Uttarajjhayana p288

p288

nami
caritram |
na ceva māyā, na suyā na ya bhāyaro na suhi baṃdhū | na ya dhaṇanicayā saraṇaṃ, saṃsāre dukkhapaurammi ||1|| ekko ciya iha saraṇaṃ, jammaṇa-jara-maraṇa-dukkhataviyāṇaṃ | sattāṇa suhanihāṇaṃ, jiṇiṃdaparibhāsio dhammo ||2||" evaṃ ca savaṃ jugavāhaṇā uttamaṃgaviraiyakaramauliṇā paḍicchiyaṃ | thevavelāe suhajjhavasāṇovagao paṃcattamuvagao| tao arkadiumāḍhatto caṃdajaso | mayaṇarehāe ciṃtiyaṃ-dhiratthu majjha rūvassa evaṃvihāṇatthamūlassa, saṃpai esa pāvakārī aṇicchamāṇīe vi me avassa sīlabhaṃgaṃ karissai, tā alaṃ etthāvatthāṇeṇa, annattha dese gaṃtūṇa paraloyakajjamaṇuciṭṭhāmi, annahā puttassa vi esa pāvo viṇāsaṃ karissai | evaṃ maṃtiūga sogāulahiyayāṇa caṃdajasāīṇa aḍḍarattasamae gurudukkhasaṃtattamaṇā nīhariyā ujjāṇāo gayā puvābhimuhī | pattā mahāḍaiṃ | volīṇā jāmiṇī | vaccaṃtīe majjhaṇhe pāviyaṃ paumasaraṃ | vaṇaphalehiṃ kayā pāṇavittī| addhakheyakhinnā pasuttā sāgāraṃ bhattaṃ pañcakkhāittā kayalīhare | āgayā rayaṇī | tīe ghurukaṃti vagghā, guṃjaṃti sīhā, dhurudhuraṃti varāhā, phekkāraṃti bheravaṃ bhasuyāo | evaṃ aṇegasāvayasaddavittatthāe namokāraciṃtaṇaparāe aṭṭharatte jāyā uyare aīvaveyaṇā | kiccheṇa pasūyā savalakkhaṇasaṃpannaṃ dāragaṃ | pahāe ya kaṃbalarayaṇeṇa veḍhittā jugabāhunāmaṃkiyaṃ muddārayaṇaṃ ulaṃbiūṇa kaṃdharāe gayā saravaraṃ | pakkhāliūṇa aṃbarāī avainnā majaṇatthaṃ | etthaṃtare jalamajjhāo kayaṃto va samuddhāio aīvajaveṇa jalakarī| gahiyā teṇa suṃḍāe| pakkhittā nahayale | bhaviyadhayāniogeṇa diṭṭhā naṃdīsaradīvapatthieṇa vijjāharajuvāṇeṇaṃ | 'rūvavaī' tti kāūṇa gahiyā nivaḍamāṇī karuṇaṃ ruyamāṇī| nīyā veyaḍapavayaṃ| bhaṇio ya so ruyamāṇīe-bho mahāsatta! anjāhaṃ rayaṇīe vaṇamajjhe pasūyā, dāragaṃ taṃ ca kayalīhare muttūṇa saramavainnā, jalagaeṇa ukkhittā tumae gahiyā, tā so bālo keṇai vaṇayareṇa vāvāijassai ahavā āhāravirahio sayaṃ ceva vivajjejjā, tā mahāpurisa! avaccadāṇeṇa pasāyaṃ kāūṇa mā vikkhevaṃ karehi, dārayamāṇehiṃ mamaṃ vā tattha nehi tti |