt | upalakṣaṇaṃ caitat śeṣāṅgasparśaparihārasya | śayane-śayyāyāṃ śayita āsīno veti śeṣaḥ, kim ? ityāha-na pratiśṛṇuyāt | kimuktaṃ bhavati ?-śayyāgato guruṇā''kārita ukto vā kṛtyaṃ prati na tathāsthita evā'vajñayā kurma evamityādivacanataḥ pratijānīyāt, kintu guruvacanasamanantarameva saṃbhrāntacetā vinayaviracitāñjaliḥ samīpamāgamya | pādapatanapurassaramanugṛhīto'hamiti manyamāno bhagavan ! icchāmo'nuśiṣṭimiti vadediti sūtrārthaḥ || 18 || tathāneva palhatthiyaṃ kujjā, pakkhapiṃḍaṃ va saṃjae | pāe pasārae vā vi, ṇa ciṭhe guruṇaṃtie || 19||
vyākhyā-naiva paryastikāṃ-jānujaṅghopari vasraveṣṭanarūpāṃ kuryāt , pakṣapiṇḍaṃ vā-bāhudvayakāyapiṇḍanātmakaṃ saṃyataḥsādhuḥ, tathā pādau prasārayed vāpi naiva | vā-samuccaye | api-kiṃ punarita ito vikṣipediti darśanārthaḥ | anyacca na tiṣṭhet-nā''sīta gurūṇāmantike-prakramādatisannidhau, kintūcitadeśa eva, anyathā'vinayadoṣasaṃbhavāt | upalakṣaṇaṃ caitadupaṣṭambhādīnāmiti sūtrārthaḥ || 19 || tathāāyariehiṃ vāhiṃto, tusiṇīo ṇa kayāi vi| pasāyapehī ṇiyāgaṭṭī, uvaciṭhe guruṃ sayā ||20||
XOXOXOXXXXXXXXXX