Uttarajjhayana p286

p286

namicaritram |
XOXOXOXOXOXOXOXOXOXOXXX
tīe saha pīiṃ ghaḍei | puṣpha-kuṃkuma-tabola-vatthā-'laṃkārāiyaṃ pesei | na ya tīe koi anno duṭṭhabhāvo hiyae | evaṃ kālo | vaccai | annayā maṇiraheṇa mayaṇarehā bhaṇiyā—suṃdari ! jai mamaṃ purisaṃ paḍivajasi tā sayalarajasāmiṇiṃ karemi | tīe bhaṇiyaṃ-napuṃsitthibhāveṇa vajiyassa purisattaṃ tujjha puvakammeṇeva jāyaṃ, mayā appaḍivanne vi jaṃ puṇa rajjasāmittaṃ taṃ pi ko hariuṃ tarai tuha bhāijuvarāyaghariṇīsadaṃ vahaṃtīe mamaṃ ? ti, annaṃ ca je sappurisā havaṃti te maraṇavasaṇaṃ | bahumannaṃti na uṇa ihaloya-paraloyaviruddhaṃ āyaraṃti, jao-"jīvāṇaṃ hiṃsāe, alieṇaṃ taha parassa haraṇeṇaṃ | paraitthiA kāmaṇeṇaṃ, jīvā narayammi vañcati || 1||" tā mahārāya ! evaṃ vavatthie muttūṇa duṭṭhabhāvamāyāraṃ paḍivajasu | evaṃ
ca soūṇa tuhikko ṭhio| ciṃtiyaṃ ca teṇa-na esā jugabāhummi jīvamāṇe annaṃ purisamicchei, tā eyaṃ vissaṃbheṇa ghāemo, tao balakāreṇa gihissāmi, na anno ko vi uvāo atthi tti | evaṃ kālo vañcai | annayā mayaṇarehā caṃdaṃ sumiṇe daṭṭhaṇa bhattuṇo sāhei | teṇa bhaṇiyā-suṃdari ! sayalapuhavimaṃḍalanayalassa mayaṃkabhūo suo te bhavissai | tao tīe gabbhasaṃbhavo saṃvutto| taie ya māse dohalo jāo-jai jiṇāṇaṃ muṇīṇaṃ ca pūrya karemi, sayayaṃ ca titthayarāṇaṃ saṃtiyāo kahāo nisuṇemi | tao jahicchāe saṃpūriyaḍohalā gambhaṃ suheṇubahai | annayā vasaṃtamāse jugabāhū mayaṇa| rehāe saha ujāṇe kīḍatthamuvāgao| khajabhoyaṇapāṇakhittassa atthagirīo volīṇo ahesaro | ucchāio tamaniyareṇa bhuvaṇābhoo| tao jugabāhū tammi ceva ujjāṇe ṭhio| maṇiraheṇa ciṃtiyaṃ-sohaṇo esa avasaro, egaṃ tāva jugabāhū nayarabāhirujjāṇe ṭhio, bīyaṃ thovasahāo, taiyaṃ rayaṇī, cautthaṃ timiraniyareṇa aṃdhāriyaṃ vaṇaṃ, tā gaṃtūṇa māremo, tāhe mayaṇarehāe saha nissaṃka ramissāmi | evaṃ ca ciṃtiūṇa maṇḍalaggaṃ gahāya gao ujjāṇaṃ | jugabāhū vi kāūṇa raikīlaṃ pasutto kayalīhare | purisā causu vi pāsesu nivannā | bhaṇiyā ya te maṇiraheṇa-kattha jugabāhū ?| sāhio