Uttarajjhayana p300

p300

naggaticaritram |
jaṃpai so suro tāva daḍhasattivijjāharo putta-dahiyāanesaṇatthamāgao | vaṃtareṇa māyāe kaṇayamālā annārisaruvā kayā| putta-duhiyā-vāsavasarīrāiṃ mayagarūvāī dharaṇīe nivaḍiyāiṃ daṃsiyāī | tāī dahṇa ciṃtiyaṃ daḍhasattiṇā-imo | mama taṇao vāsaveṇa viṇāsio, vāsavo vi kaṇayateeṇa, vāvāijamāṇeṇa ya vāsaveṇa kaṇayamālā viṇāsiyā, tā dhiratthu saṃsārassa bahudukkhapaurassa, 'ko sayanno eyammi raī kareti ? tti veraggamuvagao pavajamabbhuvagao | vaṃtareṇa ya uvasaṃhariyā māyā | vaṃdio kaṇayamālāe sureṇa ya | sāhuṇā bhaṇiyaṃ-kimerisaṃ ?| sāhio ya kaṇayamālāe bhāivuttaṃto| sāhuṇā bhaṇiyaṃ-mae tinni ya mayagasarīrāiṃ diṭṭhāī| sureṇa bhaṇiyaṃ—mae māyā kayā| kimatthaṃ ? | sureṇa bhaṇiyaṃ-suṇasu kāraṇaṃ |
khiipaihie nayare āsi jiyasattū nāma rāyā | teṇa cittaṃgayassa cittayarassa duhiyā pariṇīyā kaṇayamaṃjarī nāma | sā vi sāviyā jāyā | so vi cittaṃgao tīe paṃcanamokkāreṇa nijāmio mariūṇa vaṃtaro nāma suro jāo, so ya ahaṃ ti | annayā ihamāgao, jāvesā kaṇayamālā soyavihurā diṭṭhā | jāo imīe uvari aīvasiṇeho, ciṃtiyaṃ ca-kimesā me puvabhavio baṃdhuviseso āsi ? tti ohīpautto | nāyaṃ-kaṇayamaṃjarī mama duhiyā esa tti
mariūṇa khayaraduhiyā jāyā| etthaṃtare tumamāgao| mayā ciṃtiyaṃ-esā piuṇā saha gamissai ti virahabhīruṇā X| annārisā kayā tumha mohaṇatthaṃ, mayagaṃ ca daṃsiyaṃ eīe dehaṃ | pavanno ya tumaṃ pavaja ti | tao 'aho ! mae esa mahāṇu-IX | bhāgo evaṃ vaṃciu' tti jāo haṃ sakheo, tā khamiyatvaṃ tumae duñciṭṭhiyamimaṃ | sāhū vi 'dhammapaḍivattiheuttaṇeṇa uvayārī tuma' ti jaṃpiūṇa uppaio viharai jahāsamāhiyaṃ | kaṇayamālāe vi surasāhiyavuttataṃ ciṃtayaṃtīe jāyaṃ jāīsaraṇaṃ, nāo puvabhavo-jahā haṃsā kaṇayamaṃjari tti, eso ya mama piyā suro jāo| tao saṃjāyaḍhasiṇehāe bhaṇio
XBIKXOXOXOXOXOXOX